Neum 3:11 - Krio Fɔs Oli Baybul

¹¹ I se na so Ninivɛ insɛf go drɔnk wit pawa ɛn nɔ no wetin i de du. I go tray fɔ ayd pan in ɛnimi dɛn.

Neum 3:11 Referans Kwoze

Ayzaya 49:26

A go mek dɛn wan we aras yu, it dɛn yon flɛsh, ɛn dɛn go drɔnk wit dɛn yon blɔd lɛk se na wayn. Na datɛnde ɔl mɔtalman go no se, na Mi na PAPA GƆD we na una seviɔ, ɛn una Ridima, Jekɔb in Mayti Wan.”

Ayzaya 2:10

Go insay di big ston dɛn, ɛn ayd ɔnda di dɔti pan di bad tin we PAPA GƆD go du, ɛn pan di wɔnda pan in pawa.

Lyuk 23:30

Pipul go tɛl dɛn big il se, ‘Una fɔdɔm pan wi!’ Ɛn dɛn go tɛl dɛn smɔl il se, ‘Una kɔba wi!’

Neum 1:10

Lɛk aw chukchuk we taŋul de bɔn na faya na so una dɛn drɔnkɔman dɛn gɛt fɔ tan.

Ozie 10:8

Di ples dɛn na Avɛn we dɛn mek fɔ wɔship dɛn ɔda gɔd dɛn go pwɛl, soso chuk chuk nain go de pan dɛn, dɔn da tɛm de dɛn go ala se mek di mawnten dɛn kɔba dɛn ɛn di il dɛn fɔdɔm pan dɛn.

Jɛrimaya 4:5

Tɛl ɔlman na Juda, ɛn anawns na Jerusɛlɛm se, “Blo di trɔmpɛt ɔlsay na di land; ala lawd lawd wan ɛn se, ‘Una gɛda wan say, lɛ wi go insay di siti dɛn we gɛt protɛkshɔn!’

Ayzaya 2:19

mɔtalman dɛn go go insay di kev dɛn na dɛn big big ston ɛn di ol dɛn na grɔn, fɔ ayd pan di bad bad tin we PAPA GƆD go du, ɛn pan di wɔnda pan in pawa, we i go grap fɔ mek di wɔl fred am.

Di Sam Dɛm 75:8

PAPA GƆD gɛt wan kɔp we nainsay de i de put ɔl di vɛks we i dɔn vɛks, dis kɔp ya nain jɔjmɛnt. Di vɛks we i dɔn vɛks na di wayn insay di kɔp, i de gi di pɔsin we de du bad di wayn fɔ drink; i go mek i drink ɔl di kɛtɛkɛmu makoloŋ.

Neum 2:1

Na siriɔs trɔbul Ninivɛ de pan so. Fɔ rɛdi man dɛn fɔ gyad di rod fɔ klem go ɔp di wɔl; wach di rod; rɛdi dɛnsɛf ɛn pik trɛnk. (

Mayka 7:17

dɛn go le bɛlɛ na grɔn lɛk snek ɛn dɔbalɛ, dɔn dɛn go tɔn to PAPA GƆD we na GƆD bikɔs dɛn go fred ɛn rɛspɛkt am.

Emɔs 9:3

If dɛn go ayd ɔp na Mawnt Kamɛl, a go fɛn dɛn ɛn kech dɛn. If dɛn go ayd ɔnda di si, a go tɛl di si mɔnsta fɔ bɛt dɛn.

Jɛrimaya 51:57

A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Ayzaya 63:6

A mas mas difrɛn difrɛn pipul dɛn wit wamat, A nyakanyaka dɛn we a vɛks, ɛn a trowe dɛn blɔd we de gi dɛn layf, na grɔn.”

Ayzaya 29:9

Drink bɔku rɔm ɛn mek unasɛf styupid, blɛn yusɛf ɛn mek unasɛf blɛn! Drɔnk we nɔto wayn una drink; staga we nɔto traŋa rɔm mek una staga.

1 Samiɛl 14:11

So Jonɛthan ɛn in bɔbɔ go na di Filistin dɛn bes ɛn mek di Filistin dɛn si dɛn. As di Filistin dɛn si dɛn, dɛn ala, “Luk di Ibru dɛn de kɔmɔt na di ol we dɛn bin de ayd.”.

1 Samiɛl 13:6

Wɛn di Izrɛlayt dɛn si se di Filistin dɛn dɔn put dɛn na tayt kɔna ɛn di ami nɔ gɛt natin fɔ du, dɛn go ayd na ol, na dɛn big ston, insay grev yad, insay dɛn grev dɛn ɛn insay dɛn wɛl we dɔn dray,