Di Nɔmba Dɛm 1:50 - Krio Fɔs Oli Baybul

⁵⁰ bifo dat, i fɔ pik sɔm pan dɛn we go de inchaj ɔf di tɛnt we PAPA GƆD fɔ de, fɔ mek dɛn tek kia ɔf ɔltin we de insay de. Dɛn sɔpoz fɔ tot di tɛnt, wit ɔl wetin de insay am; tek gud kia ɔf am ɛn bil dɛn tɛnt dɛn rawnd am.

Di Nɔmba Dɛm 1:50 Referans Kwoze

Ɛksodɔs 38:21

Na ɔl dɛn tin dɛn yaso dɛn bin yuz fɔ mek di Tɛnt we PAPA GƆD fɔ de, usay dɛn bin kip di tu ston tablɛt we di Tɛn Kɔmandmɛnt bin rayt pan. Na Mozis bin supavays di Livayt dɛn we bin de wok ɔnda Ithama fɔ kɔnt dɛn. Ithama in Papa na Erɔn, we de mek sakrifays fɔ pipul sin.

Di Nɔmba Dɛm 4:15

PAPA GƆD tɛl dɛn se afta we Erɔn ɛn in bɔypikin dɛn dɔn kɔba ɔl wetin oli, ɛn we dɛn dɔn rɛdi fɔ muf di kamp, di Livayt dɛn we kɔmɔt na Koath in famili, na dɛn fɔ tot dɛn. Bɔt dɛn fɔ mek shɔ se dɛn nɔ tɔch ɛni pan di tin dɛn we oli ɔ nɔ so dɛn go day. Di Koathayt dɛn na di wan dɛn we fɔ tot di tin dɛn na di Tɛnt usay dɛn kin mit PAPA GƆD.

Ɛksodɔs 31:18

Wɛn PAPA GƆD dɔn tɔk dɔn to Mozis ɔp Mawnt Saynay, i gi am tu ston tablɛt dɛn. Na PAPA GƆD insɛf sɛf rayt in kɔmandmɛnt dɛn pan dɛn.

Nɛimaya 13:22

Afta ɔltin a tɛl di Livayt dɛn fɔ mek dɛnsɛf klin bifo PAPA GƆD, go ɛn tan gyad oba di get dɛn fɔ kip di fɔ pre ɛn blo oli. PAPA GƆD, duya nɔ fɔgɛt mi bak fɔ dis. Sho mi yu masi we bɔku lɛkɛ aw di lɛk we yu lɛk wi bɔku.

Di Nɔmba Dɛm 20:11

Dɛn Mozis es in an ɔp ɛn nak di big ston tu tɛm wit di wɔkinstik. Bɔku wata jɛs bɔs kɔmɔt insay dɔn di wanol kɔmyuniti ɛn ɔl di animal dɛn drink.

Di Sam Dɛm 122:4

Na so di Izrɛlayt fambul we de wɔship PAPA GƆD de jɔyn an fɔ prez am, lɛkɛ aw i bin tɛl pipul fɔ de tɛl am tɛnki.

Nɛimaya 13:5

so i bin dɔn gi am wan pan di big rum dɛn we dɛn bin de kip gren we pipul kin gi as ɔfrin ɛn insɛns ɛn dɛn tin dɛn we dɛn de yuz na PAPA GƆD in os ɛn dɛn gren, nyu wayn ɛn ɔyl we dɛn tayth lɛkɛ aw dɛn fɔ du fɔ dɛn Livayt, dɛn wan dɛn we de siŋ ɛn di gɛt man dɛn, plɔs di kɔntribyushɔn dɛn fɔ dɛn man we de mek sakrifays fɔ pipul sin.

Nɛimaya 12:47

So, naw, we Zɛrubabɛl ɛn Nɛimaya de, ɔlman na Izrɛl de kɔntribyut fɔ lɛ di wan dɛn we de siŋ ɛn di getman dɛn gɛt wetin dɛn de it ɛvride. Dɛn kin kip sɔm fɔ di Livayt dɛn, na kɔna, dɔn di Livayt dɛn kin kip Erɔn in jɛnareshɔn dɛn yon na kɔna.

