Matyu 6:2 - Krio Fɔs Oli Baybul

² “So wɛn una de du gud to dɛn pipul we nɔ gɛt natin, una nɔ mek pipul no bɔt dat lɛkɛ aw dɛn ipokrit pipul de du na dɛn Ju mitin os ɛn na trit. Dɛn de du am fɔ mek pipul prez dɛn, bɔt a want mek una no se di prez we pipul dɔn prez dɛn na di pe dat nɔmɔ we dɛn go gɛt.

Matyu 6:2 Referans Kwoze

Matyu 6:5

“Wɛn una de pre, una nɔ fɔ du lɛkɛ aw dɛn ipokrit pipul de du. Dɛn lɛk fɔ tinap na dɛn Ju mitin os, ɛn na dɛn kɔna dɛn na trit fɔ pre, so dat ɔlman go si dɛn we dɛn de pre. A want mek una no se, dɛn dɔn gɛt ɔl di pe we dɛn fɔ gɛt.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Jɔn 5:41

“A nɔ de wok fɔ mek mɔtalman prez mi.

Di Ibru Pipul Dɛn 13:16

Una nɔ fɔgɛt se una fɔ de du ɔda pipul gud, ɛn una fɔ de gi dɛn pan wetin una gɛt, bikɔs na dɛn kayn sakrifays de, de mek Gɔd gladi.

Lyuk 20:46

“Una fɔ tek tɛm wit dɛn Ju Lɔ ticha ya. Dɛn na pipul we lɛk fɔ wɛr dɛn lɔŋ gawn fɔ mek ɔlman no se dɛn na bigman ɛn dɛn lɛk fɔ mek pipul tɛl dɛn adu na dɛn ples we plɛnti pipul gɛda. Wɛn dɛn go na di Ju mitin os, dɛn kin lɛk fɔ sidɔm na dɛn bɛnch we de bifo ɛn wɛn dɛn go pati, dɛn kin lɛk fɔ sidɔm na dɛn ples we dɛn bigman de sidɔm.

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Di Sam Dɛm 37:21

Pan ɔl we dɛn de mek so, dɛn nɔba ebul pe dɛt bikɔs ɔf dɛn badlɔk, bɔt di wan dɛn we de du wetin PAPA GƆD want, i de blɛs dɛn ɛn so dɛn frian;

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.

Lɛta Fɔ Galeshya 2:10

Dɛn se lɛ wi mɛmba fɔ ɛp dɛn po pipul we de na di chɔch na Jerusɛlɛm, ɛn na dat bin de na mi at bad bad wan fɔ du.

Apɔsul Dɛn Wok 10:4

Kɔnilyɔs skyad ɛn luk di enjɛl ɛn se, “Wetin yu want, sa?” Di enjɛl se, “Gɔd dɔn yɛri dɛn pre we yu kin de pre, i dɔn si di gud wok we yu dɔn du fɔ dɛn po pipul, ɛn i dɔn ansa yu.

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Lɛta Fɔ Rom 12:8

If i mek wi sabi fɔ kɔrej pipul, wi fɔ kɔrej pipul. If Gɔd gi ɛnibɔdi gudat fɔ sheb wetin i gɛt wit ɔda pipul, di pɔsin fɔ de du dat wit ɔl in at; ɛnibɔdi we Gɔd gi pawa fɔ rul, fɔ rul lɛkɛ soba pɔsin; ɛnibɔdi we Gɔd gi ajo, fɔ gladi fɔ sho am.

Apɔsul Dɛn Wok 24:17

“Afta sɔm ia bin dɔn pas we a nɔ go Jerusɛlɛm, a bin go de fɔ kɛr sɔm mɔni we dɛn gi mi fɔ gi mi Ju pipul dɛn ɛn fɔ mek sakrifays to Gɔd.

Apɔsul Dɛn Wok 10:31

Di man se, ‘Kɔnilyɔs, Gɔd dɔn yɛri di pre we yu de pre ɛn i dɔn si du gud wok we yu dɔn du fɔ dɛn po pipul. I dɔn ansa yu.

