Matyu 5:9 - Krio Fɔs Oli Baybul

⁹ “Dɛn wan we de mek pis fɔ pipul, gɛt blɛsin, bikɔs Gɔd go mek dɛn bi in pikin dɛn!

Matyu 5:9 Referans Kwoze

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Lɛta Fɔ Rom 12:18

Una fɔ du ɔl wetin una ebul fɔ du so dat una kin de kwayɛt wan wit ɔlman.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Di Sam Dɛm 120:6

A dɔn tap fɔ lɔŋ usay pipul we lɛk plaba de.

Lɛta Fɔ Rom 8:14

Dɛn pipul we de du wetin Gɔd in Spirit tɛl dɛn fɔ du, na Gɔd in pikin dɛn.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Lɛta Fɔ Kɔlɔse 3:13

Una nɔ fɔ vɛks if pɔsin du una bad, ɛn una fɔ padin dɛn if dɛn du una ɛnitin. Una fɔ padin una kɔmpin lɛkɛ aw di Masta dɔn padin una.

Di Sam Dɛm 34:12

Udat lɛk in layf ɛn want fɔ ɛnjɔy am?

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

2 Kɔrint 5:20

So na di mɛsej dis we Krays gi wi fɔ una, lɛkɛ se Gɔd insɛf de tɔk to una; na fɔseka Krays, wi de beg una: una alaw Gɔd mek i mek una tap fɔ bi pipul we nɔ lɛk am, ɛn bi in padi dɛn.

Apɔsul Dɛn Wok 7:26

Wan ɔda de Mozis mit tu Izrɛl man dɛn de fɛt. Wɛn i go fɔ pat dɛn tu, i tɛl dɛn se, ‘Mi pipul dɛn, una lɛf fɔ fɛt bikɔs una tu na brɔda. Wetin mek una de fɛt una kɔmpin?’

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

1 Kronikuls 12:17

Dɛvid kɔmɔt go mit dɛm ɛn tɛl dɛn se, “If una kam to mi wit gud at fɔ ɛp mi, misɛf go gladi fɔ una; bɔt if una kam fɔ sɛl mi gi mi ɛnimi dɛm, ɔl we mi an klin, mek wi Papa dɛn Gɔd si ɛn pɔnish una.”

1 Kɔrint 6:6

Bifo dat, Kristiɛn de kɛr in kɔmpin go kot mek dɛn wan we nɔ biliv Gɔd go jɔj di kes fɔ dɛn.

Lɛta Fɔ Filipay 4:2

Yuodia ɛn Sintiche, a de beg una, duya, una fɔ gɛt wanwɔd lɛkɛ sista. Wetin du? Bikɔs una gɛt wanwɔd wit di Masta.

Lyuk 20:36

Dɛn nɔ go day igen bikɔs dɛn tan lɛkɛ enjɛl naw ɛn dɛn na Gɔd in pikin dɛn bikɔs dɛn bin dɔn day, bɔt naw dɛn dɔn gɛt layf bak na ɛvin.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Lɛta Fɔ Rom 8:16

Gɔd in Spirit wit wi yon spirit de tɔk di sem tin se wi na Gɔd in pikin dɛn.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.