Matyu 5:8 - Krio Fɔs Oli Baybul

⁸ “Dɛn wan we gɛt klin at, gɛt blɛsin, bikɔs dɛn go de usay Gɔd de!

Matyu 5:8 Referans Kwoze

Di Sam Dɛm 24:4

Na udat in an dɛn klin we gɛt klinat, we nɔ gɛt ɔda gɔd na kɔna we i de wɔship ɛn nɔ de mek ipokrit se i de swɛ, we i nɔ min am.

Di Sam Dɛm 51:10

PAPA GƆD gi mi at we klin fɔ du yu wok, nyu at we go de du wetin yu want.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Prɔvabs 22:11

Udat we gɛt klin at ɛn sabi tɔk, nain di kiŋ kin mek in padi.

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Taytɔs 1:15

Ɔltin klin to pipul we gɛt klin at; bɔt natin nɔ klin to pipul we nɔ gɛt klin at ɛn we nɔ biliv Gɔd, bikɔs na dɔti tin dɛn de mɛmba ɛn na dat de na dɛn at.

Di Sam Dɛm 15:2

Na di pɔsin we de waka tret, we nɔ de miks pan bɛnbɛn, ɛn we nɔ de lay,

Apɔsul Dɛn Wok 15:9

Gɔd sho se wi ɛn dɛn na di sem ɛn bikɔs dɛn biliv, i pul bad kɔmɔt na dɛn at.

Di Sam Dɛm 73:1

Fɔ tru, tru, PAPA GƆD gud to Izrɛl, ɛn ɔl udat de fala am wit ɔl in at.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Di Sam Dɛm 18:26

Udat du gud yu gud to am, bɔt udat wan sho se in gɛt sɛns pan yu go brakɛt yu.

1 Kɔrint 13:12

Wetin wi de si naw tan lɛkɛ wetin pɔsin kin si na glas we nɔ klia; bɔt da tɛm de, wi go si gud gud wan wit wi yon yay. A nɔ sabi plɛnti tin naw, bɔt da tɛm de a go sabi ɔltin gud gud lɛkɛ aw Gɔd sabi mi gud gud.

Rɛvɛleshɔn 22:4

Dɛn go si Gