Di Nɔmba Dɛm 10:25 - Krio Fɔs Oli Baybul

²⁵ Di wan dɛn na Dan Kamp, na dɛn las go wit dɛnsɛf yon bana bay aw dɛn bin de. Na dɛn na bin di sikyɔriti we lɛf biɛn ɛn na Eayiza we na Amishaday in bɔypikin bin de lid dɛn.

Di Nɔmba Dɛm 10:25 Referans Kwoze

Jɔshwa 6:9

Fɛtman dɛn we ol wɛpɔn bin de mach bifo di man dɛn we de mek sakrifays fɔ pipul sin we de blo di trɔmpɛt dɛn ɛn nɔ de tap we dɛn bin de mach, ɛn di sojaman dɛn we fɔ de biɛn, bin de biɛn di ak.

Di Nɔmba Dɛm 1:12

pan Dan in fambul dɛn, yu gɛt, Eayiza we na Amishaday in bɔypikin;

Ayzaya 58:8

Na datɛnde yu layt go shayn lɛk ali mɔnin layt, ɛn yu wɛlbɔdi go kam wit spid; na di waka we yu de waka tret na PAPA GƆD in yay, ɔlman go no yu fɔ, ɛn na PAPA GƆD in glori go de gyad yu bak.

Ayzaya 52:12

Bikɔs una nɔ go kɔmɔt go ɔri ɔri wan, ɛn una nɔ go go lɛk udat de rɔnawe, bikɔs PAPA GƆD go de bifo una, ɛn na Izrɛl dɛn Gɔd go gyad una bak.

Di Nɔmba Dɛm 7:66

Na di nɔmba tɛn de na Eayiza we na Amishaday in bɔypikin ɛn lida fɔ Dan in fambul dɛn, briŋ in prɛzɛnt.

Di Nɔmba Dɛm 10:24

ɛn Abidan we na Gidiɔni in bɔypikin in bin de lid di Bɛnjamin fambul layn.

Di Nɔmba Dɛm 10:26

Pegiɛl we na Okran in bɔypikin bin de lid Asha fambul layn,

Jɔshwa 6:13

Di sɛvin man we de mek sakrifays fɔ pipul sin we de blo di trɔmpɛt we dɛn tek man ship ɔn mek, de bifo PAPA GƆD in ak de blo di trɔmpɛt dɛn ɛn nɔ de tap. Di sojaman dɛn we bin ol wɛpɔn bin de bifo dɛn, bɔt di gyadman dɛn we fɔ de biɛn bin de biɛn PAPA GƆD in ak ɛn dɛn bin de blo di trɔmpɛt ɛn nɔ de tap.