Matyu 9:6 - Krio Fɔs Oli Baybul

⁶ A go sho una se Mɔtalman Pikin gɛt pawa na dis wɔl fɔ padin pɔsin sin.” So Jizɔs tɛl di man we paralayz se, “Grap, tek yu mata ɛn go na yu os.”

Matyu 9:6 Referans Kwoze

Matyu 9:5

I izi fɔ tɔk se, ‘Gɔd dɔn padin yu sin dɛn’, pas fɔ se, ‘Grap, waka?’

Ayzaya 43:25

“Na Mi, na Mi na Im we de wep una sin dɛn kɔmɔt, fɔ mi yon sek, ɛn a nɔ go mɛmba una sin dɛn igen.

2 Kɔrint 2:10

Wɛn una dɔn padin pɔsin fɔ wetin i du, misɛf go padin di pɔsin. Wɛn a padin am, dat is, if ɛni rizin de fɔ misɛf fɔ padin am, na fɔseka una a de du dat bifo Krays,

Lɛta Fɔ Kɔlɔse 3:13

Una nɔ fɔ vɛks if pɔsin du una bad, ɛn una fɔ padin dɛn if dɛn du una ɛnitin. Una fɔ padin una kɔmpin lɛkɛ aw di Masta dɔn padin una.

Lɛta Fɔ Ɛfisɔs 4:32

Bɔt una fɔ de du gud ɛn gɛt sɔri at fɔ una kɔmpin. Una fɔ de padin una kɔmpin lɛkɛ aw Gɔd dɔn padin una bikɔs una na Krays yon pipul.

2 Kɔrint 5:20

So na di mɛsej dis we Krays gi wi fɔ una, lɛkɛ se Gɔd insɛf de tɔk to una; na fɔseka Krays, wi de beg una: una alaw Gɔd mek i mek una tap fɔ bi pipul we nɔ lɛk am, ɛn bi in padi dɛn.

Apɔsul Dɛn Wok 9:34

Pita go to Inias ɛn tɛl am se, “Inias, Jizɔs Krays dɔn mɛn yu. Grap ɛn mek yu bed.” Inias grap wantɛm.

Apɔsul Dɛn Wok 5:31

Gɔd dɔn mek Jizɔs sidɔm nain raytan fɔ bi wi Masta ɛn wi Seviɔ, so dat i go gi di Izrɛl pipul dɛn chans fɔ chenj ɛn Gɔd go padin dɛn fɔ dɛn sin.

Jɔn 17:2

Yu gi am pawa fɔ rul mɔtalman, so dat i kin gi ɔl dɛn wan we yu gi am, layf we go de sote go.

Jɔn 10:28

A go gi dɛn layf we go de sote go, dɛn nɔ go day igen, ɛn nɔbɔdi nɔ go pul dɛn kɔmɔt na mi an.

Lyuk 5:21

Di Ju Lɔ ticha dɛn ɛn di Faresi dɛn bigin grɔmbul se, “Udat na dis man we de pwɛl Gɔd in nem we i de mek insɛf lɛkɛ Gɔd? Nɔbɔdi nɔ de we ebul padin pɔsin in sin; na Gɔd wangren ebul du dat!”

Mak 2:10

A go sho una se Mɔtalman Pikin gɛt di pawa na dis wɔl fɔ padin pɔsin sin.” So Jizɔs tɛl di man we paralayz se,

Mak 2:7

“Udat na dis man we de pwɛl Gɔd in nem we i de mek insɛf lɛkɛ Gɔd? Nɔbɔdi nɔ de we ebul padin pɔsin sin; na Gɔd wangren ebul du dat!”

Matyu 8:20

Jizɔs ansa am, i se, “Dɛn bush kyat gɛt ples fɔ tap, ɛn dɛn bɔd gɛt say fɔ tap; bɔt Mɔtalman Pikin nɔ gɛt ples fɔ le in ed sɛf.”

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Matyu 4:24

Di nyuz bɔt Jizɔs prɛd ɔlɔbɔt na Siria, dat mek dɛn kɛr ɔl dɛn sik pipul, dɛn wan we dɛn bɔdi de at dɛn ɛn dɛn wan we gɛt dɛbul insay dɛn, dɛn wan we gɛt fiks, ɛn dɛn wan we nɔ ebul waka, kam to am; Jizɔs mɛn dɛn ɔl.

Matyu 9:2

Sɔm pipul kɛr wan man we paralayz go mit am, di man bin ledɔm na mata. Wɛn Jizɔs si se dɛn biliv se in go mɛn di man, i se, “Mi pikin, nɔ mek yu at pwɛl; Gɔd dɔn padin yu sin dɛn.”

Matyu 9:7

Di man grap ɛn go nain os.

Jɔn 5:8

Jizɔs se, “Grap, tek yu mata ɛn waka!”

Jɔn 5:27

Ɛn di Papa dɔn gi in Pikin di pawa fɔ jɔj mɔtalman bikɔs in Pikin na Mɔtalman Pikin.