Neum 1:2 - Krio Fɔs Oli Baybul

² PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Neum 1:2 Referans Kwoze

Zɛkaraya 8:2

in se, i de jɛlɔs fɔ Jerusɛlɛm ɛn i de jɛlɔs bad wan.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Di Sam Dɛm 94:1

E PAPA GƆD, yu we na PAPA GƆD we de pɔnish, yu sabi pɔnish, so sho yusɛf.

Ɛksodɔs 34:14

“Una nɔ fɔ wɔship ɛni ɔda gɔd bikɔs mi PAPA GƆD a de Jɛlɔs; mi na jɛlɔs PAPA GƆD.

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

Di Ibru Pipul Dɛn 10:30

Wi no di pɔsin we se, “Na mi gɛt di rayt fɔ pɔnish pɔsin we de du bad, na mi go tɔn di bad gi am bak.” I tɔk igen se, “Gɔd we na di Masta go jɔj in pipul dɛn.”

Ayzaya 42:13

PAPA GƆD de go lɛk pawaful man, i de bigin in bad bad vɛksteshɔn lɛk sojaman; I de ala, I de ala lawd wan, i de sho insɛf pawaful wan agens in ɛnimi dɛn.

Ditarɔnɔmi 4:24

I wɔn dɛn se PAPA GƆD we na dɛn PAPA GƆD de jɛlɔs, ɛn wɛn i vɛks, i kin tan lɛk faya we de bɔn ɛnitin we de bifo am.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Lɛta Fɔ Rom 12:19

Mi padi dɛn, una nɔ fɔ tɔn bad gi ɛnibɔdi we du una bad, bɔt una fɔ lɛ Gɔd kɔndɛm di pɔsin. Dɛn rayt na Gɔd in Buk se, “Di Masta se, a go mek dɛn pipul we de du ɔda pipul bad, sɔfa fɔ di bad we dɛn de du.”

Mayka 5:15

Dɔn i go put in vɛksteshɔn pan ɔl dɛn kɔntri we nɔ du wetin i want.

Joɛl 2:18

Dɛn PAPA GƆD fil bad bɔt wetin de bi na di land, so i sɔri fɔ in pipul.

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

Izikɛl 6:12

Di pɔsin we de fawe, na bad sik go kil am. Di wan we de nia, na wa i go day; di wan we go lɛf we nɔ day, na aŋri go kil am. Na so a go pul mi wamat pan dɛn.

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Ayzaya 51:20

Yu bɔypikin dɛn dɔn taya, dɛn ledɔm lidɔm na dɛn jɔnkshɔn dɛn na ɔl dɛn trit lɛk fritambo we dɛn kech na trap; dɛn dɔn fil wetin PAPA GƆD kin du we i vɛks, we na yu Gɔd in kɔrɛkshɔn.

Ayzaya 51:17

Gɛda yusɛf, gɛda yusɛf, tinap, yu Jerusɛlɛm, yu we bin dɔn drink na PAPA GƆD in an, di kɔp we in vɛksteshɔn de, yu we dɔn drink te rich di kɛtɛ kɛtɛ na di bol we de mek pɔsin staga.

Job 20:23

Fɔ lɛ i bɛlful gud, PAPA GƆD go vɛks pɔnish am ɛn na dat go bi in it.

Lɛvitikɔs 26:28

dɛn insɛf go mek traŋayes ɛn nɔ lisin to dɛn bikɔs i vɛks bad ɛn nainsɛf go pɔnish dɛn fɔ dɛn sin dɛn.

Lɛta Fɔ Rom 13:4

Dɛn pipul we de rul, na Gɔd in wokman dɛn we de wok fɔ ɛp una. Bɔt if una du bad, una fɔ fred dɛn, bikɔs dɛn gɛt di pawa fɔ pɔnish una ɛn dɛn go pɔnish una. Dɛn tinap fɔ Gɔd we dɛn de jɔj ɛn pɔnish dɛn pipul we de du bad.

Zɛkaraya 1:14

So di enjɛl we bin de tɔk to am tɛl am se, lɛ i tɔk lawd wan se PAPA GƆD we na PAPA GƆD Ɔlmayti se in de jɛlɔs fɔ Jerusɛlɛm ɛn Zayɔn bad bad wan.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Izikɛl 38:18

Bɔt pan da de de, wɛn Gɔd go kam agens di Izrɛl kɔntri, PAPA GƆD tɔk se, mi bad vɛks go grap.

Izikɛl 36:6

Fɔseka dat, prɔfisay bɔt di Izrɛl kɔntri, ɛn se to di mawnten dɛm, ɛn di il dɛm, di dip dip naro vali dɛm, di vali dɛnsɛf, se, na dis PAPA GƆD se; una lisin, a de tɔk pan mi jɛlɔs in bad bad vɛks wan, bikɔs una dɔn bia ɔl di disgres we di neshɔn dɛn briŋ pan una.

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Izikɛl 5:13

“Na so a go ebul fɔ kol mi at fɔ di vɛks we a vɛks. Ɛn a go put mi vɛksteshɔn pan dɛm ɛn satisfay misɛf; ɛn dɛn go no se na mi PAPA GƆD dɔn tɔk, bikɔs ɔf di jɛlɔs we a de jɛlɔs fɔ dɛm, afta mi vɛksteshɔn go dɔn fɔdɔm pan dɛm.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 25:15

Na dis PAPA GƆD we na Izrɛl dɛn Gɔd tɛl mi: “Tek di kɔp we gɛt di wayn ɔf vɛksteshɔn na mi an, ɛn mek ɔl di neshɔn dɛn we a de sɛn yu go, drink pan am.

Jɛrimaya 3:5

I go vɛks pan mi sote go, I go stɔbɔn sote go?’ Luk, yu dɔn tɔk am, bɔt una dɔn du ɔl di ivul tin dɛn we una ebul du.”

Ayzaya 66:15

“Bikɔs, PAPA GƆD go kam wit faya, ɛn in chariɔt dɛn go kam lɛk tinada, fɔ pul in bad bad wamat wit vɛksteshɔn, ɛn kɔrɛkt pipul wit faya.

Ditarɔnɔmi 7:10

Bɔt Mozis wɔn dɛn se PAPA GƆD nɔ de sɔri fɔ pipul dɛn we nɔ de gri yɛri in wɔd; I kin pɔnish dɛn bad bad wan.

Jɛrimaya 28:8

Dɛn prɔfɛt dɛm we bin dɔn de lɔlɔntɛm bifo yu ɛn mi, bin prɔfisay bɔt wa, bad bad aŋri, ɛn siknɛs pan bɔku bɔku kɔntri dɛm ɛn big big kindɔm dɛm

Izikɛl 38:19

Fɔ we a bin de jɛlɔs ɛn we a bin vɛks bad bad wan lɛk we faya de kech, a bin se, pan da de de, big shek shek go de insay di Izrɛl kɔntri.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Di Nɔmba Dɛm 25:11

“Na Finɛas we na Ɛlieza in bɔypikin ɛn Erɔn in grampikin mek mi at kol; bikɔs i bin gɛt maynd ɛn nɔ want fɔ mek a gɛt bad nem so dat a nɔ go kil dɛn fɔseka mi traŋa at,

Jɛrimaya 50:15

Una siŋ rawnd am ɔlɔbɔt, i dɔn sɔrɛnda; di tin dɛn we i bin de tek protɛkt insɛf, dɔn fɔdɔm in protɛkshɔn dɛm dɔn fɔdɔm kan dɔŋ, bikɔs dis na PAPA GƆD in pe: tɔn am gi am, mek yu du am wetin i bin yu.