Neum 2:2 - Krio Fɔs Oli Baybul

² PAPA GƆD bin dɔn rɛdi fɔ mek Izrɛl bi wetin i bin bi bak bifo in ɛnimi dɛn ambɔg am.)

Neum 2:2 Referans Kwoze

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Izikɛl 37:23

Dɛn nɔ go dɔti dɛnsɛf igen igen wit dɛn lay lay gɔd dɛm, ɛn dɛn etful tin dɛn, ɔ wit ɛni pan dɛn wikɛd bad bad tin dɛn; bɔt a go sev dɛm pan ɔl dɛn bad tin we dɛn bin go bak to ɛn we mek dɛn sin, ɛn a go was dɛn klin; ɛn dɛn go bi mi pipul ɛn mi go bi dɛn PAPA GƆD.

Ayzaya 60:15

Pan ɔl we dɛn bin dɔn fɔsek yu, ɛn nɔbɔdi nɔ de pas insay yu, A go mek yu lɛk kiŋ sote go, ples fɔ gladi fɔ, insay ɔl di jɛnareshɔn dɛn.

Ozie 10:1

Izrɛl tan lɛk tik we de gro na gud grɔn - na so i frɛsh ɛn de bia bɔku frut. Bɔt as dɛn de bɔku, na so dɛn de bil mɔ ples fɔ wɔship Beal; as tin de bɛtɛ na di kɔntri, na so dɛn de kɔmɔt biɛn PAPA GƆD.

Jɛrimaya 49:9

If man dɛm we de pik greps, pik greps fɔ yu, dɛn nɔ go lɛf sɔm na grɔn? If tifman dɛm kam na nɛt, nɔto wetin dɛn ebul pwɛl dɛn go pwɛl nɔmɔ?

Jɛrimaya 25:29

Bikɔs, a bigin fɔ du bad na di siti we gɛt mi nem, so na una fɔ go fri? Una nɔ go go fri, bikɔs a de sɛn kɔl wan sɔd agens ɔl di wan dɛm we tap na di wɔl. Na so PAPA GƆD Ɔlmayti se.

Di Sam Dɛm 47:4

Nain chuz wi jɛntri fɔ wi ɛn wi gladi ɛn prawd as Jekɔb in pikin dɛn we i lɛk.

Jɛrimaya 48:11

“Moab dɔn de kwayɛt wan frɔm we i yɔŋ ɛn dɔn sɛtul lɛk kɛtɛ kɛtɛ bɔtɔm pawayn; dɛn nɔ ɛva tɔn am frɔm bɔtul to bɔtul, ɛn i nɔ go ɛgzayl wande; so i stil tes di sem, ɛn in sɛnt sɛf nɔ chenj.

Izikɛl 37:21

dɛn tɛl dɛn se, na dis Papa Gɔd we na Gɔd se: una lisin, a go tek di Izrɛl pipul kɔmɔt na di neshɔn dɛm we dɛn dɔn go, ɛn a go gɛda dɛm kɔmɔt ɔlsay, ɛn briŋ dɛm kam na dɛn yon kɔntri;

Neum 2:10

Ninivɛ pwɛl kpatakpata, ɔlman at kɔmɔt nain atkes dɛn ɔlman bɔdi brok ɛn nɔ no wetin fɔ du; na so fred rayt na dɛn ɔl fes.

Neum 3:14

Neum se dɛn fɔ mek shɔ se dɛn kip wata we dɛn sojaman dɛn go drink di tɛm we dɛn de fɛt ɛn dɛn fɔ tray fɔ mek usay wik. Dɛn fɔ mas mas di kle we dɛn wan yuz fɔ mek blɔk lɛ i saf.