Neum 1:10 - Krio Fɔs Oli Baybul

¹⁰ Lɛk aw chukchuk we taŋul de bɔn na faya na so una dɛn drɔnkɔman dɛn gɛt fɔ tan.

Neum 1:10 Referans Kwoze

Mayka 7:4

Di wan we kin se i de du di rayt tin sɛf na lɛk smɔl smɔl chukchuk. Di wan we bɛtɛ pas dɛn ɔl tan lɛk dɛn bi big chukchuk. Na di tɛm dɔn rich so we dɛn go gɛt dɛn pɔnishmɛnt.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Neum 3:11

I se na so Ninivɛ insɛf go drɔnk wit pawa ɛn nɔ no wetin i de du. I go tray fɔ ayd pan in ɛnimi dɛn.

Ayzaya 9:18

Wikɛdnɛs kin bɔn lɛk faya, i de bɔn wayl bush ɛn chuk chuk; i de mek faya kech pan dɛn bush we tay tay pan dɛnsɛf na fɔrɛst, ɛn sɛn smok go ɔp tret wan.

Ayzaya 5:24

Fɔseka dat, lɛk aw faya de bɔn di af af tik we kin lɛf na grɔn we dɛn kɔt rɛs, ɛn lɛk aw dray gras kin bɔn na faya, na so dɛn rut go tan lɛk tin we rɔtin di flawa we dɛn pul go flay go ɔp lɛk dɔst, bikɔs dɛn nɔ gri fɔ du wetin PAPA GƆD Ɔlmayti in lɔ se, ɛn nɔ gɛt rɛspɛkt fɔ di Oli Wan na Izrɛl in wɔd.

Jɛrimaya 51:57

A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Jɛrimaya 51:39

Ɛnti dɛn lɛk bɔku it, a go mek pati fɔ dɛm ɛn mek dɛn drɔnk sote dɛn slip ɛn slip ɛvalastin slip ɛn nɔ wek igen. Na so PAPA GƆD se.

Ayzaya 27:4

A nɔ vɛks. A wish a bin gɛt chuk chuk ɛn wayl bush fɔ fɛt! A bin fɔ go mit dɛn fɔ fɛt dɛn, a bin fɔ bɔn dɛn togɛda.

Di Sam Dɛm 68:2

Lɛk aw briz de blo smok ɛn skata am, mek PAPA GƆD skata dɛn lɛkɛ smok; lɛk aw kyandul go mɛlt we i tinap nia faya, mek PAPA GƆD lɛ bad pipul alaki bifo am.

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

1 Samiɛl 25:36

Wɛn Abigɛl tɔn bak, i mit Nebal de mek big big pati lɛkɛ se in na kiŋ. I bin gladi ɛn i bin dɔn tot am. So Abigɛl nɔ se natin to am te do klin.

Di Sam Dɛm 118:12

Dɛn bɔs pan mi lɛk ɔni, bɔt aw dɛn bɔs, na so dɛn de lɔs; na bay PAPA GƆD in pawa a ebul pul dɛn kɔmɔt biɛn mi.

Ayzaya 47:14

Luk, dɛn na lɛk dray gras we faya kin bɔn; dɛn nɔ go ebul sev dɛnsɛf frɔm di faya in pawa. Dis nɔto kol fɔ wam yusɛf, nɔto faya fɔ sidɔm bifo!

Ayzaya 56:12

Dɛn se, “kam, lɛ wi go drink wayn, lɛ wi bɛlful wit rɔm; ɛn tumara go bi lɛk tide, i go bɛtɛ pas tide sɛf.”

Ɛksodɔs 5:12

So di pipul dɛn skata ɔlɔbɔt na Ijipt de luk fɔ strɔ.

Ɛksodɔs 15:7

Na bay yu mayti pawa yu kapsay yu ɛnimi dɛn. Yu tɛmpa na lɛkɛ faya, i bɔn yu ɛnimi lɛkɛ dɛn gras.