Matyu 6:9 - Krio Fɔs Oli Baybul

⁹ Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

Matyu 6:9 Referans Kwoze

Rɛvɛleshɔn 4:11

“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

Lɛta Fɔ Rom 8:15

Di Spirit we Gɔd gi una nɔ mek una bi slev ɛn i nɔ de mek una fred, bɔt i mek una bi Gɔd in pikin dɛn ɛn nain de mek wi se, “Papa, mi Papa,” we wi de kɔl Gɔd.

Izikɛl 36:23

Ɛn a go pruv di oli, we, mi pawaful nem oli, we dɛn nɔ rɛspɛkt na di neshɔn dɛm, ɛn we una nɔ rɛspɛkt dɛm; ɛn di neshɔn dɛn go no se na mi na di PAPA GƆD, wɛn a pruv, bifo dɛn yay, pan una, mi oli we a oli.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Di Sam Dɛm 111:9

I mek we fɔ dɛn fɔ kɔmɔt pan waala; i bin dɔn se in Kɔvinant fɔ de sote go. In na PAPA GƆD we oli ɛn fɔ fred am.

Ayzaya 64:8

Pan ɔl dat, PAPA GƆD, na yu na wi Papa; wi na di kle, ɛn na yu na di man we de wok wit kle; wi ɔl na yu wok we yu du wit yu an.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Ayzaya 6:3

Wande tɔk to di ɔda wan se: “PAPA GƆD Ɔlmayti oli, I oli, I oli; di wanol wɔl ful wit in glori.”

Rɛvɛleshɔn 5:12

Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”

Di Sam Dɛm 115:3

Wi PAPA GƆD de na ɛvin; i de du wetin i fil fɔ du.

Nɛimaya 9:5

Di Livayt dɛn we na Jɛshwa, Kadmiɛl, Bani, Ashabnia, Sherɛbaya, Odaya, Shibanaya ɛn Pɛtaya se mek ɔlman tinap ɛn prez PAPA GƆD, di GƆD we go de sote go. Dɛn se, “Mek wi blɛs PAPA GƆD in nem. Di nem we pas ɔl ɔda nem we wi kin prez.

Matyu 7:11

If una we bad no aw fɔ gi una pikin dɛn gud tin dɛn, Gɔd we na una Papa we de na ɛvin, mɔs gi dɛn wan we aks am gud, gud tin dɛn pas dat.

Ayzaya 63:16

Na yu na wi Papa ɔlwe Ebram nɔ no wi ɛn Izrɛl nɔ gri se wi ɔl na wan; PAPA GƆD, na yu na wi Papa, Na Wi Lɔntɛm Ridima na yu nem

Di Sam Dɛm 72:18

Una lɛ wi prez PAPA GƆD, Izrɛl dɛn PAPA GƆD! Nain nɔmɔ de du wɔndaful tin dɛn.

Matyu 26:29

A de tɛl una se, a nɔ go drink wayn igen sote di tɛm we a go drink di nyu wayn wit una na di ples we mi Papa de rul.”

Matyu 23:9

Ɛn una nɔ fɔ kɔl una kɔmpin Kristiɛn ‘Papa’ na dis wɔl, bikɔs na wangren Papa una gɛt we de na ɛvin.

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

2 Kronikuls 20:6

ɛn i tɔk se, “Duya PAPA GƆD we na wi papa dɛn Gɔd, nɔto yu na di Gɔd na ɛvin? Nɔt to yu de rul ɔl di kindɔm dɛn na di wɔl? Na yu gɛt ɔl di pawa ɛn trɛnk na wɔl, we mek nɔbɔdi nɔ go ebul tinap bifo yu.

Lyuk 15:18

A nɔ go sidɔm igen, a go go to mi papa ɛn tɛl am se, Papa, a dɔn sin to Gɔd ɛn a dɔn sin to yu.

Zɛkaraya 14:9

Na PAPA GƆD go de rul di wanol wɔl; ɔlman go de wɔship am ɛn kɔl am di sem nem.

1 Kiŋ 8:43

duya ansa dɛn prea. Ansa dɛn prea na ɛvin ɛn gi dɛn wetin dɛn aks fɔ, so dat ɔlman na wɔl go no bɔt yu ɛn ɔna yu lɛkɛ aw wi di Izrɛlayt dɛn de du; lɛ dɛn go no se yu de na dis os we a dɔn bil fɔ dɛn rɛspɛkt.

Abakɔk 2:14

Bɔt lɛk aw wata de ful na si, na so ɔlman go no bɔt PAPA GƆD in pawa ɛn di wɔndaful tin we i de du.

Izikɛl 38:23

So a go sho mi pawa ɛn mi olinɛs na dɛn yay, ɛn mek di neshɔn dɛn no mi. Na datɛnde dɛn go no se na mi na di PAPA GƆD

1 Kronikuls 17:24

ɛn yu nem go prɛd ɔlɔbɔt ɛn go gɛt ay rɛspɛkt, sote go, we dɛn go de tɔk se, “PAPA GƆD Ɔlmayti, we na Izrɛl dɛn Gɔd, na Gɔd na Izrɛl, ɛn yu go de pan yu wokman Devid in os traŋa wan.

2 Samiɛl 7:26

Dat go mek dɛn se PAPA GƆD we na GƆD Ɔlmayti na GƆD fɔ Izrɛl ɛn yu pikin Devid ɛn ɔl udat de fala am nɔ gɛt natin fɔ wɔri bɔt.

Pita In Fɔs Lɛta 1:17

Wɛn una de pre ɛn una se, “Papa,” una de kɔl Gɔd, we de jɔj ɔlman di sem we, bay di wok we ɔlman de du, so ɔl di tɛm we lɛf fɔ una na dis wɔl, una fɔ ɔna am, pan ɔl wetin una de du.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Lyuk 15:21

Di pikin tɛl in papa se, ‘Papa, a dɔn sin to Gɔd ɛn a dɔn sin to yu. A nɔ fit fɔ mek yu kɔl mi yu pikin igen.’

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Matyu 6:14

“If una padin ɔda pipul fɔ di bad we dɛn du una, una Papa we de na ɛvin insɛf go padin una.

Matyu 6:6

Bɔt wɛn una de pre, una fɔ go insay una rum, una lɔk una do, ɛn pre to una Papa we de na ɛvin we una nɔ de si. In de si wetin una de du, ɛn i go gi una ɔl wetin i fɔ gi una.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Lɛta Fɔ Galeshya 1:1

Mi, Pɔl, we na apɔsul wit mi kɔmpin Kristiɛn dɛn, de tɛl di chɔch mɛmba dɛn na Galeshya adu. Nɔto mɔtalman pik mi ɔ gi mi di pawa fɔ bi apɔsul; na Jizɔs Krays ɛn Gɔd we na wi Papa we mek Jizɔs Krays rayz frɔm di grev, pik mi fɔ bi apɔsul.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Matyu 26:42

Jizɔs go pre bak, i se, “Mi Papa, if we nɔ de fɔ pul dis sɔfa we a gɛt fɔ sɔfa kɔmɔt, mek wetin yu want bi.”

Ayzaya 37:20

Duya PAPA GƆD, yu na wi GƆD, pul wi nain an fɔ lɛ ɔl dɛn kindɔm na wɔl go no se na yu wangren nɔmɔ PAPA GƆD na GƆD.”

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Matyu 10:29

Dɛn nɔ de sɛl tu smɔl bɔd fɔ wan sɛnt? Bɔt dɛn nɔn nɔ de fɔdɔm na grɔn if Gɔd we na una Papa nɔ gri fɔ mek dɛn fɔdɔm na grɔn.