Matyu 8:6 - Krio Fɔs Oli Baybul

⁶ “Duya, Masta, mi bɔy nɔ wɛl, i ledɔm na os, i paralayz ɛn i de sɔfa pen bad.”

Matyu 8:6 Referans Kwoze

Lɛta Fɔ Kɔlɔse 4:1

Una dɛn masta, una fɔ de du wetin rayt ɛn gud to di pipul dɛn we de wok fɔ una. Una fɔ mɛmba se unasɛf gɛt Masta we de na ɛvin.

Matyu 4:24

Di nyuz bɔt Jizɔs prɛd ɔlɔbɔt na Siria, dat mek dɛn kɛr ɔl dɛn sik pipul, dɛn wan we dɛn bɔdi de at dɛn ɛn dɛn wan we gɛt dɛbul insay dɛn, dɛn wan we gɛt fiks, ɛn dɛn wan we nɔ ebul waka, kam to am; Jizɔs mɛn dɛn ɔl.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Apɔsul Dɛn Wok 9:33

Wɛn Pita bin de na Lida, i mit wan man we nem Inias we nɔ bin ebul waka, i bin dɔn ledɔm na bed et ia.

Faylimɔn 1:16

I nɔ de kam bak to yu lɛkɛ slev nɔmɔ, i dɔn pas dat naw. I de kam naw lɛkɛ yu Kristiɛn brɔda fɔseka wi Masta. A lɛk am bad, bɔt yu go lɛk am pas mi naw we i de wok fɔ yu ɛn pantap dat, na yu Kristiɛn brɔda.

Fɔs Lɛta To Timoti 6:2

Dɛn slev we dɛn masta na Kristiɛn nɔ fɔ se bikɔs dɛn ɔl na brɔda, dɛn nɔ go gi dɛn rɛspɛkt. Dɛn fɔ du dɛn wok bɛtɛ sɛf, bikɔs di wok we dɛn de du go bɛnifit dɛn masta we na Kristiɛn ɛn we lɛk Gɔd, lɛkɛ dɛnsɛf. Yu fɔ de lan pipul dɛn tin ya ɛn yu fɔ de tɛl pipul bɔt dɛn.

Apɔsul Dɛn Wok 10:7

Wɛn Gɔd in enjɛl we bin de tɔk to Kɔnilyɔs dɔn go, Kɔnilyɔs kɔl tu pan in bɔy dɛn, wan soja man, ɛn in raytan man we kin pre to Gɔd.

Apɔsul Dɛn Wok 8:7

Dɛn dɛbul kin ala lawd wan we dɛn de kɔmɔt insay pipul. Plɛnti pipul we nɔ bin ebul waka, bigin waka.

Matyu 9:2

Sɔm pipul kɛr wan man we paralayz go mit am, di man bin ledɔm na mata. Wɛn Jizɔs si se dɛn biliv se in go mɛn di man, i se, “Mi pikin, nɔ mek yu at pwɛl; Gɔd dɔn padin yu sin dɛn.”

Matyu 8:7

Jizɔs ansa di ɔfisa. I se, “A go go mɛn am na yu os.”