Matyu 7:7 - Krio Fɔs Oli Baybul

⁷ “Una aks Gɔd fɔ ɛnitin, i go gi una; una luk gud, una go fɛn wetin una de luk fɔ; una kɔnk, Gɔd go opin di do fɔ una.

Matyu 7:7 Referans Kwoze

Matyu 21:22

Wɛn una de pre to Gɔd fɔ du sɔntin, i go du am if una biliv se i go du am.”

Jɔn In Fɔs Lɛta 3:22

Gɔd de gi wi ɛnitin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i satisfay.

Jɔn 15:7

If una de wit mi ɔltɛm ɛn mi wɔd dɛn de na una at ɔltɛm, una kin aks mi Papa fɔ ɛnitin we una want, ɛn i go gi una.

Mak 11:24

Na dat mek a de tɛl una se, ɛnitin we una aks Gɔd fɔ, una fɔ biliv se una go gɛt am ɛn una go gɛt am.

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Matyu 7:8

Ɛnibɔdi we aks, go gɛt wetin i want; ɛnibɔdi we luk gud, go gɛt wetin i de luk fɔ; ɛn ɛnibɔdi we kɔnk, Gɔd go opin di do fɔ am.

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Di Ibru Pipul Dɛn 11:6

If pɔsin nɔ biliv Gɔd, i nɔ go ebul pliz am. Pɔsin lɛkɛ dat nɔ go kam klos Gɔd pas i biliv se Gɔd de ɛn i de du gud to dɛn pipul we de pre to am ɔltɛm.

Prɔvabs 8:17

A lɛk dɛn wan we lɛk mi, udat de luk fɔ mi go si mi.

Di Sam Dɛm 10:17

Yu de lisin to pipul we ɔda pipul nɔ tek mek natin; ɛn yu de ɛp dɛn, yu de gi dɛn op ɛn yu de ansa dɛn prea.

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Matyu 18:19

“A de tɛl una igen se, if tu pan una gri fɔ aks Gɔd fɔ du sɔntin na dis wɔl, mi Papa we de na ɛvin go du di tin fɔ una.

Emɔs 5:4

PAPA GƆD tɔk to Izrɛl se: “Una kam bak to mi fɔ lɛ una go gɛt layf;

Jems 5:15

If dɛn biliv se Gɔd go du wetin dɛn de pre fɔ, di sik pɔsin go wɛl. Gɔd go mek i wɛl gud gud, ɛn pantap dat, if di pɔsin bin dɔn du bad, Gɔd go padin am.

Di Sam Dɛm 27:8

Yu dɔn tɛl mi se, na yu a fɔ put mi at pan; PAPA GƆD misɛf no se a fɔ put mi at pan yu.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Matyu 7:11

If una we bad no aw fɔ gi una pikin dɛn gud tin dɛn, Gɔd we na una Papa we de na ɛvin, mɔs gi dɛn wan we aks am gud, gud tin dɛn pas dat.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

Sɔlɔmɔn In Siŋ Dɛm 3:2

“A go grap naw ɛn go na di siti, insay di trit dɛn ɛn dɛn opin ples; A go luk fɔ di wan we mi sol lɛk.” A luk fɔ am, bɔt a nɔ fɛn am.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Di Sam Dɛm 119:12

A de prez yu, PAPA GƆD; tich mi yu lɔ dɛn.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Di Sam Dɛm 70:4

Mek ɔl udat de tray fɔ pliz yu gladi bikɔs ɔf wetin yu dɔn du; mek ɔl udat gladi fɔ we yu sev dɛn prez yu nem ɔltɛm.

Di Sam Dɛm 69:32

Lɛ di poman sɛf si wetin yu de du fɔ mi ɛn gladi; Yu we de fala PAPA GƆD, nɔ giv ɔp o!

1 Kiŋ 3:5

Na Gibiɔn i bin de wan nɛt we PAPA GƆD tɔk to am na drim se lɛ i aks am fɔ ɛnitin we i want, in go gi am.

Di Sam Dɛm 10:4

I fil se i gɛt ɔltin, i nɔ nid PAPA GƆD; i de biev lɛkɛ se PAPA GƆD nɔ de, as i nɔ gɛt natin fɔ du wit PAPA GƆD.

Lɛta Fɔ Rom 3:11

nɔbɔdi nɔ de we ɔndastand wetin Gɔd want am fɔ du, ɛn nɔbɔdi nɔ de we want tray fɔ kam klos Gɔd fɔ no wetin i want.

Lyuk 13:25

Wɛn di pɔsin we gɛt di ples dɔn grap ɛn lɔk di do, una go tinap na do de nak ɛn se, ‘Masta, opin fɔ wi, sa!’ Di masta go ansa una se, ‘A nɔ no usay una kɔmɔt.’

Di Sam Dɛm 34:4

A pre to PAPA GƆD ɛn i yɛri mi; i pul de fred kɔmɔt pan mi.

Di Sam Dɛm 37:4

Ɛnjɔy fɔ sav PAPA GƆD ɛn i go gi yu wetin yu want bad bad.

Ayzaya 30:19

Yɛs, pipul dɛn na Zayɔn we tap na Jerusɛlɛm; una nɔ go kray igen: I go mɔs sho una gres we i yɛri una vɔys we una de kray; wɛn i yɛri am, i go ansa una.

Jɛnɛsis 26:32

Da sem de de, Ayzak in wokman dɛn kam tɛl am bɔt di wɛl we dɛn dɔn dig. Dɛn se dɛn dɔn fɛn wata.