Matyu 6:1 - Krio Fɔs Oli Baybul

¹ “Wɛn una de du dɛn tin we una rilijɔn tɛl una fɔ du, una nɔ fɔ du am, so dat ɔlman go si wetin una de du. If una du am fɔ mek pipul si una, una nɔ go gɛt wetin una Papa we de na ɛvin gɛt fɔ gi una.

Matyu 6:1 Referans Kwoze

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Jɔn 12:43

Dɛn bin lɛk fɔ bay gudfes to mɔtalman pas fɔ du dɛn tin we go mek Gɔd satisfay wit dɛn.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Lɛta Fɔ Galeshya 6:12

Di pɔsin we want fos una fɔ mek una sakɔmsayz, jɛs want blɔf. Dɛn de du ɔl dat, so dat pipul nɔ go mek dɛn sɔfa, lɛkɛ aw dɛn go du, if dɛn biliv ɛn tɔk se Krays day fɔ sev mɔtalman.

Jɔn 5:44

Una lɛk di prez we una kɔmpin dɛn de prez una, bɔt una nɔ de tray fɔ mek di wan Gɔd prez una, so aw una go biliv mi?

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Jɔn In Sɛkɛn Lɛta 1:8

Una tek tɛm, mek una nɔ lɔs wetin una dɔn wok fɔ, so una go gɛt ɔl wetin Gɔd dɔn prɔmis una.

Mak 8:15

Wɛn dɛn de go, Jizɔs wɔn dɛn. I se, “Una tek tɛm wit di yist we di Faresi dɛn ɛn Ɛrɔd de yus.”

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Matyu 16:6

Jizɔs tɔk to dɛn, i se, “Una tek tɛm wit di yist we di Faresi dɛn ɛn di Sadyusi dɛn de yus.”

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

Lyuk 11:35

Na dat mek yu fɔ tek tɛm mek di layt we de pan yu nɔ ɔt.

Di Sam Dɛm 112:9

I bin dɔn sheb sheb ɔl wetin i gɛt, gi poman. Da gud at de go de wit am te go; dɔn PAPA GƆD go gi am mɔ pawa ɛn fem.

Lyuk 12:1

Di pipul dɛn we bin gɛda bin plɛnti te nɔbɔdi nɔ ebul kɔnt dɛn, dɛn bin so plɛnti dat dɛn bin de mas mas dɛn kɔmpin, ples nɔ bin de fɔ put fut. Jizɔs tɔk to in lanin bɔy dɛn, i se, “Una tek tɛm mek unasɛf nɔ go ipokrit lɛkɛ dɛn Faresi; di ipokrit we dɛn ipokrit tan lɛkɛ aw yist kin prɛd insay flawa.

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Matyu 5:46

Us bɛnifit una go gɛt if na dɛn pipul we lɛk una nɔmɔ una lɛk? Dɛn pipul we de gɛda taks sɛf de du di sem tin.

Zɛkaraya 7:5

Zɛkaraya fɔ aks di pipul na di land ɛn di man dɛn we de mek sakrifays fɔ pipul sin se, in se, if we dɛn bin de fast di nɔmba fayv de na di nɔmba sɛvin mɔnt fɔ sɛvinti ia, if na fɔ in dɛn bin de fast.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Matyu 6:9

Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

Ditarɔnɔmi 24:13

dɛn fɔ gi am in kot ɛvri ivintɛm lɛ i go gɛt am fɔ de slip. Mozis tɛl dɛn se PAPA GƆD we na dɛn PAPA GƆD go blɛs dɛn fɔ dat.

Di Ibru Pipul Dɛn 2:1

Na dat mek, wi fɔ put ɔl wi at pan di tru wɔd we dɛn dɔn tɛl wi, so dat wi nɔ go kɔmɔt na di rayt rod.

Daniɛl 4:27

Ɛn so, duya kiŋ, nɔ vɛks fɔ di advays we a de kam gi yu; lɛf fɔ sin ɛn waka tret wit PAPA GƆD, ɛn tap di wikɛd tin dɛn we yu de du bay aw yu de sɔri fɔ di wan dɛn we dɛn de du bad, bay dat, sɔntɛnde, yu go ɛnjɔy mɔ lɔŋ layf wit kol at.”

Di Ibru Pipul Dɛn 11:26

I gri se if i sɔfa fɔseka di Mɛsaya we Gɔd go sɛn kam na wɔl, dat bɛtɛ fɔ am, pas fɔ gɛt ɔl di jɛntri we de na Ijipt. I put in at pan di blɛsin we i go gɛt bambay.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

2 Kiŋ 10:31

Bɔt Jeu insɛf nɔ bin bisin fɔ de du wetin PAPA GƆD, di PAPA GƆD fɔ Izrɛl want wit ɔl in at. I nɔ tap fɔ du di bad tin we Jɛroboam bin de du we i mek Izrɛl kɔmit sin.

2 Kiŋ 10:16

Jeu tɛl am se lɛ i de waka wit am fɔ lɛ i go si aw i de magomago fɔ PAPA GƆD. So dɛn ɔltu rayd na Jeu in karej.

Zɛkaraya 13:4

Da de de, ɛni prɔfɛt we si vishɔn we fɔ mek i tɔk PAPA GƆD wɔd, go shem fɔ tɔk; i nɔ go wɛr di klos we dɛn kin wɛr fɔ lay pan pipul.

Apɔsul Dɛn Wok 3:12

Wɛn Pita si di pipul dɛn, i se, “Mi kɔntri man dɛn, wetin mek una de wɔnda fɔseka wetin dɔn bi ɛn wetin mek una de luk wi so? Una min se na wi yon pawa ɔ na bikɔs wi gud mek dis man wɛl?