Neum 1:5 - Krio Fɔs Oli Baybul

⁵ Di mawnten dɛn go trimbul, dɔn di il dɛn go mɛlt bifo in yay; di ath ɔl go trimbul usay i de, ɛn di wɔl wit in pipul dɛnsɛf go trimbul.

Neum 1:5 Referans Kwoze

Mayka 1:4

We i pas, di grɔn ɛn di mawnten dɛn we de ɔnda in fut go mɛlt dɔn di vali dɛn go plit tu. Di mawnten dɛn go mɛlt lɛk kyandul bifo faya, lɛk we wata de rɔn dɔŋ il.

Jɛrimaya 4:24

A luk di mawnten dɛm, eya, dɛn bin de shek, ɛn ɔl di il dɛn bin de muf go bifo ɛn biɛn.

2 Samiɛl 22:8

Ɔlsay de trimbul we yu vɛks di ath de shek ɛn di mawnten dɛnsɛf de trimbul.

Abakɔk 3:10

We di mawnten dɛn si wetin yu du, dɛn skyad; wata kɔmɔt ɔp klawd kam dɔŋ. Di wata we de ɔnda grɔn sɛf ala, ɛn bɔs kam pantap.

Di Sam Dɛm 68:8

di wɔl trimbul bifo yu ɛn ren fɔdɔm bifo yu we na Izrɛl dɛn PAPA GƆD, di PAPA GƆD we bin tɔk to dɛn na Mawnt Saynay,

Di Jɔj Dɛm 5:5

Di mawnten dɛn shek bifo PAPA GƆD, Mawnt Saynay we de yanda shek bifo PAPA GƆD we na di PAPA GƆD na Izrɛl.

Di Sam Dɛm 114:6

Ɔ di mawnten dɛn bigin jomp lɛk got, ɛn di il dɛn lɛk pikin ship?

Di Sam Dɛm 114:4

Noto pikin gladi di mawnten ɛn il dɛn bin gladi. Dat mek di mawnten dɛn jomp lɛkɛ we got gladi ɛn di il dɛn jomp lɛkɛ dɛn pikin ship we dɛn lɛf de.

Di Sam Dɛm 98:7

Lɛ wata splash na di si, wit ɔltin we de na wɔl.

Di Sam Dɛm 46:6

Neshɔn dɛn tɔn oba wit kɔnfyushɔn ɛn fred, kindɔm dɛn skata, bɔt we PAPA GƆD tɔk wantɛm nɔmɔ wit in vɔys lɛk tɛnda, dɛn ɔl de go insay dɛn shɛl.

Ɛksodɔs 19:18

Di wanol Mawnt Saynay bin kɔba wit smok bikɔs PAPA GƆD bin kam dɔŋ lɛkɛ faya. Di smok bin de go ɔp lɛkɛ we big faya de kech ɛn dat mek di wanol mawnten shek.

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Matyu 28:2

Wantɛm, nain di grɔn trimbul bad bad wan; Gɔd sɛn in enjɛl kɔmɔt ɛvin we kam rol di big ston kɔmɔt we dɛn bin tek kɔba di grev domɔt, dɛn di enjɛl sidɔm pan di ston.

Matyu 27:51

Di tik tik kɔtin we bin ɛŋ na Gɔd in Os chɛr tu, frɔm ɔp sote kam dɔŋ. Di grɔn shek, dɔn di big ston dɛn brok.

Rɛvɛleshɔn 6:14

Di klawd lɔs lɛkɛ wɛn dɛn de rol dɛn big big pepa fɔ kip dɛn, ɛn ɔl dɛn ay il wit ɔl dɛn ples we de midul wata muf kɔmɔt na dɛn ples.

Di Sam Dɛm 18:7

Ɔlsay de trimbul we yu vɛks, di ath de shek ɛn di mawnten dɛnsɛf de trimbul.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Ayzaya 24:1

PAPA GƆD go mek natin nɔ lɛf na dis wɔl ɛn nɔbɔdi nɔ go tap de, ɛn i go twis di grɔn ɛn skata di pipul dɛn we tap de.

Ayzaya 24:20

Di wɔl de staga lɛk drɔnkɔman i de shek lɛf ɛn rayt lɛk fam os; in sin de pan am ebi ebi wan, ɛn i fɔdɔm, ɛn i nɔ go grap igen.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Job 9:5

Nain de mek mawnten dɛn shek ɛn nɔbɔdi nɔ no wɛn dat de bi, wɛn i de sho se in vɛks;

Job 26:11

Di pila dɛn we ol di skay trimbul ɛn fred we PAPA GƆD vɛks de tɔk.

Di Sam Dɛm 18:8

Fɔ sho se yu vɛks fɔ tru, smok de kɔmɔt na yu nos, ɔt ɔt kol we de bɔn ɛn faya we de pwɛl tin dɛn de kɔmɔt na yu mɔt.

Di Sam Dɛm 104:32

Na luk nɔmɔ, i kin luk di ath, athkwek de tek ples, dɔn we i tɔch di mawnten, faya de bɔs de.

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Izikɛl 38:20

Di fish dɛn na di si, ɛn di bɔd dɛn na di skay, ɛn di bist dɛn na di fil, ɛn ɔl dɛn tin dɛn we de krip na grɔn, ɛn ɔl di mɔtalman dɛn na di wɔl, go trimbul bad bad wɛn dɛn fil mi se a de, ɛn dɛn go trowe di mawnten dɛn na grɔn, ɛn di klif dɛn go fɔdɔm, ɛn ɔl dɛn wɔl go fɔdɔm kwik kwik wan kam na grɔn.

Emɔs 9:5

PAPA GƆD we na PAPA GƆD Ɔlmayti de tɔch di grɔn nɔmɔ ɛn i go mɛlt; ɔl udat de de, go kray Di wɔl go tan lɛk sisɔ; i go go ɔp ɛn kan dɔŋ lɛk riva nayl wata.