Apɔsul Dɛn Wok 10:2

Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Jɔn 13:29

We na Judas bin de kip di kɔpɔ fɔ Jizɔs ɛn in lanin bɔy dɛn, sɔm pan di lanin bɔy dɛn bin mɛmba se Jizɔs bin de tɛl am fɔ go bay dɛn tin we dɛn bin want yus fɔ di Pasova ɔlide ɔ fɔ go gi dɛn po pipul sɔntin.

Jɔn 5:44

Una lɛk di prez we una kɔmpin dɛn de prez una, bɔt una nɔ de tray fɔ mek di wan Gɔd prez una, so aw una go biliv mi?

Lyuk 6:42

Aw yu go tɛl yu kɔmpin se, ‘Padi, kam mek a pul da smɔl tik de na yu yay’ we yusɛf nɔ de si di big tik na yu yon yay? Yu ipokrit! Go pul di big tik we de na yu yon yay fɔs, so dat yu go ebul si klia wan fɔ pul di smɔl tik we de na yu kɔmpin in yay.

Mak 12:39

Dɛn na pipul we lɛk fɔ sidɔm na dɛn bɛnch we de bifo na di Ju mitin os, ɛn wɛn pipul kɔl dɛn na pati, dɛn kin lɛk fɔ go sidɔm na di ples we dɛn bigman de sidɔm.

Prɔvabs 20:6

Bɔku pipul kin mek mɔt se yu kin abop pan dɛn, jɛs tray dɛn ɛn si if yu go fɛn wan pɔsin sɛf we yu go abop pan.

Prɔvabs 19:17

If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

Di Sam Dɛm 112:9

I bin dɔn sheb sheb ɔl wetin i gɛt, gi poman. Da gud at de go de wit am te go; dɔn PAPA GƆD go gi am mɔ pawa ɛn fem.

Faylimɔn 1:7

Mi brɔda, a kin gladi bad ɛn a kin tek kɔrej wɛn a yɛri aw yu lɛk Gɔd in pipul dɛn, bikɔs yu dɔn mek ɔl Gɔd in pipul dɛn at gladi.

Fɔs Lɛta Fɔ Tɛsalonayka 2:6

Wi nɔ bin de tray fɔ mek una ɔ ɛni ɔda pipul prez wi.

Apɔsul Dɛn Wok 11:29

Jizɔs in lanin bɔy dɛn gri fɔ ɛp dɛn Kristiɛn na Judia.

Lyuk 13:15

Jizɔs ansa am se, “Una dɛn ipokrit pipul ya! Una nɔ kin pul una ship ɛn kaw dɛn na do di de fɔ pre ɛn blo ɛn kɛr dɛn go mek dɛn go drink wata?

Lyuk 12:56

Una dɛn ipokrit pipul ya, una no wetin dɛn tin we una de si na wɔl ɛn ɔp klawd, min, bɔt wetin mek una nɔ no wetin dɛn tin we de bi na wɔl naw, min?

Lyuk 12:33

Una fɔ sɛl ɔl wetin una gɛt ɛn sheb di kɔpɔ gi dɛn pipul we nɔ gɛt natin; una tray fɔ gɛt dɛn pɔs we nɔ de ol, dat na dɛn plɛnti gud gud tin we nɔ go dɔn na ɛvin, bikɔs tifman nɔ go tif dɛn de ɛn bɔgbɔg nɔ go it dɛn.

Lyuk 11:43

“Una dɛn Faresi, i go bad fɔ una! Wɛn una de na di Ju mitin os, una kin lɛk fɔ sidɔm na dɛn bɛnch we de bifo, ɛn una lɛk fɔ mek dɛn tɛl una adu na dɛn ples we pipul de plɛnti.

Lyuk 11:41

Una fɔ ɛp dɛn po pipul wit ɔl una at, dɛn ɔltin go klin fɔ una.

Lyuk 6:24

“Bɔt waala go kam pan una we jɛntri naw, una dɔn gɛt ɔl di tin dɛn we dɔn mek una gladi!

