Neum 3:3 - Krio Fɔs Oli Baybul

³ Di man dɛn we de rayd di ɔs dɛn de pas ɛn dɛn de swiŋ swiŋ dɛn sɔd ɛn dɛn spia dɛn, pipul dɛn jɛs de day gbay di dedebɔdi dɛn ful trit yu nɔ go waka yu nɔ mas dedebɔdi.

Neum 3:3 Referans Kwoze

Abakɔk 3:11

Di san ɛn di mun nɔ gri fɔ shayn igen we dɛn si aw yu aro dɛn de flay, ɛn yu spia de shayn na di laytin.

Izikɛl 39:4

Yu go fɔdɔm pan di Izrɛl mawnten dɛm, yu ɛn ɔl yu bɔku krawd dɛn ɛn di difrɛn difrɛn pipul we de wit yu; a go gi yu to dɛn difrɛn difrɛn kayn bɔd we de it bif ɛn to di wayl bist dɛn, fɔ mek dɛn ɔl it awaŋɔt wan.

Ayzaya 37:36

Da sem nɛt de, PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛm. Wɛn pipul dɛn wek na mɔnin, na soso dedebɔdi dɛn si.

Ayzaya 34:3

Dɛn go trowe di wan dɛn we dɛn kil, ɛn dɛn dedebɔdi dɛn sɛnt go go ɔlsay; dɛn blɔd go flo na di mawnten dɛn.

Neum 2:4

Di chariɔt dɛn de pas wit spid na di trit dɛn, dɛn de pas ɔp ɛn dɔŋ di siti wit spid; di chariɔt dɛn de shayn lɛk we yu layt tɔchlayt, dɛn kin pas kwik lɛk we laytin flash.

2 Kiŋ 19:35

Da vɛri nɛt de PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛn. Wɛn pipul dɛn wek na mɔnin, na soso dedebɔdi dɛn dɛn si.

Jɛnɛsis 3:24

Dɔn na di istɛn say na di fam, PAPA GƆD put chɛryubim dɛn ɛn sɔd we gɛt faya ɔlsay pan am. Di sɔd de tɔn rawnd ɛn rawnd fɔ gyad di ‘Layf tik’ so dat nɔbɔdi nɔ go go nia.

Lɛvitikɔs 26:37

Dɛn go wund dɛnsɛf fɔ natin we dɛn go de fɔdɔm pan dɛnsɛf wit fred lɛkɛ udat dɛn atak bɔt nɔbɔdi nɔ go de rɔnata dɛn; ɛn dɛn nɔ go gɛt maynd fɔ fes dɛn ɛnimi dɛn.

Ayzaya 66:16

Bikɔs na wit faya PAPA GƆD go kɛriawt jɔjmɛnt; ɛn wit in sɔd pan ɔlman na wɔl; ɛn di wan dɛn we PAPA GƆD kil go plɛnti.