Mayka 3:2 - Krio Fɔs Oli Baybul

² bɔt bifo dat i tan lɛk se dɛn et wetin gud ɛn lɛk wetin bad. Dɛn de biev lɛk buchaman we de pul ɔl di bif kɔmɔt pan bon we i wan kɔt fɔ put na pɔt

Mayka 3:2 Referans Kwoze

Izikɛl 22:27

Dɛn bigman dɛn we de de, tan lɛk wulf we de chɛr di tin we i kech fɔ it, dɛn de kil pipul ɛn nyakanyaka pipul dɛn layf fɔseka jɛntri we nɔ klin na Gɔd yay;

Prɔvabs 28:4

Dɛn wan we nɔ de obe lɔ de bato dɛn bad pɔsin, bɔt dɛn wan we de obe di lɔ de fɛt dɛn wan we nɔ de obe.

Di Sam Dɛm 53:4

Dɛn pipul we de du bad nɔ go lan? Dɛn de pwɛl pipul lɛk we mɔtalman de cham bred ɛn dɛn nɔ bisin bɔt PAPA GƆD.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Ayzaya 3:15

PAPA GƆD Ɔlmayti se, wetin una min we una de mek mi pipul dɛn sɔfa so, ɛn we una de tek advantej pan po pipul?”

2 Kronikuls 19:2

Bɔt Jeu we na Anani we na prɔfɛt in bɔypikin, kɔmɔt go mit am ɛn tɛl Kiŋ Jɛoshafat se, “Yu tink se yu fɔ ɛp wikɛd pipul ɛn lɛk dɛn wan dɛn we et PAPA GƆD?” Fɔseka dat, PAPA GƆD dɔn vɛks pan yu.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Sɛkɛn Lɛta To Timoti 3:3

dɛn nɔ go de du gud, dɛn nɔ go gɛt sɔri at, dɛn go de tɔk bad bɔt pipul, dɛn nɔ go ebul kɔntrol dɛnsɛf, ɛn dɛn go wayl if pɔsin ambɔg dɛn; dɛn nɔ go lɛk ɛnitin we gud;

Lɛta Fɔ Rom 1:32

Dɛn no se Gɔd se di pɔsin we de du dɛn tin ya fɔ day. Pan ɔl dat, dɛn stil de du dɛn kayn tin ya, ɛn pantap dat, dɛn si wit ɔda pipul we de du dɛn.

Jɔn 18:40

Dɛn ansa lawd wan se, “Nɔ, nɔ lɛf da man de! Pul Bara bas kɔmɔt na jel.” (Bara bas na bin bad bad tifman.)

Jɔn 7:7

Di pipul dɛn na wɔl jɛs gɛt fɔ lɛk una, bɔt dɛn nɔ lɛk mi bikɔs a kin de tɛl dɛn se, dɛn de du bad.

Lyuk 19:14

Bɔt di pipul dɛn na di kɔntri nɔ bin lɛk di man, so dɛn sɛn mɛsenja go na di ɔda kɔntri we di man go fɔ go tɛl di wan we de rul de se dɛn nɔ want di man fɔ rul dɛn.

Zɛfinaya 3:3

Dɛn bigman dɛn ɛn dɛn jɔj dɛn ɔl de biev lɛk aŋri layɔn ɔ wulf, dɛn de mekes it ɛnitin we dɛn gɛt ɛn nɔ de wɔri fɔ kip fɔ di nɛks de.

Izikɛl 34:3

Na yu de it di bɛst say dɛm, una de tek di wul dɛn mek klos fɔ unasɛf, una de kil bɔku di fat fat ship, bɔt una nɔ de fid di ship dɛm.

Di Sam Dɛm 15:4

ɛn we nɔ de tɔlaret bad kɔmpin bɔt lɛk fɔ de usay pipul we de fred PAPA GƆD de, i de swɛ ɛn du wetin i se i go du no mata wetin i min.

Ayzaya 57:12

A go tɔk bɔt di waka we yu de waka tret na mi yay ɛn di tin dɛn we yu de du, bɔt dɛn nɔ go ɛp yu.

Izikɛl 11:7

Na dat mek na dis Papa Gɔd we na Gɔd se: Una pipul dɛn we una dɔn kil, we una dɔn lɛf midul di siti, na di bif, ɛn di siti na di big ayɛn pɔt; bɔt dɛn go pul una kɔmɔt midul de.

Izikɛl 24:4

put am pan di bif we dɔn kɔt kɔt, ɔl di gud say dɛm, di tay ɛn di sholda; ful am wit di bon dɛm we fayn pas ɔl.

Mayka 2:8

Insɛf tɛl dɛn se, dɛn nɔ bɛtɛ pas di wan dɛn we kech dɛn; dɛn de biev lɛk di ɛnimi to di ɔda wan dɛn bikɔs dɛn de trit dɛn lɛk aw tifman de trit pɔsin, dat na we dɛn de tek dɛn klos dɛn na dɛn an.

Mayka 7:2

Nɔbɔdi nɔ de na wɔl we gud, nɔbɔdi nɔ de du wetin rayt; dɛn ɔl de wach fɔ di tɛm we dɛn go ebul kech dɛn yon brɔda. Ɔlman jɛs de wet ɛn chuk ɛn kil.

Mayka 7:3

If na fɔ bad, dɛn sabi aw fɔ du am we i nɔ go pwɛl. Ɔl di bigman dɛn de tek brayb ivin di jɔj dɛn. In ɛn di wan we gɛt pawa de du wetin dɛn lɛk ɛn natin nɔ de kɔmɔt biɛn dat.

Ayzaya 5:20

Swɛ go fɔdɔm pan dɛm wan we de kɔl bad, gud ɛn gud, bad, we de si daknɛs, i se na layt ɛn layt, i se daknɛs, i si bita, i se na swit ɛn swit, i se na bita!

Emɔs 4:1

Una lisin o, una dɛn na dɛn mawnten dɛn na Sameria we fat lɛk dɛn kaw na Beshan, we de fɔ mek dɛn de siz advantej pan poman, bikɔs una de mɔna una man dɛn se dɛn fɔ de kɛr wayn go fɔ una fɔ de drink!

Emɔs 5:15

Una lɛf fɔ du bad, una du gud; una mek fia ple na kot, sɔntɛm da tɛm de PAPA GƆD, PAPA GƆD Ɔlmayti go sɔri fɔ di wan dɛn we lɛf pan di Izrɛlayt dɛn.