Neum 1:6 - Krio Fɔs Oli Baybul

⁶ Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Neum 1:6 Referans Kwoze

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Malakay 3:2

Udat go ebul go ebul bia wetin go apin wɛn i go kam. Bikɔs i tan lɛk di faya we gold ɛn silvasmit de yus ɛn go klin yu lɛk wɔshman waytɛks..

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Di Sam Dɛm 76:7

Yu du fɔ mek ɔlman fred yu ɛn udat ebul fɔ tinap usay yu de jɔj pipul, we yu dɔn vɛks?

Izikɛl 30:16

Ɛn a go layt faya na Ijipt Pɛlusiɔm go de pan dip dip pen! Dɛn go brok go insay Tibs ɛn in wɔl dɛn go brok kam dɔŋ.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Lamɛnteshɔn 2:4

I dɔn rɛdi in bo fɔ shut wi lɛkɛ wi ɛnimi, i tek raytan rɛdi am lɛkɛ wi ɛnimi; ɛn i dɔn kil ɔl di wan dɛn we wi bin rɛspɛkt na dɛn yon os to dɛn yon pipul; i sho in bad bad vɛksteshɔn lɛk we faya de kech.

Ayzaya 27:4

A nɔ vɛks. A wish a bin gɛt chuk chuk ɛn wayl bush fɔ fɛt! A bin fɔ go mit dɛn fɔ fɛt dɛn, a bin fɔ bɔn dɛn togɛda.

Ayzaya 10:16

So, PAPA GƆD we na PAPA GƆD Ɔlmayti, go sɛn siknɛs we de kil, pan in tɔf tɔf sojaman dɛn, pan ɔl dɛn glori, i go bigin bɔn dɛn, lɛk aw faya kin bɔn.

Di Sam Dɛm 90:11

Udat no wetin yu kin du we yu vɛks? Di vɛks we yu vɛks ɛn di fred we yu want fɔ mek wi fred yu na di sem.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

1 Kiŋ 19:11

PAPA GƆD tɛl am se lɛ i go na do go tinap bifo am bikɔs i gɛt fɔ pas da say de Wantɛm nain big big tinada blo ɛn skata di mawnten ɛn dɛn rɔk dɛn bifo PAPA GƆD, bɔt in nɔ bin de na di tinada. Afta di tinada di grɔn shek te i plit, bɔt PAPA GƆD nɔ bin de de.

Rɛvɛleshɔn 16:8

Dɛn di enjɛl we mek fo trowe di tin we de insay in kɔp pan di san, ɛn i lɛf am mek i bɔn mɔtalman wit faya.

Rɛvɛleshɔn 16:1

Wɛn dat dɔn, na de a yɛri vɔys insay Gɔd in Os de tɔk to di sɛvin enjɛl dɛn se, “Una go tek dɛn sɛvin kɔp we ful wit di vɛks we Gɔd vɛks, ɛn trowe am pan di wɔl!”

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”

Job 40:11

Vɛks bad bad wan ɛn put ɔl dɛn prawd pipul dɛn dɔŋ na layf.

Di Sam Dɛm 130:3

PAPA GƆD, if yu bin de kɔnt ɔl di bad we wi de du, PAPA GƆD, udat fit fɔ tinap bifo yu?

Ayzaya 13:13

Fɔseka dat a go mek di skay dɛn trimbul ɛn di wɔl go shek kɔmɔt nain ples we PAPA GƆD Ɔlmayti go vɛks di de we in at go wam bad bad wan.

Ayzaya 66:15

“Bikɔs, PAPA GƆD go kam wit faya, ɛn in chariɔt dɛn go kam lɛk tinada, fɔ pul in bad bad wamat wit vɛksteshɔn, ɛn kɔrɛkt pipul wit faya.

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Izikɛl 7:8

Naw, i nɔ go te sɛf, a go tɔn mi bad bad vɛksteshɔn pan una, ɛn put ɔl mi wamat pan una, ɛn jɔj una bay aw una de biev; ɛn a go pɔnish una fɔ ɔl di bad bad tin dɛm we a et we una de du.

Izikɛl 21:31

Ɛn a go put mi vɛksteshɔn pan una; a go blo mi vɛksteshɔn in faya pan una; ɛn a go gi una to dɛn kruɛl pipul dɛm, pipul dɛn we sabi fɔ nyakanyaka gud gud wan.

Izikɛl 39:6

A go sɛn faya pan Magɔg ɛn pan dɛn wan we tap sef wan na di kɔntri dɛn na di kos; ɛn dɛn go no se na mi na di PAPA GƆD

Zɛfinaya 2:2

bifo i drɛb dɛn, lɛk chaf chaf we briz de blo bifo PAPA GƆD in vɛksteshɔn kam pan una di de we PAPA GƆD go vɛks.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Job 9:5

Nain de mek mawnten dɛn shek ɛn nɔbɔdi nɔ no wɛn dat de bi, wɛn i de sho se in vɛks;

Job 26:11

Di pila dɛn we ol di skay trimbul ɛn fred we PAPA GƆD vɛks de tɔk.

Di Sam Dɛm 76:8

Yu sidɔm na ɛvin de jɔj udat rayt ɛn udat rɔŋ; ɔlman na wɔl de fred yu ɛn nɔ de se natin,

Ayzaya 33:14

Di sina dɛn na Zayɔn de fred; dɛn wan we no Gɔd, dɔn bigin trimbul; “Udat pan wi ebul tap wit faya we de kil pipul? Udat pan wi ebul tap wi faya we de bɔn sote go?”

Lamɛnteshɔn 2:3

I vɛks bad bad wan pul ɔl di pawa we Izrɛl bin gɛt; i dɔn tap fɔ ɛp dɛn ɔl we dɛn ɛnimi dɛn de biɛn dɛn; i de wayl pan dɛn na Juda lɛk we faya de bɔn ɔltin we de rawnd am.