Mayka 7:3 - Krio Fɔs Oli Baybul

³ If na fɔ bad, dɛn sabi aw fɔ du am we i nɔ go pwɛl. Ɔl di bigman dɛn de tek brayb ivin di jɔj dɛn. In ɛn di wan we gɛt pawa de du wetin dɛn lɛk ɛn natin nɔ de kɔmɔt biɛn dat.

Mayka 7:3 Referans Kwoze

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Emɔs 5:12

A de si ɔl di bɔku dabaru we una de ple, ɛn di bad bad tin dɛn we una de du. Una we de brayb ɛn siz advantej pan pɔsin we de waka tret na PAPA GƆD in yay, wɛn una de jɔj kes, una de gi poman rɔŋ.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Matyu 26:15

I aks dɛn se, “Ɔmɔs una go pe mi if a mek una ol Jizɔs?” Dɛn pe am tati silva kɔpɔ.

Ozie 4:18

We dɛn dɔn drɔnk, dɛn lɛk fɔ de biɛn dɛn rare gyal. Dɛn de ɛnjɔy da layf de pas di wan we go mek dɛn gɛt rɛspɛkt.

Izikɛl 22:27

Dɛn bigman dɛn we de de, tan lɛk wulf we de chɛr di tin we i kech fɔ it, dɛn de kil pipul ɛn nyakanyaka pipul dɛn layf fɔseka jɛntri we nɔ klin na Gɔd yay;

Izikɛl 22:6

Biliv mi, di Izrɛl bigman dɛm we tap insay yu, bikɔs ɔf dɛn pawa, de shɛd blɔd.

Jɛrimaya 3:5

I go vɛks pan mi sote go, I go stɔbɔn sote go?’ Luk, yu dɔn tɔk am, bɔt una dɔn du ɔl di ivul tin dɛn we una ebul du.”

Ayzaya 26:21

Bikɔs PAPA GƆD de kɔmɔt nain ples kan na do fɔ pɔnish di pipul we tap na wɔl fɔseka dɛn sin, ɛn di wɔl go pul di sikrit bɔt di blɔd we dɛn dɔn shɛd pan am, ɛn i nɔ go kɔba di wan dɛn we dɛn kil, igen.

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Prɔvabs 17:23

Bad pɔsin de ayd tek brayb fɔ lɛ i nɔ go du tiŋs di rayt we.

Ayzaya 3:5

Ɛn pipul dɛn go tek advantej pan dɛn dɛnsɛf, ɛn pan dɛn kɔmpin ɛn pan dɛn neba; dɛn yɔŋ wan dɛm go fityay big wan dɛm ɛn di yuslɛs man go fityay di bigman.

Ayzaya 5:23

dɛn wan dɛn we de fri pɔsin we gilti fɔ seka brayb ɛn nɔ de gi di wan we nɔ gilti, in rayt.

Ayzaya 32:7

Di man dɛn we nɔ de waka tret, dɛn trik dɛn kin wikɛd, i kin plan wikɛd plan dɛn fɔ lay pan poman fɔ pwɛl am, pan ɔlwe di poman kin gɛt rayt.

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Ozie 7:3

Dɛn tek dɛn wikɛdnɛs fɔ ful di kiŋ dɔn in ɛn in pikin dɛn kin gladi. Dɛn ɔl na wan.

Mayka 2:8

Insɛf tɛl dɛn se, dɛn nɔ bɛtɛ pas di wan dɛn we kech dɛn; dɛn de biev lɛk di ɛnimi to di ɔda wan dɛn bikɔs dɛn de trit dɛn lɛk aw tifman de trit pɔsin, dat na we dɛn de tek dɛn klos dɛn na dɛn an.

Mayka 3:2

bɔt bifo dat i tan lɛk se dɛn et wetin gud ɛn lɛk wetin bad. Dɛn de biev lɛk buchaman we de pul ɔl di bif kɔmɔt pan bon we i wan kɔt fɔ put na pɔt

Prɔvabs 16:30

Ɛnibɔdi we de shumɔ pan in kɔmpin nɔ de min gud fɔ am, pɔsin we nɔ de tɔk na bad mɔtalman.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Izikɛl 34:21

Bikɔs una de tek una sayd ɛn sholda dɛn de push push, dɛn shɔb ɔl di wik wan wit una ɔn dɛm, te una skata dɛm go ɔlsay.