Matyu 6:5 - Krio Fɔs Oli Baybul

⁵ “Wɛn una de pre, una nɔ fɔ du lɛkɛ aw dɛn ipokrit pipul de du. Dɛn lɛk fɔ tinap na dɛn Ju mitin os, ɛn na dɛn kɔna dɛn na trit fɔ pre, so dat ɔlman go si dɛn we dɛn de pre. A want mek una no se, dɛn dɔn gɛt ɔl di pe we dɛn fɔ gɛt.

Matyu 6:5 Referans Kwoze

Matyu 6:2

“So wɛn una de du gud to dɛn pipul we nɔ gɛt natin, una nɔ mek pipul no bɔt dat lɛkɛ aw dɛn ipokrit pipul de du na dɛn Ju mitin os ɛn na trit. Dɛn de du am fɔ mek pipul prez dɛn, bɔt a want mek una no se di prez we pipul dɔn prez dɛn na di pe dat nɔmɔ we dɛn go gɛt.

Lyuk 18:13

“Bɔt di man we de gɛda taks tinap fawe, i nɔ es in yay ɔp sɛf. I jɛs de nak in chɛst fɔ sho se in at ebi ɛn se, ‘Gɔd, sɔri fɔ mi, mi na pɔsin we de pan sin!’

Mak 11:25

Ɛnitɛm we una de pre to Gɔd, una fɔ padin ɛnibɔdi we du una bad, so dat una Papa Gɔd we de na ɛvin go padin una fɔ di bad tin dɛn we una du. [

Jɛrimaya 29:12

Datɛnde, una go kɔl mi ɛn pre to mi, ɛn a go yɛri una.

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

Lyuk 20:47

Na dɛn pipul ya kin tek dɛn uman, we dɛn man dɔn day, dɛn prɔpati, ɛn dɛn kin tinap de pre lɔŋ lɔŋ lɛkɛ se dɛn na gud pipul. Gɔd go pɔnish dɛn pas aw i go pɔnish ɔda pipul.”

Jems 4:6

Bɔt di blɛsin we Gɔd gi wi pas di bad we de na wi at. Dɛn rayt na Gɔd in Buk se, “Gɔd nɔ de gri mek dɛn prawd pipul gɛt dɛn yon we, bɔt i de blɛs dɛn wan we nɔ prawd.”

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Lyuk 11:43

“Una dɛn Faresi, i go bad fɔ una! Wɛn una de na di Ju mitin os, una kin lɛk fɔ sidɔm na dɛn bɛnch we de bifo, ɛn una lɛk fɔ mek dɛn tɛl una adu na dɛn ples we pipul de plɛnti.

Matyu 21:22

Wɛn una de pre to Gɔd fɔ du sɔntin, i go du am if una biliv se i go du am.”

Di Sam Dɛm 55:17

Frɔm mɔnin to nɛt, a de kray mek i ɛp mi, ɛn i de yɛri mi.

Di Sam Dɛm 5:2

Yɛri we a de kray fɔ mek yu ɛp mi. Mi PAPA GƆD ɛn mi kiŋ, na yu a de pre to.

Fɔs Lɛta Fɔ Tɛsalonayka 5:17

una fɔ de pre ɔltɛm,

Jɔn 16:24

Te naw una nɔ tek mi nem aks Gɔd fɔ ɛnitin yet; una aks Gɔd fɔ ɛnitin i go gi una wetin una aks fɔ, ɛn ɔl di gladi we fɔ de na una at go lib de.

Mak 12:38

Wɛn Jizɔs bin de lan di pipul dɛn mɔ, i se, “Una tek tɛm wit dɛn Ju Lɔ ticha, dɛn lɛk fɔ wɛr lɔŋ gawn ɛn waka ɔlɔbɔt ɛn dɛn lɛk fɔ mek pipul tɛl dɛn adu na dɛn ples we plɛnti pipul gɛda.

Matyu 9:38

Na dat mek una fɔ pre to Gɔd we na di Masta fɔ sɛn mɔ pipul fɔ kam gɛda dɛn pipul ya ɛn briŋ dɛn kam to am.”

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Prɔvabs 16:5

PAPA GƆD et pɔsin we de kak, ɛn i fɔ no se jɔjmɛnt de gɛt fɔ kam.

Matyu 23:6

Wɛn dɛn go na pati, dɛn lɛk fɔ sidɔm na dɛn ples we dɛn bigman de sidɔm, ɛn wɛn dɛn go na di Ju mitin os, dɛn lɛk fɔ sidɔm na di bɛnch we de bifo.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Matyu 6:1

“Wɛn una de du dɛn tin we una rilijɔn tɛl una fɔ du, una nɔ fɔ du am, so dat ɔlman go si wetin una de du. If una du am fɔ mek pipul si una, una nɔ go gɛt wetin una Papa we de na ɛvin gɛt fɔ gi una.

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Lyuk 6:24

“Bɔt waala go kam pan una we jɛntri naw, una dɔn gɛt ɔl di tin dɛn we dɔn mek una gladi!