Neum 2:10 - Krio Fɔs Oli Baybul

¹⁰ Ninivɛ pwɛl kpatakpata, ɔlman at kɔmɔt nain atkes dɛn ɔlman bɔdi brok ɛn nɔ no wetin fɔ du; na so fred rayt na dɛn ɔl fes.

Neum 2:10 Referans Kwoze

Di Sam Dɛm 22:14

Dɛn mek a so wik mi jɔynt ɛn mi bon dɛn ɔl de at. A dɔn giv ɔp. A nɔ fit fɔ natin igen; A tan lɛk waks we de kɔmɔt pan kyandul we i de bɔn.

Joɛl 2:6

Bifo dɛn, ɔl di pipul bin de pan pen, dɛn ɔl fes bin wayt so.

Daniɛl 5:6

Di kiŋ in fes chenj kɔla, ɛn di tin dɛn we bin de kam nain maynd, bin mek i fred; in fut dɛn bigin trimbul ɛn in ni dɛn bigin jam dɛnsɛf.

Jɛrimaya 30:6

Aks naw, ɛn no, if man go ebul bɔn pikin? Wɛl wetindu a de si ɔl dɛn man dɛn de put dɛn an na dɛn wes lɛkɛ uman we de in lebɔ? Wetindu ɔlman fes pel so?

Ayzaya 24:1

PAPA GƆD go mek natin nɔ lɛf na dis wɔl ɛn nɔbɔdi nɔ go tap de, ɛn i go twis di grɔn ɛn skata di pipul dɛn we tap de.

Ayzaya 21:3

Dat mek na so so wes pen a de gɛt; pen dɔn ol mi, lɛk di pen we uman de fil we i de pan pen fɔ bɔn; A dɔn so bɛn dat a nɔ de yɛri, mi at so pwɛl dat a nɔ ebul si.

Zɛfinaya 3:6

PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.

Neum 3:7

Da tɛm de ɔl udat de luk dɛn go shumɔ ɛn tɔk se, Ninivɛ dɔn dɔn; udat go sɔri fɔ am? Usay a go fɛn pipul dɛm we go koks am?

Jɛrimaya 51:62

ɛn tɔk se, ‘E PAPA GƆD, yu dɔn tɔk bɔt dis ples se, yu go pwɛl am kpatakpata, we nɔbɔdi nɔ go tap de, mɔtalman ɔ animal, ɛn i go tɔn gud fɔ natin ples sote go.

Ayzaya 14:23

A go mek i blant dɛn grɔn pig, ɛn smɔl smɔl wata dɛn we gɛda, ɛn a go swip am di brum ɔf distrɔkshɔn. Na so PAPA GƆD Ɔlmayti se.

Jɔshwa 2:11

Reab tɛl dɛn se, as dɛn yɛri bɔt dat so, dɛn bigin fred; dɛn fut dɛn bigin trimbul ɔnda dɛn bikɔs dɛn de fred di Izrɛlayt dɛn, ɛn dɛn fred di Izrɛlayt dɛn bikɔs PAPA GƆD we na di Izrɛlayt dɛn PAPA GƆD, na di PAPA GƆD na ɛvin ɛn na di ath.

Jɛnɛsis 1:2

di wɔl nɔ bin gɛt shep ɛn natin nɔ bin de de yet. Daknɛs bin de oba di wata ɛn PAPA GƆD in Spirit bin de oba di wata.

Jɔshwa 7:5

di man dɛn na Ay rɔnata di Izrɛlayt dɛn frɔm di siti get te dɛn go dɔŋ di il, te rich sɔm kwari eria. Na bɔt tati siks Izrɛlayt sojaman dɛn dɛn kil. Dat mek dɛn at pwɛl ɛn dɛn bin fred.

Jɛrimaya 8:21

Bikɔs mi pipul dɛn gyal pikin dɛn wund de na mi at, Mi at pwɛl, ɛn pwɛlat dɔn kech mi.

Jɛrimaya 49:23

Dis na bɔt Damaskɔs “Amat ɛn Apad dɔn kɔnfyus, bikɔs dɛn dɔn yɛri bad bad nyuz; dɛn fred bad bad wan, dɛn at de wɔri lɛk di si, we nɔ ebul de wanples ɛn nɔ mek nɔys.

Izikɛl 21:7

Ɛn wɛn dɛn aks yu se, “wetin mek yu de blo kan dɔŋ so?” Yu go se, ‘na fɔseka di nyuz. Wɛn di nyuz go kam, ɔlman go fred, ɛn ɔlman bɔdi go brok, ɔlman spirit go wik ɛn ɔlman ni go wik lɛk wata. Una lisin, i go kam ɛn i go bi ma;” Na so Papa Gɔd we na Gɔd se.

Izikɛl 31:15

Na dis PAPA GƆD se: wɛn I go go dɔŋ na Shiɔl, I go mek di si kray bad bad wan fɔ am, ɛn mek i ol in riva wata dɛn, ɛn bɔku bɔku wata nɔ go flo; a go mek Libanɔn wɛr munin fɔ am, ɛn ɔl di tik dɛn na di fil go fent fɔseka am.

Neum 2:2

PAPA GƆD bin dɔn rɛdi fɔ mek Izrɛl bi wetin i bin bi bak bifo in ɛnimi dɛn ambɔg am.)