Neum 1:12 - Krio Fɔs Oli Baybul

¹² Dis na wetin PAPA GƆD se, I se i lɛk sɛf di Asirian dɛn bɔku ɛn gɛt pawa lɛk wetin, i go pwɛl dɛn kpatakpata ɛn dɔnawe wit dɛn. I se i bin dɔn mek una sɔfa bɔt i nɔ go du am igen

Neum 1:12 Referans Kwoze

Joɛl 2:19

PAPA GƆD ansa dɛn ɛn tɛl dɛn se in de gi dɛn sid, wayn, ɛn ɔyl, ɛn dat go mek dɛn satisfay mɔ; i se in nɔ go mek dɛn ɔda neshɔn luk dɛn ɛn sɔktit igen

Rɛvɛleshɔn 7:16

Aŋri nɔ go kech dɛn igen, dɛn nɔ go tɔsti igen, ɔt ɔt san nɔ go bɔn dɛn igen ɛn i nɔ go mek dɛn sɔfa pen,

Neum 1:15

Lɔd o! Na wi tɛm dɔn kam so. Sɔmbɔdi de pantap di mawnten de ala se di Asirian dɛn yon dɔn dɔn, so una fɔ kɔntinyu wit una sɛlibreshɔn ɛn gi PAPA GƆD wetin una bin dɔn se una go gi am bikɔs i go nyamanyama di Asirian ɛn dɛn nɔ go ambɔg una igen

Daniɛl 11:10

“Di kiŋ na Siria in bɔypikin dɛn go mek wa ɛn gɛda bɔku bɔku ami man, we go kam te dɛn pasmak, dɔn dɛn pas go, ɛn dɛn go kɛr di wa go igen te rich na dɛn baraks.

Ayzaya 51:22

Na dis PAPA GƆD we na una Gɔd se, una Gɔd we de tɔk fɔ in pipul dɛn: “Luk, a dɔn tek di kɔp na una an we de mek pipul staga; una nɔ go drink pan di bol we mi veksteshɔn de, igen igen;

Ayzaya 37:36

Da sem nɛt de, PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛm. Wɛn pipul dɛn wek na mɔnin, na soso dedebɔdi dɛn si.

Ayzaya 31:8

“Ɛn sɔd go kil Asirian, nɔto mɔtalman; na sɔd, nɔto mɔtalman go kil am; ɛn i go rɔnawe frɔm di sɔd, ɛn dɛn go mek in yɔŋman dɛn go wok bay fos.

Ayzaya 30:19

Yɛs, pipul dɛn na Zayɔn we tap na Jerusɛlɛm; una nɔ go kray igen: I go mɔs sho una gres we i yɛri una vɔys we una de kray; wɛn i yɛri am, i go ansa una.

Ayzaya 17:14

Ivin tɛm, na masibo! Bifo mɔnin kam, dɛn nɔ de igen! Na dɛn tin ya go mit di wan dɛn we de pwɛl wi, ɛn di wan dɛn we de tif wi.

Ayzaya 8:8

ɛn i go rɔn oba go insay Juda, i go jɛs de ovaflo ɛn go swɛl te rich pipul dɛn nɛk; ɛn in wiŋ dɛm we i prɛd, go fulɔp di land frɔm kɔna to kɔna, E Imanyuɛl.”

Ayzaya 7:20

Da de de PAPA GƆD go shev wit reza we i aya kɔmɔt oba di Riva – we de wit di kiŋ na Asiria– di ed ɛn di ia nain prayvet, ɛn i go krep di bia bia sɛf kɔmɔt.

2 Kiŋ 19:37

Wande we i de nain gɔd Nisrɔk in os de wɔship am, in bɔypikin dɛn dat na Adramɛlɛk ɛn Sharɛza go mit am de kil am wit sɔd, dɔn dɛn rɔnawe go na Ararat. In ɔda bɔypikin we nem Ɛzaadɔn tek in ples ɛn bi kiŋ.

2 Kiŋ 19:35

Da vɛri nɛt de PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛn. Wɛn pipul dɛn wek na mɔnin, na soso dedebɔdi dɛn dɛn si.

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Ayzaya 10:16

So, PAPA GƆD we na PAPA GƆD Ɔlmayti, go sɛn siknɛs we de kil, pan in tɔf tɔf sojaman dɛn, pan ɔl dɛn glori, i go bigin bɔn dɛn, lɛk aw faya kin bɔn.