Matyu 9:8 - Krio Fɔs Oli Baybul

⁸ Wɛn di pipul dɛn si wetin bi, dɛn fred ɛn prez Gɔd fɔ we i gi mɔtalman da pawa de.

Matyu 9:8 Referans Kwoze

Lyuk 7:16

Ɔl di pipul dɛn fred ɛn bigin prez Gɔd. Dɛn se, “Wi dɔn si prɔfɛt we gɛt pawa! Gɔd dɔn kam fɔ sev in pipul dɛn!”

Matyu 15:31

Di pipul dɛn wɔnda wɛn dɛn yɛri mumu de tɔk; wɛn dɛn si dɛn wan we nɔ bin ebul waka, de waka; wɛn dɛn si se dɛn wan we dɛn an ɔ fut bin day, dɔn wɛl; ɛn dɛn wan we bin blɛn, de si. Dɛn prez di Gɔd we di pipul dɛn na Izrɛl de pre to.

Apɔsul Dɛn Wok 4:21

Di bigman dɛn na di Ju gran kot wɔn dɛn traŋa wan bak ɛn lɛf dɛn fɔ go. Dɛn nɔ du dɛn natin, bikɔs ɔl di pipul dɛn we bin lib de bin de tɛl Gɔd tɛnki fɔ wetin bin jɛs bi.

Lyuk 23:47

Wɛn di bigman fɔ dɛn soja man si wetin bi, i tɛl Gɔd tɛnki, i se, “Fɔ tru, dis man ya nɔ bin du ɛnitin bad.”

Lyuk 17:15

Wan pan dɛn, wɛn i si se in dɔn wɛl, i tɔn bak go mit Jizɔs. I bin de ala big wande prez Gɔd ɛn tɛl am tɛnki.

Mak 2:12

Aw ɔlman de luk, di man grap wantɛm, tek in mata ɛn waka go. Ɔlman wɔnda ɛn prez Gɔd. Dɛn se, “Wi nɔba si tin lɛkɛ dis wande!”

Lɛta Fɔ Galeshya 1:24

So ɔl dɛn pipul ya prez Gɔd fɔ wetin i mek a du.

Jɔn 15:8

If una du plɛnti gud tin, una go sho pipul aw mi Papa wɔndaful; ɛn una go sho se una na mi lanin bɔy dɛn.

Lyuk 13:13

Jizɔs tɔch di uman ɛn wantɛm wantɛm so di uman in bak tret ɛn i bigin tɛl Gɔd tɛnki ɛn prez am.

Apɔsul Dɛn Wok 11:18

Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.”

Apɔsul Dɛn Wok 21:20

Wɛn dɛn yɛri wetin Pɔl tɔk, dɛn ɔl prez Gɔd. Dɛn se, “Brɔda Pɔl, yu dɔn si ɔmɔs tawzin Ju pipul na Jerusɛlɛm dɔn bi Kristiɛn ɛn dɛn de kip wi Ju Lɔ gud gud wan.

Mak 7:37

Di pipul dɛn we yɛri bɔt wetin Jizɔs du, lɔs wit wɔnda. Dɛn se, “I sabi in wok gud gud! I de mek dɛfyes pipul yɛri, ɛn mumu pipul tɔk.”

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Matyu 12:23

Di mɛn we Jizɔs mɛn di man mek ɔlman wɔnda. Dɛn se, “Fɔ se dis man na Devid in pikin?”

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

Matyu 9:7

Di man grap ɛn go nain os.

Lyuk 2:20

Wɛn di shɛpad dɛn bin de tɔn bak, dɛn bin de tɛl Gɔd tɛnki, dɛn bin de siŋ ɛn prez am fɔ ɔl wetin dɛn bin jɛs yɛri ɛn si. Ɔltin bin bi jɛs lɛkɛ aw di enjɛl bin dɔn tɛl dɛn.

Lyuk 17:18

Nɔbɔdi nɔ kam bak fɔ kam tɛl Gɔd tɛnki pas dis trenja in wangren nɔmɔ?”

Lyuk 18:43

Di man bigin si wantɛm ɛn fala Jizɔs de prez Gɔd. Wɛn ɔl di pipul dɛn si wetin bi, dɛnsɛf prez Gɔd.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.