Matyu 7:3 - Krio Fɔs Oli Baybul

³ Wetin du yu de luk di smɔl tik we de insay yu brɔda in yay, wɛn yu gɛt big bod insay yu yon yay?

Matyu 7:3 Referans Kwoze

Lɛta Fɔ Galeshya 6:1

Mi Kristiɛn pipul dɛn, if una no se sɔmbɔdi de du ɛni bad tin, una we de du wetin Gɔd in Spirit tɛl una, fɔ go ɛp di pɔsin mek i go du di rayt tin. Bɔt una nɔ fɔ tɔk traŋa wan pan am, ɛn una fɔ tek tɛm mek unasɛf nɔ go want fɔ du tin we nɔ rayt.

Lyuk 18:11

“Di Faresi tinap ɛn pre kwayɛt wan se, ‘Gɔd, a tɛl yu tɛnki bikɔs a nɔ tan lɛkɛ dɛn ɔda pipul; dɛn de rog, dɛn nɔ de du rayt, ɛn dɛn de lɛf dɛn mared wɛf ɔ man go fɛn ɔda pɔsin na trit. A tɛl yu tɛnki we a nɔ tan lɛkɛ dis man ya sɛf we de gɛda taks.

Matyu 7:4

Aw yu go tɛl yu brɔda se, ‘Bo, mek a pul da smɔl tik de na yu yay,’ wɛn yu gɛt big wan na yu yon yay?

Matyu 7:5

Yu ipokrit! Yu pul da big tik we de insay yu yon yay fɔs, da tɛm de yu go si klia wan fɔ pul di smɔl tik we de insay yu brɔda in yay.

Lɛta Fɔ Rom 2:1

Mi kɔmpin Kristiɛn dɛn, una we de jɔj ɔda pipul, una nɔ go se una nɔ du bad wande, ilɛk udat una bi. Wɛn una de jɔj ɔda pipul, una de kɔndɛm unasɛf, bikɔs una de du di sem tin we dɛn de du.