Neum 2:11 - Krio Fɔs Oli Baybul

¹¹ Usay Layɔn dɛn os de, di kev we yɔŋ layɔn dɛn de usay di layɔn kin kɛr bif we i dɔn kil, usay in pikin dɛn de ɛn nɔ gɛt nɔbɔdi fɔ ambɔg am?

Neum 2:11 Referans Kwoze

Ayzaya 5:29

Dɛn de ala lɛk layɔn, lɛk we yɔŋ layɔn de ala; dɛn pul big vɔys ɛn kech dɛn it fɔ it, dɛn bɔn am go ɛn nɔbɔdi nɔ ebul pul am na dɛn an.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Zɛfinaya 3:3

Dɛn bigman dɛn ɛn dɛn jɔj dɛn ɔl de biev lɛk aŋri layɔn ɔ wulf, dɛn de mekes it ɛnitin we dɛn gɛt ɛn nɔ de wɔri fɔ kip fɔ di nɛks de.

Neum 3:1

Di siti dɔn alaki, na tin dɛn fɔ siz nɔmɔ de de- dɛn nɔ de tap fɔ tek pipul tin bay fos.

Jɛrimaya 50:44

“A de tɛl una, lɛkɛ we ship dɛn kin rɔn we layɔn kin kɔmɔt na bush nia Riva Jɔdan, fɔ kam atak dɛm, na so a go mek dɛn kɔmɔt to am we i nɔ mekɔp; A go pik ɛnibɔdi we mi lɛk fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad ebul tinap bifo mi?

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Ayzaya 31:4

Bikɔs na dis PAPA GƆD tɛl mi, Lɛk we layɔn ɔ yɔŋ layɔn de grɔmbul we i kech tin fɔ it, ɛn we dɛn shɛpad dɛn fɔ gɛda go atak am, di ala we dɛn de ala nɔ de skyad am ɛn dɛn nɔys nɔ de shek am, Na so PAPA GƆD Ɔlmayti go kam dɔn fɔ fɛt na Mawnt Zayɔn ɛn nain il.

Jɛnɛsis 49:9

Juda, yu tan lɛkɛ yɔŋ layɔn, we dɔn kil ɛn it dɔn. Lɛkɛ layɔn nɔmɔ yu butu ɛn lidɔm Lɛkɛ uman layɔn, nɔbɔdi nɔ gɛt maynd fɔ ambɔg am.

Di Nɔmba Dɛm 23:24

Di pipul de grap lɛk uman layɔn ɛn i de mek lɛk layɔn we nɔ go blo pas i it wetin i dɔn kech ɛn drink dɛn wan we i kech, dɛn blɔd.

Izikɛl 32:2

“Mɔtalman in bɔypikin, siŋ wan berin siŋ oba Ijipt in kiŋ Fero ɛn se: “yu tink yusɛf se yu na layɔn pan di neshɔn dɛm, bɔt yu na lɛk wan aligeta na di si wata; yu bɔs kɔmɔt na yu riva wata dɛm, miks miks di wata dɛm wit yu fut dɛn, ɛn dɔti, te i smɛl, dɛn riva wata.

Mayka 5:6

Dɛn go win di Asirian dɛn ɛn tek dɛn land ɛn di land usay Nimrɔd, da wɔndaful sojaman de. Dɔn i go pul dɛn na di Asirian dɛn an we di Asirian dɛn go go insay di Izrɛlayt dɛn yon siti go aras dɛn.

Neum 2:12

Di layɔn kin chɛr di bif we go du gi in pikin dɛn ɛn gi di uman layɔn insɛf pan am; i de ful in kev wit animal dɛn we i dɔn kil, na so so af af bif kin de nain os.

Ayzaya 13:7

Fɔseka dat, ɔl dɛn an go fɛkɛ fɛkɛ, ɛn ɔlman go fred bad bad wan,

Joɛl 2:6

Bifo dɛn, ɔl di pipul bin de pan pen, dɛn ɔl fes bin wayt so.