Di Nɔmba Dɛm 10:28 - Krio Fɔs Oli Baybul

²⁸ Na so di Izrɛlayt dɛn bin de wɛn dɛn de mach as dɛn de go.

Di Nɔmba Dɛm 10:28 Referans Kwoze

Di Nɔmba Dɛm 2:34

Di Izrɛlayt dɛn du ɔltin we PAPA GƆD bin tɛl Mozis se dɛn fɔ du; dɛn kamp bay dɛn grup wit dɛn bana ɛn lɛf bay dɛn grup. Ɔlman bin de wit in yon fambul dɛn yon grup.

Lɛta Fɔ Kɔlɔse 2:5

Pan ɔl we a nɔ de wit una mi at de wit una. A gladi fɔ si se una ɔl gɛt wan at pan di biliv we una biliv pan Krays ɛn una mekɔp traŋa wan se nɔbɔdi nɔ go ebul mek una tap fɔ biliv pan am.

1 Kɔrint 14:40

Una fɔ du ɔltin di rayt we ɛn natin nɔ fɔ kɔnfyus Gɔd in wok.

1 Kɔrint 14:33

bikɔs Gɔd nɔ want mek wi we i kɔl fɔ du in wok, kɔnfyus pan ɛnitin we wi de du. I want mek ɔltin waka fayn. Lɛkɛ aw i de bi na ɔl dɛn chɔch,

Sɔlɔmɔn In Siŋ Dɛm 6:10

“Udat dis we de shayn lɛk do klin, fayn lɛk mun, de shayn lɛk san, fiaful lɛk ami we de mach wit bana.

Di Nɔmba Dɛm 10:27

ɛn Aira we na Enan in bɔypikin bin de lid Naftali fambul layn.

Di Nɔmba Dɛm 10:29

Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.