Neum 1:15 - Krio Fɔs Oli Baybul

¹⁵ Lɔd o! Na wi tɛm dɔn kam so. Sɔmbɔdi de pantap di mawnten de ala se di Asirian dɛn yon dɔn dɔn, so una fɔ kɔntinyu wit una sɛlibreshɔn ɛn gi PAPA GƆD wetin una bin dɔn se una go gi am bikɔs i go nyamanyama di Asirian ɛn dɛn nɔ go ambɔg una igen

Neum 1:15 Referans Kwoze

Ayzaya 52:7

Luk we dɛn fayn na dɛn mawnten dɛn dɛn pipul dɛn we de briŋ gud yus, we de anawns bɔt pis, we de briŋ nyuz bɔt gud tin, we de anawns bɔt salveshɔn, we de tɛl Zayɔn se, “Na yu Gɔd de ren.”

Lɛta Fɔ Rom 10:15

Ɛn aw pipul go tɛl dɛn di mɛsej if nɔbɔdi nɔ sɛn pipul fɔ tɛl dɛn? Dɛn rayt na Gɔd in Buk se, “Na wɔndaful tin we dɛn pipul we de briŋ di Gud Nyuz, de kam.”

Apɔsul Dɛn Wok 10:36

Una no di mɛsej we Gɔd bin sɛn to di Ju pipul dɛn na Izrɛl, i tɛl dɛn di Gud Nyuz se na Jizɔs Krays we na ɔlman Masta, go mek dɛn kam to Gɔd fɔ mek dɛn ɔl gɛt kol at.

Lyuk 2:10

Di enjɛl se, “Una nɔ fred! A briŋ gud nyuz fɔ una we go mek pipul gladi bad ɛn ɔl di Izrɛl pipul dɛn go gladi.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Joɛl 3:17

I se da tɛm de dɛn go no se in na PAPA GƆD we na dɛn GƆD, di wan we de na di oli il na Zayɔn. Jerusɛlɛm go bi in oli siti ɛn trenja dɛn nɔ go jɛs de tek de mek natin.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Di Sam Dɛm 107:15

Naw, lɛ dɛn tɛl PAPA GƆD tɛnk fɔ in lɔv we nɔ de chenj, ɛn fɔ ɔl di wɔndaful tin dɛn we i de du fɔ mɔtalman,

Di Sam Dɛm 107:8

Naw, lɛ dɛn tɛl PAPA GƆD tɛnk fɔ in lɔv we nɔ de chenj ɛn fɔ ɔl di wɔndaful tin dɛn we i de du fɔ mɔtalman,

Lɛvitikɔs 23:4

Na di fist dɛn dɛnwanya fɔ PAPA GƆD; di tɛm dɛn we dɛn fɔ gɛda bifo PAPA GƆD, we una sɔpoz fɔ du we di tɛm rich.

Lɛvitikɔs 23:2

mek i tɛl di Izrɛlayt dɛn se, na dɛn de dɛn we in PAPA GƆD dɔn pik fɔ mit am, we dɛn go gɛda fɔ wɔship PAPA GƆD, i de kam tɛl dɛn so.

Neum 1:14

Na dis PAPA GƆD se bɔt di Asirian dɛn: I se nɔbɔdi nɔ gɛt fɔ lɛf wit dɛn nem ɛn i pwɛl ɔl dɛn gɔd dɛn we dɛn bin dɔn mek, we de insay dɛn os dɛn we dɛn put dɛn. Infakt sɛf i se in de mek wan big bɛriŋrɔn fɔ dɛn as dɛn tu bad.

Ayzaya 41:27

Na mi fɔs bin tɔk am to Zayɔn ɛn a gi Jerusɛlɛm wan mɛsenja wit gud nyuz.

Ayzaya 42:11

Lɛ di ɛmti ples we pipul nɔ go ebul tap ɛn in siti dɛn, siŋ lawd lawd wan, Di vilej dɛn we Keda tap; ɛn lɛ di wan dɛn we tap na Sela siŋ wit gladi Lɛ dɛn ala pantap di mawnten dɛn.