Neum 1:4 - Krio Fɔs Oli Baybul

⁴ Na tɔk nɔmɔ i go tɔk pan di si ɛn i go dray. Ɔl di watasay dɛnsɛf go dray. Di fil dɛn na Beshan ɛn Mawnt Kamɛl wit di flawa dɛn na Libanɔn go wida.

Neum 1:4 Referans Kwoze

Ayzaya 33:9

Di land in at de blid; Libanɔn kɔnfyus ɛn de wida; Sharɔn dɔn tan lɛk di ɛmti ples we pɔsin nɔ go ebul tap; ɛn Beshan ɛn Mawnt Kamɛl dɔn shek ɔl dɛn lif dɛn kɔmɔt.

Di Sam Dɛm 106:9

I gi ɔda to di Rɛd Si ɛn i dray wantɛm; dɔn i lɛ in pipul pas midul sote dɛn rich dray grɔn.

Ayzaya 51:10

Nɔto yu bin mek di si dray, di wata na di oshɔn; we bin mek di grɔn na di si tɔn rod, fɔ di wan dɛn we yu sev fɔ krɔs go oba?

Ayzaya 44:27

we de tɔk to di si se, ‘Dray, A go dray una riva dɛm’;

Di Sam Dɛm 114:5

Wetin mek di wata dray, ɛn wetin mek Riva Jɔdan lɛf fɔ rɔn?

Di Sam Dɛm 114:3

Wɛn di wata si dɛn de kam, i rɔn gi dɛn rod. Riva Jɔdan dray wantɛm, i go bak usay i bin de.

Di Sam Dɛm 104:7

Bɔt we yu tɔk nɔmɔ ɔltin rɔn go usay i fɔ de;

Di Sam Dɛm 74:15

Na yu de mek watasay gɛt wata ɛn wata bɔs na grɔn; ɛn na yu de mek ɔl usay kin pul wata, dray.

Matyu 8:26

Jizɔs se, “Wetin du una de fred? Una nɔ biliv mi gud!” I grap ɛn tɛl di briz ɛn di swɛlin fɔ stɛdi, nain ɔltin stɛdi.

Emɔs 5:8

Di wan we mek ɛvin ɛn dɛn sta, we de tɔn nɛt to de, ɛn de to nɛt, we de tek di wata na di si, ɛn wata di grɔn, nain nem PAPA GƆD,

Emɔs 1:2

Emɔs tɔk se: “Di wantɛm ala we PAPA GƆD ala na Mawnt Zayɔn; wit in vɔys na Jerusɛlɛm we tan lɛkɛ tinada, ɔl dɛn grin plant wida, dɛn lif na Mawnt Kamɛl rɔtin.”

Izikɛl 30:12

Ɛn a go dray di nayl ɛn a go sel di kɔntri gi to ivil mɔtalman dɛn an ɛn a go briŋ kam pan di kɔntri ɛn ɔl wetin de insay am, ɛmtinɛs we natin nɔ go de atɔl bay fɔrena dɛn an; na mi PAPA GƆD dɔn tɔk am.

Job 38:11

ɛn tɛl am se, “Na ya yu go tap, yu nɔ fɔ pas ya, ɛn na ya yu swɛlin dɛn fɔ tap?

Jɛnɛsis 8:1

PAPA GƆD nɔ bin fɔgɛt se Noa ɛn ɔl dɛn animal bin de insay di bot; i mek big briz blo, ɛn di wata bigin go dɔŋ.

Jɔshwa 3:16

As dɛn du dat so, di wata we bin de kɔmɔt ɔp say jɔs tinap wan ples ay wan fawe na di siti we dɛn kɔl Adam, we de nia Zarɛthan. Di wan we bin de rɔn go na di Dɛd Si, kɔtɔf totali. Nain di pipul dɛn krɔs Riva Jɔdan go oba say fesin Jɛriko.

2 Samiɛl 22:16

Wɛn PAPA GƆD de tɔk we i vɛks, i de blo traŋa wan ɛn di vɛri grɔn we di wɔl tinap pan de shek dɔn di wata sɛf de dray.

Ayzaya 42:15

A go mek di mawnten dɛn ɛmti ɛn yuslɛs, ɛn dray ɔl di gras dɛn; A go tɔn dɛn riva to ayland dɛn ɛn dray di watasay dɛn.

Izikɛl 38:20

Di fish dɛn na di si, ɛn di bɔd dɛn na di skay, ɛn di bist dɛn na di fil, ɛn ɔl dɛn tin dɛn we de krip na grɔn, ɛn ɔl di mɔtalman dɛn na di wɔl, go trimbul bad bad wɛn dɛn fil mi se a de, ɛn dɛn go trowe di mawnten dɛn na grɔn, ɛn di klif dɛn go fɔdɔm, ɛn ɔl dɛn wɔl go fɔdɔm kwik kwik wan kam na grɔn.

Di Sam Dɛm 18:16

PAPA GƆD pul mi pan siriɔs waala we tan lɛkɛ we man bin de insay dip dip si.