Nɛimaya 12:22

Di tɛm we Kiŋ Dariɔs we na Pashia de rul, na da tɛm de dɛn rayt di nem dɛn dɔŋ ɔf ɔl dɛn wan we na bin di Livayt dɛn famili ɛd dyurin Ilaɛlashib, Jɔyada, Joanan ɛn Jadwa dɛn yon tɛm. Na da sem tɛm de dɛn rayt dɛn man we de mek sakrifays fɔ pipul sin dɛn nem dɛn dɔŋ.

Nɛimaya 12:8

Di Livayt dɛn na Jɛshwa, Binyui, Kadmiɛl, Shɛrɛbaya, Juda ɛn Matanaya sɛf we in ɛn in yon pipul dɛn we bin de nia am, bin de inchaj ɔf di siŋ dɛn we dɛn de siŋ fɔ tɛl PAPA GƆD tɛnki.

Di Nɔmba Dɛm 10:21

Afta dɛn di Koathayt dɛn bin de. Dɛn bin tot di oli tin dɛn we bin fɔ de na di Tɛnt. Dɛn fɔ dɔn fiks di Tɛnt bifo dɛn rich de.

Di Nɔmba Dɛm 2:17

Afta dɛn, di Livayt dɛn kamp go lɛf fɔ go so dat dɛn go de midul di ɔda kamp dɛn. Dɛn go lɛf wit di Tɛnt usay dɛn kin mit PAPA GƆD di sem we aw dɛn bin kam, ɔlman go de usay i blant.

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Rɛvɛleshɔn 15:5

Wɛn dat dɔn, a luk bak, na de a si di ples we Gɔd sidɔm nain bafa na ɛvin opin, dat na di ples we dɛn de kip di agrimɛnt we Gɔd mek wit mɔtalman.

Di Nɔmba Dɛm 17:7

Mozis go put dɛn bifo PAPA GƆD na di Tɛnt lɛkɛ aw i se.

2 Kronikuls 24:6

So di kiŋ sɛn kɔl Jɛoiada we na di lida ɛn aks am se, “Wetindu yu nɔ mek di Livayt dɛn briŋ di taks we Mozis we na PAPA GƆD in wokman bin se di pipul dɛn na Juda ɛm Jerusɛlɛm fɔ pe we dɛn go gɛda fɔ di tɛnt ɔf di tɛstimoni we Izrɛl kin ol?”

Di Nɔmba Dɛm 4:3

i fɔ mek shɔ se i kɔnt di man dɛn bitwin tati ɛn fifti ia we de go wok na di Tɛnt usay dɛn kin mit am.

Di Nɔmba Dɛm 8:19

Pan ɔl di Izrɛlayt dɛn, na di Livayt dɛn a dɔn gi to Erɔn ɛn in bɔypikin dɛn as prɛzɛnt fɔ de ɛp wok na di Tɛnt fɔseka di Izrɛlayt dɛn. Dɛn fɔ de de so dat dɛn go de beg PAPA GƆD fɔ fɔgiv di Izrɛlayt dɛn sin so dat bad sik nɔ go kech ɛniwan pan dɛn we go mistek go nia di oli ples usay PAPA GƆD de.

Di Nɔmba Dɛm 8:20

Mozis, Erɔn ɛn di wanol Izrɛl du wetin PAPA GƆD tɛl Mozis fɔ du wit di Livayt dɛn.

Di Nɔmba Dɛm 8:22

Afta dat, di Livayt dɛn go insay di Tɛnt go wok ɛn na Erɔn ɛn in bɔypikin dɛn bin de supavays dɛn. Dɛn biev to di Livayt dɛn lɛkɛ aw PAPA GƆD bin dɔn tɛl Mozis se dɛn fɔ du.

Di Nɔmba Dɛm 18:5

Na una rɛspɔnsibul fɔ tek kia ɔf di Tɛnt ɛn di ɔlta so dat PAPA GƆD nɔ go vɛks ɛn baranta pan di Izrɛlayt dɛn igen