Neum 3:6 - Krio Fɔs Oli Baybul

⁶ I se in go trowe dɔti pan dɛn ɛn mek se i nɔ no dɛn dɔn i go mek ɔlman de pas luk dɛn ɛn laf.

Neum 3:6 Referans Kwoze

Malakay 2:9

Dat mek bikɔs dɛn nɔ de trit ɔlman di sem, i dɔn mek di pipul dɛn nɔ de luk dɛn wit bɛtɛ yay.

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Job 9:31

yu go stil ib mi insay dip ol, ɛn mi yon klos sɛf nɔ go wan si mi.

Di Ibru Pipul Dɛn 10:33

Da tɛm de pipul bin de fityay una ɛn dɛn bin de mek una sɔfa bifo ɔda pipul, ɛn tɛm bin de we una bin rɛdi fɔ sɔfa wit ɔda Kristiɛn dɛn.

1 Kɔrint 4:9

A tink se Gɔd dɔn put wi we na apɔsul biɛn ɔlman na di layn lɛkɛ pipul we dɛn kɔndɛm fɔ day bifo ɔda pipul! I dɔn put wi de fɔ mek ɔlman na wɔl ɛn ɔl di enjɛl dɛn si wi.

Neum 1:14

Na dis PAPA GƆD se bɔt di Asirian dɛn: I se nɔbɔdi nɔ gɛt fɔ lɛf wit dɛn nem ɛn i pwɛl ɔl dɛn gɔd dɛn we dɛn bin dɔn mek, we de insay dɛn os dɛn we dɛn put dɛn. Infakt sɛf i se in de mek wan big bɛriŋrɔn fɔ dɛn as dɛn tu bad.

Job 30:8

Na pipul dɛn we nɔ gɛt sɛns ɛn nɔ gɛt wan rɛspɛkt; dɛn dɔn bit dɛn drɛb dɛn kɔmɔt na di land.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

1 Kɔrint 4:13

wɛn dɛn tɔk bad bɔt wi, wi kin tɔk gud bɔt dɛn; plɛnti pipul tink se wi tan lɛkɛ tin we fɔ trowe ɛn te naw pipul de tink se wi layf nɔ bɛtɛ!

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.

Zɛfinaya 2:15

Na di ples dis we bin de kak ɛn tink se i sɛf ɛn nɔbɔdi nɔ go ebul am. I de blɔf se nɔbɔdi nɔ go tan lɛk am. I nɔ fit fɔ natin igen, bush sɛf tɛl lay! Ɛnibɔdi we de pas usay i de go jɛs sɔktit.

Lamɛnteshɔn 3:16

I dɔn mek a bɛt ston ston we dɔn brok mi tit, ɛn put mi na di dɔst na grɔn fɔ sho se mi na natin;

Job 30:19

PAPA GƆD dɔn trowe mi na pɔtɔpɔtɔ, ɛn a dɔn tɔn lɛk dɔst ɛn asis.

Izikɛl 16:37

a go gɛda ɔl una switat, di wan dɛn we una bin de ɛnjɔy wit, ɔl di wan dɛn we una bin lɛk ɛn ɔl di wan dɛn we una bin de ɔlsay wit, ɛn a go pul una klos ɛn nekɛd una bifo dɛn, so dat ɔl man go si una nekɛdnɛs.

Abakɔk 2:16

Na so tin go bad fɔ dɛnsɛf. Pipul go trit dɛn bad we go mek dɛnsɛf staga lɛk udat drɔnk. PAPA GƆD go mɔs mek dɛn sɔfa ɛn dɛn gres go tɔn to gras.

Malakay 2:3

I se, in go ala pan dɛn pikin dɛn dɔn di shit we di animal dɛn de pul na dɛn wes, we dɛn de gi am, nain i go put na dɛn fes so dat dɛn nɔ go go bifo am.