Neum 2:4 - Krio Fɔs Oli Baybul

⁴ Di chariɔt dɛn de pas wit spid na di trit dɛn, dɛn de pas ɔp ɛn dɔŋ di siti wit spid; di chariɔt dɛn de shayn lɛk we yu layt tɔchlayt, dɛn kin pas kwik lɛk we laytin flash.

Neum 2:4 Referans Kwoze

Jɛrimaya 4:13

Una luk, i de kam lɛkɛ klawd, in ɔs ɛn karej dɛm tan lɛkɛ wɛn da ebi ebi briz we de tɔn rawnd wit spid, de blo; in ɔs dɛn de rɔn pas dɛn igul – swɛ dɔn fɔdɔm pan wi, bikɔs wi yon dɔn dɔn!

Izikɛl 26:10

In ɔs dɛn go so bɔku, dat di dɔst we dɛn go de mek, go kɔba una. Una wɔl dɛn go de shek wit di nɔys we di ɔsman dɛm ɛn di trɔk dɛm, ɛn chariɔt dɛm go de mek, wɛn i go krɔs una gɛt dɛm go insay, lɛk wan we de go insay wan big siti we dɛn dɔn brok in wɔl kan dɔŋ.

Ayzaya 66:15

“Bikɔs, PAPA GƆD go kam wit faya, ɛn in chariɔt dɛn go kam lɛk tinada, fɔ pul in bad bad wamat wit vɛksteshɔn, ɛn kɔrɛkt pipul wit faya.

Daniɛl 11:40

We di tɛm rich, di kiŋ na di sawt go atak am; bɔt di kiŋ na nɔt go rɔsh pan am lɛk ebi briz wit ɔs ɛn karej ɛn pipul we de rayd ɔs, ɛn wit plɛnti plɛnti ship. I go atak kɔntri dɛn lɛk briz ɛn pas go.

Ayzaya 37:24

Yu sɛn mɛsenja dɛn fɔ fityay mi, dɔn yu de blɔf se yu dɔn yuz yu karej dɛn fɔ go ɔp ɔp dɛn ay ay mawnten dɛn insay insay Libanɔn; yu dɔn kɔt ɔl dɛn laŋa timba tik dɛn, yu dɔn wutuwutu dɛn fɔrɛst ɛn kɔt dɛn bɛst payn tik dɛn ɛn se nɔn say nɔ de we yu nɔ tɔch.

Jɛrimaya 46:9

Una go de, Una di ɔs dɛm, ɛn rej, Una rɔn lɛkɛ una kres, una di chariɔt dɛm! Lɛ di sojaman dɛm go bifo: di man dɛm we kɔmɔt Itiopia ɛn Libia we de fɛt wit big shild, ɛn di man dɛm we kɔmɔt Lidia we sabi fɛt wit bo.

Izikɛl 23:24

Ɛn dɛn go kɔmɔt na di nɔt kam atak yu. Dɛn go de rayd chariɔt ɛn trɔk dɛm, ɛn go kam wit bɔku bɔku pipul kan atak yu; dɛn go atak yu wit bɔkla, shild ɛn ɛlmɛt, ɛn a go lɛf di jɔjmɛnt na dɛn an, ɛn dɛn go jɔj una bay aw dɛn sabi jɔj.

Izikɛl 26:7

Wɛl, na dis PAPA GƆD se: una lisin, a go briŋ kam pan Taya, frɔm di nɔt Nɛbyukadnɛza we na di Babilɔn kiŋ, di kiŋ oba di ɔda kiŋ dɛm; i go kam wit ɔs ɛn chariɔt dɛm, ɛn wit man dɛm we de rayd ɔs dɛm ɛn bɔku bɔku soja man dɛm.

Prɔvabs 31:21

Wɛn ples kol, i nɔ de yagba sɛf bikɔs, in wanol famili de gɛt wam klos fɔ wɛr.