Matyu 8:10 - Krio Fɔs Oli Baybul

¹⁰ Jizɔs wɔnda we i yɛri wetin di Roman ɔfisa se, i tɔk to di pipul dɛn we bin de fala am. I se, “A de tɛl una se, wande a nɔ si pɔsin we biliv Gɔd lɛkɛ dis na Izrɛl.

Matyu 8:10 Referans Kwoze

Lyuk 7:9

Wɛn Jizɔs yɛri ɔl wetin di ɔfisa tɔk, i wɔnda. Nain i tɔn to di pipul dɛn we bin de fala am ɛn se, “A de tɛl una, a nɔ si pɔsin na Izrɛl wande we biliv Gɔd traŋa wan so lɛkɛ dis man.”

Matyu 15:28

Jizɔs se, “Yu na uman we biliv gud gud! Mek wetin yu want bi.” Di pikin wɛl da sem tɛm de.

Mak 6:6

Jizɔs wɔnda we di pipul dɛn nɔ biliv pan am. Jizɔs go na dɛn vilej we de klos Nazarɛt ɛn lan di pipul dɛn bɔt Gɔd.

Lyuk 7:50

Jizɔs se, “Uman, bikɔs yu biliv pan mi, Gɔd dɔn sev yu. Saful ya, go wit kol at!”

Lyuk 5:20

Wɛn Jizɔs si se di pipul dɛn we briŋ di sik man biliv se in go mɛn di man, Jizɔs tɛl di sik man se, “Padi, Gɔd dɔn padin yu sin dɛn.”

Jɛnɛsis 43:33

Josɛf tɛl in brɔda dɛn usay fɔ sidɔm na di tebul. I mek dɛn sidɔm lɛkɛ aw dɛn ol frɔm di big wan to di smɔl wan. We dɛn si aw dɛn sidɔm, dɛn luk dɛnsɛf ɛn wɔnda.

Matyu 8:9

Misɛf na pɔsin we gɛt bigman dɛn we gɛt pawa oba mi ɛn a gɛt soja man dɛn we dɛn de ɔnda mi. A kin tɛl wan se, ‘Go,’ ɛn i kin go; a kin tɛl ɔda wan se, ‘Kam!’ Ɛn i kin kam; ɛn a kin tɛl mi bɔy se, ‘Du dis wok!’ Ɛn i kin du am.”

Matyu 8:11

A de tɛl una se, plɛnti pipul go kɔmɔt ɔlɔbɔt na wɔl ɛn sidɔm wit Ebraam, Ayzak ɛn Jekɔb na di ples we Gɔd de rul na ɛvin.

Apɔsul Dɛn Wok 2:7

Di pipul dɛn ɔl wɔnda, dɛn mɔt ful; dɛn se, “Dɛn man ya we wi de yɛri so, nɔto Galili dɛn kɔmɔt?