Neum 1:7 - Krio Fɔs Oli Baybul

⁷ PAPA GƆD na gud PAPA GƆD, i de pul pɔsin kɔmɔt pan trɔbul; i nɔ de lɛf udat go to am fɔ ɛp am to insɛf.

Neum 1:7 Referans Kwoze

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Lamɛnteshɔn 3:25

PAPA GƆD gud to di wan dɛn we biliv am, dat na di pɔsin we de pre to am.

Jɔn 10:14

Mi na di gud shɛpad. Aw mi Papa no mi, ɛn misɛf no mi Papa, na semwe so a no mi ship dɛn ɛn mi ship dɛnsɛf no mi, ɛn a rɛdi fɔ day fɔ dɛn.

Di Sam Dɛm 100:5

PAPA GƆD gud ɛn i nɔ de chenj in maynd we i lɛk yu. I fethful to in pipul ɛn ɔl dɛn jɛnareshɔn.

Di Sam Dɛm 27:5

We trɔbul kam, PAPA GƆD rɛdi fɔ mek sef ples fɔ mi; sef ples usay di trɔbul nɔ go mit mi.

Prɔvabs 18:10

PAPA GƆD na lɛkɛ big kɔtintri, pɔsin we de waka tret na PAPA GƆD in yay kin go ayd biɛn am.

Di Sam Dɛm 1:6

PAPA GƆD nɔ de tek jok fɔ udat de waka tret bɔt di bad man go sɔfa fɔ ɔl wetin i dɔn du.

Lɛta Fɔ Galeshya 4:9

Bɔt we una dɔn no Gɔd, ɔ a fɔ se, Gɔd dɔn no una; wetin mek una want tɔn bak go bi slev to di spirit dɛn we nɔ gɛt pawa ɛn we nɔ min natin? Wetin mek una want go bi dɛn slev bak?

Ayzaya 25:4

Bɔkɔs na yu po man abop pan, di pɔsin we di wan we nɔ gɛt, abop pan we i gɛt prɔblɛm, di wan we de ayd pipul wɛn tinada de blo, ɛn di wan we de kɔba pipul we san wam; bikɔs wɛn dɛn wan we de du bad ɛn nɔ luk biɛn kin shek, i kin tan lɛk we tinada de blo pan wɔl,

1 Kronikuls 16:34

Tɛl PAPA GƆD tɛnki, bikɔs i gud; bikɔs in lɔv we nɔ de shek go de sote go.

Jɛrimaya 33:11

pipul dɛn de ɛnjɔy ɛn gladi gladi; ɔkɔ ɛn yawo go gladi gladi, yu go yɛri dɛn wan dɛm we de siŋ dɛn vɔys, we dɛn de briŋ tɛl Gɔd tɛnki ɔfrin dɛm kam na PAPA GƆD in os: ‘Tɛl PAPA GƆD Ɔlmayti tɛnki, bikɔs PAPA GƆD gud, bikɔs in lɔv we nɔ de chenj go de sote go!’ Bikɔs a go gi di land in jɛntri bak lɛk aw i bin de fɔstɛm. Na so PAPA GƆD se.

Di Sam Dɛm 86:7

Wɛn tin de mɔna mi, a go pre to yu, bikɔs yu go ansa mi.

Ayzaya 32:2

Ich ɛn ɛvri wan go bi lɛk ples fɔ ayd wɛn briz de blo, ples fɔ ayd we ebi briz de blo, lɛk watasay dɛn we de rɔn na dray ples, lɛk di shed we rɔk de mek usay di land dɔn taya.

Di Sam Dɛm 25:8

PAPA GƆD gud ɛn i nɔ gɛt bɛnbɛn; so i de tich di sina aw fɔ biev.

Daniɛl 3:28

Nain Nɛbyukadnɛza se, “Lɛ blɛsin de pan Shedrak, Mishak ɛn Abɛdnigo dɛn Gɔd we sɛn in eŋɛl ɛn fri in wokman dɛm we biliv am; dɛn na di man dɛm we nɔ bin obe di kiŋ in wɔd, ɛn bin rɛdi fɔ day bifo dɛn go wok fɔ ɛn wɔship ɛni ɔda gɔd, we nɔto dɛn yon Gɔd.

Di Sam Dɛm 71:3

Yu kin kɔba mi lɛk aw fɔl de kɔba in pikin so dat a go rɔn go to yu ɔltɛm. Tɛl mi se yu go sev mi bikɔs yu tan lɛkɛ os we dɛn bil wit trɔŋ wɔl fɔ protɛkt udat de de.

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Di Sam Dɛm 59:16

Bɔt mi go siŋ ɛn prez PAPA GƆD, bikɔs i pawaful Na mɔnin a go siŋ ɛn prez am fɔ in lɔv we nɔ de ɛva chenj. In na lɛk kɔbaklos to mi, In na di wan we de pul mi pan trɔbul.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

Daniɛl 6:23

So di kiŋ bin gladi bad bad wan, ɛn bin gi ɔda se mek dɛn pul Daniɛl kɔmɔt insay di say usay dɛn layɔn dɛn de. So dɛn pul Daniɛl kɔmɔt ɛn dɛn bin si se natin nɔ bin du am, bikɔs i bin biliv in PAPA GƆD.