Mak 7:6

Jizɔs ansa se, “Na tru da lɔntɛm prɔfɛt we nem Ayzaya bin tɔk bɔt una wɛn i rayt se, ‘Gɔd se, dɛn pipul ya rɛspɛkt mi wit dɛn mɔt, bɔt dɛn nɔ want du wetin a tɛl dɛn fɔ du, bikɔs dɛn at nɔ de fɔ mi.

Matyu 24:51

Di masta go pɔnish am bad wan, ɛn i go put am na di ples we dɛn ipokrit pipul de kray bita wan ɛn bɛt dɛn tɔŋ; insɛf go kray bita wan ɛn bɛt in tɔŋ.

Matyu 23:6

Wɛn dɛn go na pati, dɛn lɛk fɔ sidɔm na dɛn ples we dɛn bigman de sidɔm, ɛn wɛn dɛn go na di Ju mitin os, dɛn lɛk fɔ sidɔm na di bɛnch we de bifo.

Matyu 22:18

Jizɔs bin no di bad tin we dɛn plan, so i se, “Una na ipokrit, wetin mek una de tray fɔ tek wetin a tɔk kech mi?

Matyu 16:3

Wɛn do klin, una kin se, ‘Ren go kam bikɔs di klawd rɛd ɛn dak.’ Wɛn una luk di klawd, una kin ebul no aw di wɛda go tan, bɔt una nɔ ebul no wetin dɛn tin we de bi naw, min.

Matyu 15:7

Una na ipokrit! Na tru da prɔfɛt we nem Ayzaya bin tɔk bɔt una we i se,

Ayzaya 58:7

Nɔto fɔ sheb yu it wit udat aŋri, ɛn briŋ di po man we nɔ gɛt say fɔ tap, kam na yu os; we yu si di wan we nɔ gɛt klos, fɔ gi am klos, ɛn nɔ fɔ de ayd pan yu fambul dɛm?

Ayzaya 9:17

Na dat mek PAPA GƆD nɔ de gladi fɔ dɛn yɔŋ bɔy dɛn, ɛn i nɔ de sɔri fɔ di pikin dɛn we dɛn papa dɔn day ɛn di uman dɛn we dɛn man dɔn day; bikɔs dɛn ɔl nɔ sabi Gɔd ɛn na so so bad dɛn de du, ɛn na soso rɔbish dɛn de tɔk. Fɔseka ɔl dɛn tin ya, in at stil nɔ kol ɛn i stil de pɔnish dɛn.

Ɛkliziastis 11:2

Put yu mɔni sɛvin ɔ et say, bikɔs yu nɔ no wetin go apin na wɔl bambay.

1 Samiɛl 15:30

Sɔl ansa se i no se i dɔn sin bɔt beg Samiɛl lɛ i go bak wit am fɔ wɔship PAPA GƆD ɔ nɔ so i go shem pan di bigman dɛn we de na Izrɛl.

Matyu 7:5

Yu ipokrit! Yu pul da big tik we de insay yu yon yay fɔs, da tɛm de yu go si klia wan fɔ pul di smɔl tik we de insay yu brɔda in yay.

Matyu 5:18

Una fɔ mɛmba se, wans ɛvin ɛn dis wɔl de, natin nɔ go kɔmɔt pan di Lɔ te ɔl wetin di Lɔ tɔk bɔt, dɔn bi.

Ayzaya 10:6

A de sɛn am to wan neshɔn we nɔ no Gɔd, ɛn a kɔmand am fɔ go fɛt di pipul dɛn we vɛks a pan, fɔ tek dɛn tiŋs dɛn ɛn tif dɛn bay pawa, fɔ mas dɛn lɛk pɔtɔ pɔtɔ na trit.

Matyu 6:3

Bɔt wɛn una de du gud to dɛn pipul we nɔ gɛt natin, una fɔ so du am, dat una tayt padi sɛf nɔ go no bɔt dat.

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

1 Kɔrint 13:3

If a giwe ɔl wetin a gɛt sɛf to po pipul, ɔ a gri sɛf mek dɛn bɔn mi bɔdi, bɔt a nɔ lɛk mi kɔmpin mɔtalman, ɔl dat nɔ min natin.