Matyu 8:4 - Krio Fɔs Oli Baybul

⁴ Jizɔs se, “Lisin, nɔ tɛl ɛnibɔdi wetin bi so, go mek di man we de mek sakrifays fɔ pipul sin luk yu; dɛn, mek di sakrifays we Mozis bin tɛl pipul fɔ mek. Dat go mek ɔlman no se yu dɔn wɛl.”

Matyu 8:4 Referans Kwoze

Lyuk 17:14

Wɛn Jizɔs si dɛn, i se, “Una go to dɛn man we de mek sakrifays fɔ pipul sin mek dɛn luk una.” Aw dɛn de na rod de go, nain dɛn ɔl wɛl.

Lyuk 5:14

Jizɔs se, “Nɔ tɛl ɛnibɔdi se a dɔn mɛn yu! Go wantɛm to di man we de mek sakrifays fɔ pipul sin mek i luk yu ɛn mek di sakrifays we Mozis bin tɛl pipul fɔ mek. Dat go mek ɔlman no se yu dɔn wɛl.”

Mak 7:36

Jizɔs tɛl di pipul dɛn nɔ fɔ tɛl ɛnibɔdi wetin bi to di man. Di mɔ we Jizɔs de wɔn dɛn nɔ fɔ tɛl ɛnibɔdi, na di mɔ dɛn bin de tɛl pipul wetin Jizɔs du.

Matyu 9:30

So dɛn yay opin ɛn dɛn bigin si. Jizɔs wɔn dɛn traŋa wan. I se, “Una nɔ tɛl ɛnibɔdi wetin jɛs bi so.”

Mak 6:11

If una go na ɛni tɔŋ we di pipul dɛn nɔ rɛspɛkt una ɛn dɛn nɔ gri yɛri wetin una de tɛl dɛn; bifo una kɔmɔt de, una fɔ shek di dɔti we de ɔnda una fut, fɔ sho se di pipul dɛn dɔn du bad.”

Mak 5:43

Jizɔs wɔn dɛn nɔ fɔ tɛl ɛnibɔdi wetin bi so. I tɛl dɛn fɔ gi di pikin sɔntin fɔ it.

Matyu 17:9

Wɛn dɛn de kam dɔŋ di il, Jizɔs se, “Una nɔ tɛl ɛnibɔdi bɔt wetin una si jisnɔ, una wet sote di tɛm we Mɔtalman Pikin go rayz frɔm di grev.”

Matyu 10:18

Dɛn pipul we nɔto Ju go kɛr una go bifo di bigman dɛn we de rul na di kɔntri, bikɔs una de du wetin a tɛl una fɔ du, ɛn una go tɛl dɛn ɛn dɛn yon pipul di Gud Nyuz.

Matyu 6:1

“Wɛn una de du dɛn tin we una rilijɔn tɛl una fɔ du, una nɔ fɔ du am, so dat ɔlman go si wetin una de du. If una du am fɔ mek pipul si una, una nɔ go gɛt wetin una Papa we de na ɛvin gɛt fɔ gi una.

Matyu 5:17

“Una nɔ fɔ fil se a kam fɔ pwɛl di Lɔ we Gɔd gi Mozis ɛn wetin dɛn prɔfɛt dɛn bin lan pipul. A nɔ kam fɔ pwɛl dɛn, a kam fɔ mek wetin dɛn bin tɔk, bi.

Ayzaya 42:21

PAPA GƆD bin gladi fɔ di waka we i de waka tret wit am, fɔ mek in lɔ big na pipul yay ɛn mek dɛn rɛspɛkt am.

Jɔn 8:50

A nɔ de tray fɔ mek pipul rɛspɛkt mi. Bɔt wan pɔsin de we want mek pipul rɛspɛkt mi ɛn i de jɔj tret.

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Jɔn 5:41

“A nɔ de wok fɔ mek mɔtalman prez mi.

Lyuk 21:13

Da tɛm de una go gɛt gud chans fɔ tɛl di pipul dɛn di tru tin we una no bɔt mi.

Mak 8:30

I wɔn dɛn mek dɛn nɔ tɛl ɛnibɔdi se in na di wan we Gɔd dɔn pik.

Matyu 16:20

Jizɔs tɛl di lanin bɔy dɛn se dɛn nɔ fɔ tɛl ɛnibɔdi se in na di Mɛsaya.

Matyu 3:15

Jizɔs se, “Du wetin a tɛl yu fɔ du dis tɛm ya. If yu du dat, wi go dɔn du ɔl wetin Gɔd want wi fɔ du fɔ mek pipul sev.” So Jɔn du wetin Jizɔs se.

Mak 13:9

“Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.

Lɛvitikɔs 13:49

if di tin we de nain bɔdi sho grin ɔ rɛd nain klos, wɛda na di wul ɔ di linin ɔ na lɛda, na bad sik nain bɔdi ɛn i go sho di man we de mek sakrifays fɔ pipul sin.

Mak 3:12

Jizɔs kin wɔn dɛn mek dɛn nɔ tɛl pipul se in na Gɔd in Pikin.

Mak 9:9

We dɛn kɔmɔt na di ay il go na di tɔŋ, Jizɔs wɔn dɛn nɔ fɔ tɛl ɛnibɔdi wetin dɛn si, bɔt dɛn fɔ wet sote Mɔtalman Pikin dɔn rayz frɔm di grev.

Lyuk 4:41

Dɛbul dɛn bin kɔmɔt pan plɛnti pipul ɛn ala se, “Fɔ tru, yu na Gɔd in Pikin.” Jizɔs tɔk pan di dɛbul dɛn fɔ mek dɛn sɛt mɔt ɛn i nɔ gri mek dɛn tɔk natin, bikɔs dɛn bin no se in na di Mɛsaya.

Lyuk 8:56

Di pikin in mama ɛn in papa wɔnda! Jizɔs tɛl dɛn mek dɛn nɔ tɛl ɛnibɔdi wetin bi.

Lyuk 9:21

Jizɔs wɔn dɛn traŋa wan mek dɛn nɔ tɛl ɛnibɔdi udat i bi.