Matyu 7:6 - Krio Fɔs Oli Baybul

⁶ “Una nɔ fɔ gi dɔg dɛn tin we una dɔn gi Gɔd, if una du dat di dɔg go tɔn pan una ɛn bɛt una. Una nɔ fɔ gi ɔg una fayn fayn bid dɛn, if una du dat, di ɔg go jɛs mas mas dɛn.

Matyu 7:6 Referans Kwoze

Prɔvabs 23:9

Nɔ wes yu tɛm de kɔrɛkt fulman, i go kɔs yu ɛn laf yu.

Prɔvabs 26:11

Lɛkɛ aw dɔg kin de lik in vɔmit, na so fulman kin de mek ful ɔltɛm.

Lɛta Fɔ Filipay 3:2

Una fɔ waydawek, sɔm pipul de we de du bad, ɛn dɛn de pin se ɔl dɛn man fɔ sakɔmsayz; dɛn tan lɛkɛ dɔg.

Matyu 15:26

Jizɔs ansa se, “I nɔ rayt fɔ tek di pikin dɛn it ib am gi dɔg.”

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Pita In Sɛkɛn Lɛta 2:22

Dɛn du lɛkɛ wɛn pipul kin pul parebul se, “Dɔg de tɔn bak go lik in vɔmit, ɔg we dɛn dɔn was dɔn go rol na pɔtɔpɔtɔ bak.”

Matyu 24:10

Ɛn da sem tɛm de plɛnti pipul go tap fɔ biliv pan mi. Dɛn go sɛl dɛn kɔmpin, dɛn go et dɛn kɔmpin.

Prɔvabs 11:22

Ɛni fayn uman we nɔ gɛt sɛns tan lɛkɛ ɔg we dɛn put gold riŋ nain nos.

Di Ibru Pipul Dɛn 6:6

If pipul dɔn no ɔl dat, dɔn dɛn stil tɔn dɛn bak pan Gɔd, natin nɔ go briŋ dɛn kam bak to Gɔd ɛn mek dɛn lɛf dɛn bad tin we dɛn de du, igen, bikɔs dɛn de nel Gɔd in Pikin na di krɔs wan tɛm mɔ ɛn laf am bifo ɔlman.

2 Kɔrint 11:26

Wɛn wi de go ɔlɔbɔt, denja kin plɛnti na rod: dɛn big agbara we de kɛr pɔsin go, tifman, mi yon kɔmpin Ju dɛn ɛn dɛn wan we nɔto Ju we mekɔp bad fɔ mi; denja bin de na dɛn tɔŋ; denja bin de na dɛn bush; denja bin de wɛn a lɛf di sho go fawe na si; denja bin de kɔmɔt to dɛn padi we bin se dɛn na mi padi bɔt dɛn na bin mi ɛnimi.

Prɔvabs 26:4

Nɔ fala fulman agyu, ɔ nɔ so yu go tan lɛk insɛf.

Matyu 7:5

Yu ipokrit! Yu pul da big tik we de insay yu yon yay fɔs, da tɛm de yu go si klia wan fɔ pul di smɔl tik we de insay yu brɔda in yay.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.