Neum 2:3 - Krio Fɔs Oli Baybul

³ Di big shild we dɛn tek kɔba dɛnsɛf fɔ mek dɛn nɔ ebul dɛn, na rɛd. Dɔn dɛn wɛr rɛd yunifɔm. Di ayɛn dɛn pan dɛn chariɔt dɛn rɛd lɛk faya we dɛn dɔn rɛdi fɔ fɛt; di soja man dɛn we de rayd ɔs de pared.

Neum 2:3 Referans Kwoze

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 6:4

Wan ɔda ɔs kɔmɔt, na bin rɛd ɔs. Dɛn gi di wan we bin de rayd am pawa fɔ briŋ wa kam na wɔl so dat mɔtalman kin de kil dɛn kɔmpin; dɛn gi am sɔd fɔ ol nain an.

Zɛkaraya 11:2

Di babu kɔtlas tik dɛn fɔ kray, bikɔs kɔtin tri dɔn fɔdɔm, ɔl dɛn fayn fayn tik de dɔn pwɛl. Di ok tik dɛn na Beshan fɔ kray bikɔs dɛn dɔn kɔt ɔl di tik dɛn na di bush.

Zɛkaraya 6:2

Di fɔs karej bin gɛt rɛd ɔs dɛn, di sɛkɛn karej bin gɛt blak ɔs dɛn,

Zɛkaraya 1:8

I se, wande na nɛt, wantɛm wantɛm, in si wan man we bin de rayd rɛd ɔs. Di man bin de midul sɔm bush bush dɛn na di vali; dɔn rɛd, ɛn sɔntin lɛk grin ɛn wayt ɔs dɛn bin de biɛn am.

Ayzaya 14:8

Dɛn sayprɛs tik de gladi fɔ yu, di sida dɛn na Libanɔn de se. “Frɔm we dɛn kɔt yu, nɔn man we de kɔt tik, nɔ kam fɔ kɔt wi.’

Job 39:23

Na pan am di lɛda bag fɔ wɛpɔn kin de mek nɔys, na pan am di spia ɛn di javlin kin de de glita.

Izikɛl 23:24

Ɛn dɛn go kɔmɔt na di nɔt kam atak yu. Dɛn go de rayd chariɔt ɛn trɔk dɛm, ɛn go kam wit bɔku bɔku pipul kan atak yu; dɛn go atak yu wit bɔkla, shild ɛn ɛlmɛt, ɛn a go lɛf di jɔjmɛnt na dɛn an, ɛn dɛn go jɔj una bay aw dɛn sabi jɔj.

Izikɛl 26:7

Wɛl, na dis PAPA GƆD se: una lisin, a go briŋ kam pan Taya, frɔm di nɔt Nɛbyukadnɛza we na di Babilɔn kiŋ, di kiŋ oba di ɔda kiŋ dɛm; i go kam wit ɔs ɛn chariɔt dɛm, ɛn wit man dɛm we de rayd ɔs dɛm ɛn bɔku bɔku soja man dɛm.

Neum 3:2

Yu kin yɛri we di wip we dɛn de yuz pan di ɔs dɛn de mek sway sway ɔlɔbɔt, di chariɔt dɛn de pas wit ay spid, di ɔs dɛn ɔl de mek nɔys we dɛn de pas pas.

Di Sam Dɛm 80:13

Lɛkɛ bush ɔg na so dɛn de pwɛl ɔltin, dɔn ɔda wayl animal dɛn de it wetin de fɔ it.