Mayka 2:3 - Krio Fɔs Oli Baybul

³ PAPA GƆD se fɔseka dis, i go pɔnish dɛn kayn man dɛn de dɛn famili; i go gi dɛn lod we dɛn nɔ go ebul tot dɔn nɔbɔdi nɔ go ɛp dɛn. Da tɛm de dɛn go lɛf fɔ kak bikɔs tin go bad fɔ dɛn.

Mayka 2:3 Referans Kwoze

Emɔs 5:13

O - o! Dat min se dɛn wan we gɛt sɛns fɔ sɛt mɔt ɛn mek lɛk se dɛn nɔ si ɔl di bad bad tin dɛn we de bi.

Jɛrimaya 8:3

PAPA GƆD Ɔlmayti se, ‘di wan dɛn we go lɛf pan dis ivul famili, go prifa fɔ day dan fɔ liv, na di ples dɛn we a dɔn drɛb dɛm go.’

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Lamɛnteshɔn 5:5

Di ebi ebi wok we wi de wok de mɔna wi; wi dɔn taya, chans nɔ de fɔ blo.

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Lɛta Fɔ Ɛfisɔs 5:16

Ɛni chans we una gɛt fɔ du gud, una du ɔl wetin una ebul du, bikɔs dis tɛm ya na bad tɛm.

Lɛta Fɔ Rom 16:4

dɛn bin rɛdi fɔ day fɔseka mi. Mi ɛn ɔl dɛn Kristiɛn we nɔto Ju de tɛl dɛn plɛnti tɛnki.

Mayka 2:1

Eya! I go kɔmɔt bad pan dɛn wan we nɔ kin de slip na nɛt, bifo dat dɛn kin jɛs de mɛmba aw fɔ du bad. As do klin so, dɛn kin mekes fɔ go du di bad we dɛn plan wans dɛn gɛt di pawa.

Emɔs 2:14

Dɛn wan we ebul rɔn nɔ go ebul fɔ rɔn, yu we gɛt trɛnk, nɔ abop pan yu trɛnk ɛn yu we na tɔf soja nɔ go ebul sev yu layf.

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Lamɛnteshɔn 1:14

Dɛn tay ɔl di bad tin dɛn we a dɔn du, wan say lɛk ebi lod; na PAPA GƆD sɛf tay dɛn ɔl togɛda; i put dɛn ɔl na mi nɛk; I mek a wik dɔn i sɛl mi to pipul dɛn we a nɔ go ebul fɛt.

Jɛrimaya 43:2

Azaraya, we na Hoshaya in bɔypikin ɛn Joanan we na Karera in bɔypikin ɛn ɔl di fityay man dɛm tɛl Jɛrimaya se, “Yu de lay. PAPA GƆD we na wi Gɔd nɔ sɛn yu fɔ kam tɛl wi se, ‘Una nɔ go Ijipt fɔ go tap de’;

Jɛrimaya 36:23

As Jehudi rid tri ɔ fo paregraf so, di kiŋ de kɔt am kɔmɔt wit pɛn nɛf ɛn trowe am insay di faya na di kolpɔt. Na so i du sote ɔl di skrol bɔn dɔn na di faya we bin de insay di kolpɔt.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 27:12

A de tɔk di sem tin to Zɛdikaya we na kiŋ na Juda: “Yu ɛn yu pipul fɔ put unasɛf ɔnda di kiŋ na Babilɔn, ɛn sav in ɛn in pipul dɛm so dat una nɔ go day.

Ayzaya 5:19

di wan dɛn we kin se, “lɛ I mekes lɛ I du in wok kwik kwik so dat we go si am; lɛ di tin we di Oli Wan na Izrɛl mekup, apin jisnɔ, ɛn lɛ i bi naw naw, so dat we go si am!”

Ayzaya 3:16

PAPA GƆD se: Bikɔs di uman dɛn na Zayɔn prawd ɛn de lɔŋ dɛn nɛk we dɛn de waka, de luk fɔ man fɔ lidɔm wit, dɛn de spot chɛp chɛp we dɛn de waka, ɛn di baŋuls dɛn de nak na dɛn fut;

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Emɔs 3:1

Una dɛn Izrɛlayt dɛn, una lisin gud o wetin PAPA GƆD tɔk bɔt una! Una we na una i pul kɔmɔt na Ijipt:

Emɔs 3:2

“Na una a pik pan ɔl dɛn pipul na di wɔl, so a go pɔnish una gud fashin fɔ wetin una du.”

Ayzaya 29:20

Bikɔs di wan we de du tin nɔ luk biɛn, go kam to natin ɛn di man we de provok, go tap, ɛn dɛn go kɔt ɔf ɔl dɛn wan we de wach fɔ du bad,