Matyu 8:9 - Krio Fɔs Oli Baybul

⁹ Misɛf na pɔsin we gɛt bigman dɛn we gɛt pawa oba mi ɛn a gɛt soja man dɛn we dɛn de ɔnda mi. A kin tɛl wan se, ‘Go,’ ɛn i kin go; a kin tɛl ɔda wan se, ‘Kam!’ Ɛn i kin kam; ɛn a kin tɛl mi bɔy se, ‘Du dis wok!’ Ɛn i kin du am.”

Matyu 8:9 Referans Kwoze

Taytɔs 2:9

Slev fɔ de yɛri dɛn masta wɔd ɛn tray fɔ satisfay dɛn pan ɔltin. Dɛn nɔ fɔ de agyu wit dɛn

Lɛta Fɔ Kɔlɔse 3:22

Una we de wok fɔ ɔda pipul, una fɔ de du ɔl wetin di pipul dɛn we una de wok fɔ tɛl una fɔ du, una nɔ fɔ wok nɔmɔ wɛn una masta de, bikɔs una want mek i prez una, bɔt una fɔ wok wit ɔl una at bikɔs una rɛspɛkt Jizɔs Krays we na wi Masta.

Lyuk 7:8

Misɛf na pɔsin we gɛt bigman dɛn we gɛt pawa oba mi ɛn a gɛt soja man dɛn we de ɔnda mi. A kin tɛl wan se, ‘Go!’ Ɛn i kin go; a kin tɛl ɔda wan se, ‘Kam!’ Ɛn i kin kam; ɛn a kin tɛl mi bɔy se, ‘Du dis wok!’ Ɛn i kin du am.”

Lyuk 4:39

Jizɔs go tinap klos di bed ɛn tɛl di fiva mek i kɔmɔt pan di uman. Di fiva kɔmɔt pan am ɛn di uman grap wantɛm ɛn go fɛn sɔntin fɔ dɛn fɔ it.

Di Sam Dɛm 148:8

di laytin ɛn di ren we de fɔdɔm lɛk grabul-grabul, ɛn di klawd, dɛn traŋa briz ɛn ɔl wetin de biev lɛk aw PAPA GƆD want,

Di Sam Dɛm 119:91

Ɔltin de lɛkɛ aw yu bin dɔn tɔk as dɛn ɔl de fɔ obe yu.

Matyu 8:8

Bɔt di Roman ɔfisa se, “Masta, a nɔ fit fɔ mek yu go na mi os, sa. Yu jɛs tɔk wetin yu want tɔk, mi bɔy go wɛl.

Matyu 8:10

Jizɔs wɔnda we i yɛri wetin di Roman ɔfisa se, i tɔk to di pipul dɛn we bin de fala am. I se, “A de tɛl una se, wande a nɔ si pɔsin we biliv Gɔd lɛkɛ dis na Izrɛl.

Mak 1:27

Ɔl di pipul dɛn we bin lib de wɔnda sote dɛn bigin aks dɛn kɔmpin se, “Wetin dis? Na nyu tin i de lan wi! Dis man gɛt pawa fɔ tɛl dɛbul wetin dɛn fɔ du ɛn dɛn de du am!”

Lyuk 9:1

Jizɔs kɔl in twɛlv lanin bɔy dɛn ɛn gi dɛn pawa fɔ drɛb dɛbul ɛn fɔ mɛn ɔl kayn sik.