Lɛta Fɔ Rom 11:22

Dat fɔ mek una si aw Gɔd gud, bɔt igen aw i kin ol pɔsin wit traŋa an. Gɔd kin ol dɛn pipul we bin biliv bɔt we dɔn tap fɔ biliv ɛn bigin du bad, wit traŋa an, bɔt i go gud to una if una stil de du dɛn tin we go mek i sho una aw i gud; bɔt if una nɔ du dɛn tin de, Gɔd go kɔt unasɛf kɔmɔt pan insɛf.

2 Kronikuls 32:21

Ɛn PAPA GƆD sɛn wan enjɛl we kil ɔl di pawaful sojaman, kɔmanda ɛn ɔfisa dɛm na Sɛnakarib di Asiria kiŋ in kamp so i tɔk bak go wit Shem fes nain yon kɔntri. Ɛn wɛn i kam nain gɔd in os. Sɔm pan in yon in yon bɔypikin dɛm atak am wit sɔd ɛn kil am de.

Matyu 27:43

I biliv pan Gɔd ɛn i se in na Gɔd in Pikin. Lɛ Gɔd sev am naw if i want am fɔ bi in yon!”

Matyu 7:23

Da tɛm de a go tɛl dɛn se, ‘A nɔ no una, una kɔmɔt klos mi, una we dɔn du bad.’

Ɛzra 3:11

Dɛn prez PAPA GƆD ɛn tɛl am tɛnki wit dis siŋ yaso: “PAPA GƆD gud, in lɔv fɔ Izrɛl go las sote go!” Ɔl di pipul dɛn ala lawd wande prez PAPA GƆD bikɔs na dɛn dɔn le di fawndeshɔn fɔ bil PAPA GƆD in os.

2 Kronikuls 32:11

Nɔto disiv Ɛzikaya de disiv una so mek i go lɛf una lɛ una go day wit aŋri, we i tɛl una se, “PAPA GƆD we na wi GƆD go sev wi kɔmɔt na di Asiria kiŋ in an?

2 Kronikuls 32:8

Na mɔtalman an de wit am, bɔt na PAPA GƆD wi Gɔd de wit wi fɔ ɛp wi ɛn fɛt wi batul dɛm i ɛn di pipul dɛm kan gɛt kɔnfidɛns fɔ seka Ɛzikaya di kiŋ na Juda in wɔd dɛm.

1 Kronikuls 5:20

ɛn wɛn dɛn bin gɛt pipul dɛn fɔ ɛp dɛn fɔ fɛt, dɛn bin kapchɔ di Agrayt ɛn ɔl di wan dɛn we bin de wit dɛn, bikɔs dɛn bin pre to PAPA GƆD we dɛn de fɛt. I gi dɛn wetin dɛn aks fɔ bikɔs dɛn biliv am.

Di Sam Dɛm 20:1

Lɛ PAPA GƆD ɛp yu ɛn pul yu pan trɔbul! Lɛ PAPA GƆD, we na Jekɔb in PAPA GƆD, kɔba yu!

Di Sam Dɛm 37:39

Na PAPA GƆD de sev udat de waka tret, nain nɔmɔ de ɛp am we trɔbul mit am.

Di Sam Dɛm 37:40

PAPA GƆD de ɛp dɛn ɛn pul dɛn pan trɔbul; i de pul bad pipul biɛn dɛn, bikɔs na to in dɛn de rɔn go fɔ ayd.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 17:17

Nɔ mek a fred yu; Na yu a fɔ go ayd to we a gɛt trɔbul.

Jɛrimaya 24:5

“Na dis PAPA GƆD we na Izrɛl dɛn Gɔd se: A go si di wan dɛn we kɔmɔt Juda go ɛgzayl, we a pul kɔmɔt ya sɛn go na di Babilonian dɛn land, lɛkɛ dɛn gud fignɔt dɛm ya.

Joɛl 3:16

PAPA GƆD mek nɔys lɛkɛ layɔn na Mawnt Zayɔn. In vɔys lɛk tɛnda na Jerusɛlɛm; ɛn ɛvin ɛn ath go trimbul. Bɔt PAPA GƆD go bi di sikyɔriti fɔ in pipul, di kɔtintri fɔ di Izrɛlayt dɛn.

Zɛfinaya 3:12

I se di pipul dɛn we go de da tɛm de go bi pipul we nɔ go de kak. Dɛn go de go to in di, PAPA GƆD fɔ ɛp dɛn.

2 Kronikuls 13:18

Na so di man dɛn na Izrɛl dɛn fɛda brok, bɔt di man dɛn na Juda bin win bikɔs dɛn bin liŋ pan PAPA GƆD we na dɛn Gɔd.

Di Sam Dɛm 9:10

Bɔt udat no yu as PAPA GƆD go trɔs yu ɔltɛm; bikɔs yu na PAPA GƆD we nɔ de sɛt yay pan udat abop pan yu.

Di Sam Dɛm 46:2

So wi nɔ gɛt natin fɔ fred, ivin if di wɔl skata ɔ athkwek bi we mek di mawnten dɛn fɛn dɛnsɛf midul di si,

Ayzaya 50:10

Uswan pan una de fred PAPA GƆD ɛn de du wetin in wokman se, we de waka na daknɛs ɛn nɔ gɛt layt, bɔt stil trɔs PAPA GƆD in nem, ɛn abop pan in Gɔd?