Neum 3:12 - Krio Fɔs Oli Baybul

¹² Ɔl di tin dɛn we i mek fɔ protɛkt insɛf tan lɛk fig tik we gɛt fig dɛn we rɛp, as yu shek am so di fig dɛn de fɔdɔm go insay di pɔsin we wan it dɛn in mɔt.

Neum 3:12 Referans Kwoze

Rɛvɛleshɔn 6:13

Di sta dɛn fɔdɔm kam na di wɔl, lɛkɛ dɛn plɔm we nɔ rɛp we kin fɔdɔm wɛn big briz shek di tik.

Abakɔk 1:10

Dɛn nɔ bisin sɛf udat yu bi. Dɛn de provok di bigman dɛn ɛn trit di kiŋ dɛn bad. I lɛk aw di wɔl we de rawnd di siti ay, dɛn de brok am kam dɔŋ ɛn siz am.

Ayzaya 28:4

ɛn di flawa we de wida, we bin de mek i luk shayn ɛn fayn, we de na di wan dɛn we jɛntri, dɛn ed, go tan lɛk mangro we kin rɛp fɔs bifo dray sizin: wɛn pɔsin si am, as i rich nain an so, i de it am wantɛm.

Jɛrimaya 24:2

Wan baskit gɛt gud gud fignɔt, lɛk di fɔs fignɔt dɛn we kin rɛp, bɔt insay di ɔda baskit, na fignɔt dɛn we nɔ gud de de. Dɛn so pwɛl dat pɔsin nɔ go ebul it dɛm.