Matyu 9:1 - Krio Fɔs Oli Baybul

¹ Jizɔs tek bot krɔs Lek Galili go nain tɔŋ, dat na Kepanyɔm.

Matyu 9:1 Referans Kwoze

Matyu 4:13

I nɔ go tap na Nazarɛt, na Kepanyɔm we de klos Lek Galili, midul Zɛbyulɔn ɛn Naftali, i go tap,

Lyuk 8:37

Ɔl di pipul dɛn na Garazinis fred bad, so dɛn tɛl Jizɔs fɔ kɔmɔt na dɛn kɔntri. So Jizɔs go insay di bot ɛn go bak na di ples we i bin kɔmɔt.

Mak 5:21

Wɛn Jizɔs dɔn tek bot krɔs go oba say, bɔku pipul go gɛda rawnd am na di bich.

Matyu 8:18

Wɛn Jizɔs si ɔl di krawd rawnd am, i tɛl in lanin bɔy dɛn se mek dɛn ɔl krɔs Lek Galili, go na di ɔda say.

Matyu 7:6

“Una nɔ fɔ gi dɔg dɛn tin we una dɔn gi Gɔd, if una du dat di dɔg go tɔn pan una ɛn bɛt una. Una nɔ fɔ gi ɔg una fayn fayn bid dɛn, if una du dat, di ɔg go jɛs mas mas dɛn.

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Matyu 8:23

Jizɔs go insay di bot, in lanin bɔy dɛn fala am go insay.

Lyuk 8:40

Wɛn Jizɔs rich na di ɔda say, di pipul dɛn kam mit am wit gladi. Dɛn ɔl bin dɔn de wet fɔ mek i kam.