Matyu 7:2 - Krio Fɔs Oli Baybul

² Aw una jɔj ɔda pipul, na di sem we Gɔd go jɔj unasɛf.

Matyu 7:2 Referans Kwoze

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Mak 4:24

Jizɔs se, “Una lisin mi gud; di lɔ we una de tek jɔj una kɔmpin mɔtalman, na di sem lɔ Gɔd go tek jɔj una. Gɔd go jɔj una traŋa pas aw una de jɔj una kɔmpin mɔtalman.

Lyuk 6:38

Una gi ɛn Gɔd insɛf go gi una, ɛn dɛn tin we i gi una, go so plɛnti, i go jɛs tan lɛkɛ wɛn dɛn ful kitul wit sɔntin, dɛn prɛs am, dɛn shek am ɛn i rɔnoba. If una gi plɛnti, Gɔd go gi una plɛnti; if una nɔ gi plɛnti, Gɔd nɔ go gi una plɛnti.”

Obadaya 1:15

Di de de kam we PAPA GƆD go kam jɔj ɔl di neshɔn dɛn. Lɛk aw dɛn pas am pan dɛn kɔmpin, na so dɛn go pas am pan dɛn.

Rɛvɛleshɔn 18:6

Lɛ di bad we i dɔn du tɔn pan am. Mek i sɔfa tu tɛm pas di sɔfa we i mek ɔda pipul sɔfa; da kɔp we i kin tek gi pipul in wayn fɔ drink, ful am wit wayn we trɔŋ pas in yon wayn, ɛn gi am mek i drink.

2 Kɔrint 9:6

Una fɔ mɛmba se pɔsin we nɔ plant plɛnti sid nɔ go gɛt plɛnti tin fɔ pik, bɔt pɔsin we plant plɛnti sid go gɛt plɛnti plɛnti tin fɔ pik.

Di Jɔj Dɛm 1:7

Nain Adɔnaybɛzɛk tɔk se na sɛvinti kiŋ we dɛn big fiŋa ɛn big to dɛn kɔt kɔmɔt, de pik pik di tin dɛn we de fɔdɔm ɔnda di tebul we i bin de it; wetin i bin du dɛn, nain PAPA GƆD dɔn tɔn gi an bak so. Dɛn kɛr an go Jerusɛlɛm usay i go day.

Jɛrimaya 51:24

PAPA GƆD se, “A go pe Babilɔn ɛn ɔl udat tap na Babilɔn bifo una yay, fɔ ɔl di bad bad tin dɛm we dɛn dɔn du Jerusɛlɛm.

1 Samiɛl 15:33

Bɔt Samiɛl tɛl am se lɛk aw i dɔn kil bɔku pipul dɛn we mek dɛn mami nɔ gɛt pikin igen, na so insɛf yon mama nɔ go gɛt pikin igen ɛn Samiɛl kil Egag frɔnt PAPA GƆD na Gilgal.

Di Sam Dɛm 109:17

I lɛk fɔ swɛ pɔsin, lɛ i tɔn bak pan am; i nɔ tink se in fɔ blɛs pipul, so mek PAPA GƆD push blɛsin kɔmɔt nia am.

Ayzaya 33:1

Swɛ go fɔdɔm pan yu, yu we de pwɛl, yu we dɛn nɔ pwɛl yet; yu rikishi pɔsin, we nɔbɔdi nɔ ple dakadeke yet! We yu dɔn tap fɔ pwɛl pipul, na datɛnde dɛn go pwɛl yu; ɛn na we yu dɔn blo fɔ dakadeke pipul, dɛn go ple yu dakadeke.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Matyu 6:14

“If una padin ɔda pipul fɔ di bad we dɛn du una, una Papa we de na ɛvin insɛf go padin una.

Ɛksodɔs 21:24

yay fɔ yay, tit fɔ tat, an fɔ an, fut fɔ fut,

Di Jɔj Dɛm 5:27

I wik ɛn fɔdɔm ɛn lidɔm day wan na grɔn. Na bifo am so i wik ɛn fɔdɔm; usay i lidɔm, na de i day.

2 Samiɛl 21:5

Dɛn ansa di kiŋ se Sɔl pwɛl dɛn kpatakpata. Dɛn se i bin want fɔ mek dɛn ɔl day ɛn nɔ gɛt pan di prɔpati lɛkɛ di ɔda Izrɛlayt dɛn,