Mayka 4:3 - Krio Fɔs Oli Baybul

³ I go de tɔk kes wɛn dɛn difrɛn neshɔn gɛt plaba, i lɛk dɛn de nia ɔ dɛn de fa; dɛn go nak nak dɛn sɔd fɔ mek tin fɔ yuz na fam, ɛn dɛn spia, dɛn go mek i bi nɛf fɔ kɔt na fam, di neshɔn dɛn nɔ go fɛt dɛnsɛf igen, so nid nɔ go de fɔ tren fɔ fɛt igen;

Mayka 4:3 Referans Kwoze

Ayzaya 2:4

I go jɔj bitwin di neshɔn dɛm ɛn go disayd fɔ bɔku pipul dɛm; ɛn dɛn go tɔn dɛn sɔd dɛn to gɔgɔ, ɛn dɛn spia dɛn go tɔn gadin sizɔs wan kɔntri nɔ go tek sɔd fɔ in kɔmpin igen ɛn wa nɔ go de igen.

Ozie 2:18

I se da tɛm de in ɛn ɔl dɛn wayl animal na bush, dɛn bɔd we de flay ɛn dɛn tin sɛf we kin de krip na grɔn go tay bagin ɛn in go mek natin nɔ tɔch am wɛda na bo ɛn aro, ɔ sɔd ɛn if wa fɔdɔm na di kɔntri, so we go lidɔm, natin nɔ go mek i fred.

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Ayzaya 65:25

Di wulf ɛn di ship pikin go it togɛda, di layɔn go it dray gras lɛk kaw; ɛn na dɔti go bi snek in it. Dɛn nɔ go wund ɔ kil nɔbɔdi na ɔl mi oli mawten dɛm. Na so PAPA GƆD se.”

Di Sam Dɛm 98:9

Lɛ dɛn ɔl siŋ ɛn go to PAPA GƆD bikɔs i de kam fɔ jɔj di wɔl. I go jɔj di wɔl tret wan, ɛn i go trit ɔlman ikwal.

Di Sam Dɛm 96:13

Dɛn ɔl di pipul go gladi bikɔs PAPA GƆD de kam fɔ jɔj di wɔl. We i de jɔj di wɔl, i go jɔj tret wan dɔn ɔl wetin na tru go kɔmɔt na do.

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Zɛkaraya 14:3

Dɛn PAPA GƆD go fɛt dɛn neshɔn dɛn de lɛkɛ aw i bin de fɛt fɔstɛm.

Zɛkaraya 9:10

I se, i go tek di ɔs ɛn karej we Izrɛl bin de yuz ɛn ivin di ɔs dɛn we di pipul na Jerusɛlɛm bin de tek go wa. Di bo we dɛn kin de yuz we dɛn go wa, ɔl go pwɛl dɔn pis go de ɔlsay na wɔl. I go rul frɔm wan siti to di ɔda wan ɛn frɔm Riva Yufretis te rich usay di wɔl dɔn.

Mayka 5:15

Dɔn i go put in vɛksteshɔn pan ɔl dɛn kɔntri we nɔ du wetin i want.

Joɛl 3:2

in go gɛda di neshɔn dɛn ɛn kɛr dɛn go na di Vali ɔf Jɔjmɛnt. I se na de i go jɔj dɛn fɔ wetin dɛn du to di Izrɛlayt dɛn, we nain pipul. I se dɛn skata in pipul ɔlɔbɔt ɛn sheb in land, dɔn dɛn

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Ayzaya 60:12

Bikɔs di neshɔn ɛn di kindɔm we nɔ gri sav, yu go pɛrish; Dɛn neshɔn de go distrɔy kpatakpata.

Ayzaya 51:5

Mi dilivrans de kam nia wit spid, ɛn mi salveshɔn dɔn go bifo, ɛn na misɛf go rul di pipul dɛm; di land dɛn we de nia di si, go wet fɔ mi, ɛn dɛn de abop pan mi..

Ayzaya 25:3

Na dat mek traŋa pipul dɛm go glorifay yu; dɛn siti we pipul dɛn we de du bad ɛn nɔ luk biɛn, tap, go fred yu.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Di Sam Dɛm 82:8

PAPA GƆD, sho yu pawa ɛn jɔj di wɔl, bikɔs na yu gɛt ɔl di neshɔn dɛn.

Di Sam Dɛm 72:7

We di Kiŋ de rul, lɛ di land ful wit yu gudnɛs ɛn lɛ di pipul gɛt kol at te di mun lɛf fɔ shayn;

Di Sam Dɛm 46:9

I de mek ɔl udat de fɛt na wɔl, lɛf fɔ fɛt; i de pwɛl pwɛl ɔl wetin dɛn de tek fɛt ɛn bɔn di big shild we dɛn wɛr fɔ protɛkt dɛnsɛf na faya.

1 Samiɛl 2:10

PAPA GƆD go skata in ɛnimi dɛn. I go trɛtin dɛn wit in vɔys lɛk tɛnda frɔm ɛvin. Na PAPA GƆD go jɔj ɔlman na wɔl. I go gi mɔ pawa to di wan we in dɔn pik fɔ bi Kiŋ fɔ in pipul dɛn.”

Di Sam Dɛm 72:3

Mek di wanol land bɛtɛ, ɛn mek di pipul avɛst bɔku ɛn lɛ ɔl dis bi bikɔs di pipul na di land de du tin tret wan.

Zɛkaraya 8:20

PAPA GƆD Ɔlmayti se, pipul dɛn go kɔmɔt na bɔku siti kam,

Di Sam Dɛm 46:10

“Una lɛf fɔ fɛt ɛn no se mi na PAPA GƆD na mi de rul ɔlsay; di neshɔn dɛn ɛn ɔl di pipul go prez mi ɛn se a de du big wok.”

Ozie 2:20

A go waka tret wit yu insay di mared am, dɔn yu go biliv se in na PAPA GƆD.