Di Nɔmba Dɛm 1:53 - Krio Fɔs Oli Baybul

⁵³ bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Di Nɔmba Dɛm 1:53 Referans Kwoze

Di Nɔmba Dɛm 16:46

Dɔn Mozis tɛl Erɔn mek i tek in pɔt fɔ bɔn insɛns, put insɛns insay wit faya we kɔmɔt na di ɔlta ɛn rɔn go to di pipul dɛn go beg PAPA GƆD fɔ padin dɛn sin. I tɛl am se PAPA GƆD dɔn bigin fɔ sho aw i vɛks ɛn bad bad sik dɔn bigin we go kil di pipul dɛn.

1 Kronikuls 23:32

Na so dɛn fɔ tek kia ɔf di tɛnt we dɛn de mit wit PAPA GƆD, ɛn di oli ples, ɛn dɛn go de ɛp Erɔn in bɔypikin dɛn fɔ du di wok na PAPA GƆD in os.

Lɛvitikɔs 10:6

Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Di Nɔmba Dɛm 31:47

Pan di ɔda Izrɛlayt dɛn yon af, Mozis pul wan kɔmɔt pan ɛni fifti as PAPA GƆD se, ɛn gi di Livayt dɛn we na dɛn de kia fɔ PAPA GƆD in Tɛnt usay dɛn kin mit PAPA GƆD.

Di Nɔmba Dɛm 31:30

Pan di af we di ɔda Izrɛlayt dɛn fɔ gɛt, pul wan pan ɛni fifti wɛda na mɔtalman ɔ kaw ɔ dɔŋki ɔ ship ɔ got, ɛn gi di Livayt dɛn as na dɛn de kia fɔ PAPA GƆD in tɛnt.

Di Nɔmba Dɛm 8:19

Pan ɔl di Izrɛlayt dɛn, na di Livayt dɛn a dɔn gi to Erɔn ɛn in bɔypikin dɛn as prɛzɛnt fɔ de ɛp wok na di Tɛnt fɔseka di Izrɛlayt dɛn. Dɛn fɔ de de so dat dɛn go de beg PAPA GƆD fɔ fɔgiv di Izrɛlayt dɛn sin so dat bad sik nɔ go kech ɛniwan pan dɛn we go mistek go nia di oli ples usay PAPA GƆD de.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

2 Kronikuls 13:10

Bɔt as fɔ wi, PAPA GƆD na wi Gɔd ɛn wi nɔ go kɔmɔt biɛn am. Wi gɛt man dɛn we de mek sakrifays fɔ pipul sin we na Erɔn in bɔypikin dɛn ɛn Livayt dɛn we de wok fɔ PAPA GƆD.

1 Samiɛl 6:19

Bɔt PAPA GƆD mek sɛvinti man na Bɛth Shɛmɛsh day, bikɔs dɛn wach insay PAPA GƆD in ak. Di pipul dɛn sɔri bad we PAPA GƆD trit dɛn so.

Di Nɔmba Dɛm 3:38

Mozis, Erɔn ɛn in bɔypikin dɛn fɔ de na di Istɛn pat na di tɛnt, bay usay di san de grap, bifo di Tɛnt usay dɛn kin mit PAPA GƆD. Na dɛn nɔmɔ rɛspɔnsibul fɔ tek kia ɔf di Tɛnt fɔseka di Izrɛlayt dɛn. Ɛni ɔda pɔsin we go nia de go day.

Di Nɔmba Dɛm 1:50

bifo dat, i fɔ pik sɔm pan dɛn we go de inchaj ɔf di tɛnt we PAPA GƆD fɔ de, fɔ mek dɛn tek kia ɔf ɔltin we de insay de. Dɛn sɔpoz fɔ tot di tɛnt, wit ɔl wetin de insay am; tek gud kia ɔf am ɛn bil dɛn tɛnt dɛn rawnd am.

Di Nɔmba Dɛm 1:54

Di Izrɛlayt dɛn du ɔltin jɛs lɛkɛ aw PAPA GƆD bin dɔn tɛl Mozis

Di Nɔmba Dɛm 2:17

Afta dɛn, di Livayt dɛn kamp go lɛf fɔ go so dat dɛn go de midul di ɔda kamp dɛn. Dɛn go lɛf wit di Tɛnt usay dɛn kin mit PAPA GƆD di sem we aw dɛn bin kam, ɔlman go de usay i blant.

Di Nɔmba Dɛm 3:23

Dɛn fɔ kamp na di Wɛstɛn Pat, biɛn di Tɛnt.

Di Nɔmba Dɛm 3:29

Na di sawtɛn pat na di tɛnt, na de dɛn fɔ kamp.

Di Nɔmba Dɛm 3:35

Di lida fɔ di Mɛrarayt dɛn na Zuriɛl we na Abiail in bɔypikin; ɛn dɛn bin fɔ kamp na di nɔtan pat na di tɛnt.

Di Nɔmba Dɛm 17:7

Mozis go put dɛn bifo PAPA GƆD na di Tɛnt lɛkɛ aw i se.

Di Nɔmba Dɛm 16:9

I se dɛn we na Livayt dɛn fɔ mɛmba se di PAPA GƆD na Izrɛl dɔn pul dɛn kɔmɔt frɔm di ɔda Izrɛlayt dɛn. I se if dat nɔ du fɔ dɛn. I mɛmba dɛn igen se PAPA GƆD put dɛn klos am so dat dɛn go de du PAPA GƆD in wok nain os ɛn tinap frɔnt ɔlman fɔ ɛp dɛn wit wetin dɛn wan du na PAPA GƆD in os.

2 Kronikuls 13:11

Dɛn de mek mek bɔn sakrifays ɛn bɔn insɛns dɛn we de smɛl swit fɔ PAPA GƆD, put put di sho bred na di tebul we dɛn tek piɔ gold ɛn sibɔt di gold lamp stand so dat in lamp dɛm go de dɔn ɛvri ivin; wi de du wetin PAPA GƆD we na wi Gɔd se, bɔt una dɔn tɔn una bak pan am.