Mayka 1:3 - Krio Fɔs Oli Baybul

³ Una lisin, PAPA GƆD de kɔmɔt usay i de; ɛn i go kam dɔŋ, kam waka na ɔl wi ay ay ples dɛn.

Mayka 1:3 Referans Kwoze

Emɔs 4:13

Di wan we mek dɛn mawnten ɛn di briz. Di wan we de sho wetin de nain bɛlɛ to mɔtalman; we de tɔn de to nɛt, we de rul di wanol wɔl. Nain nem PAPA GƆD, PAPA GƆD Ɔlmayti!

Ayzaya 26:21

Bikɔs PAPA GƆD de kɔmɔt nain ples kan na do fɔ pɔnish di pipul we tap na wɔl fɔseka dɛn sin, ɛn di wɔl go pul di sikrit bɔt di blɔd we dɛn dɔn shɛd pan am, ɛn i nɔ go kɔba di wan dɛn we dɛn kil, igen.

Ditarɔnɔmi 32:13

PAPA GƆD mek dɛn rul dɛn kɔntri we gɛt il ɛn mawnten, dɛn it wetin dɛn pul na fam; i mek dɛn pul ɔni insay dɛn big big ston ɛn ɔyl na ayɛn ston.

Abakɔk 3:19

Na PAPA GƆD de gi mi trɛnk. I de mek mi fut dɛn trɔŋ na grɔn lɛk aw dia yon tan we kin mek i rɔn fast dɔn i de put mi ɔp na ay ples fɔ mek natin nɔ du mi. Dis na to di kwayamasta fɔ striŋ yuz instrumɛnt dɛn lɛk ap fɔ ple am.

Di Sam Dɛm 115:3

Wi PAPA GƆD de na ɛvin; i de du wetin i fil fɔ du.

Izikɛl 3:12

Nain di spirit es mi ɔp ɛn as PAPA GƆD in glori grap kɔmɔt nain ples, a yɛri big big sawnd biɛn mi lɛk ebi ebi atkwek.

Ayzaya 25:10

Bikɔs PAPA GƆD in an go rɛst pan dis mawnten ɛn i go mas Moab usay i de, lɛk we dɛn de mas mas dray gras na dɔŋ pit.

Job 40:12

Mek ɔl dɛn prawd pipul kam dɔŋ na layf; ɛn kil ɔl dɛn wikɛd pipul dɛn.

Ditarɔnɔmi 33:29

Di pipul dɛn na Izrɛl na pipul dɛn we gɛt lɔk! Nɔn ɔda neshɔn nɔ tan lɛkɛ dɛn. Na PAPA GƆD insɛf de fɛt fɔ dɛn, I de kɔba dɛn ɛn mek dɛn win dɛn fɛt dɛn! Dɛn ɛnimi dɛn go beg dɛn lɛ dɛn nɔ kil dɛn, bɔt dɛn go kapchɔ dɛn ɛnimi dɛn land ɛn waka fri wande.

Zɛkaraya 14:4

Da de de, i go tinap pantap Mawnt Ɔliv we de bifo Jerusɛlɛm bay di Ist say; dɔn di mawnten go plit tu, frɔm ist to wɛst. Na wan vali go de midul dɛn we go mek wan pat de nɔth ɛn di ɔda pat de sawt.

Emɔs 9:5

PAPA GƆD we na PAPA GƆD Ɔlmayti de tɔch di grɔn nɔmɔ ɛn i go mɛlt; ɔl udat de de, go kray Di wɔl go tan lɛk sisɔ; i go go ɔp ɛn kan dɔŋ lɛk riva nayl wata.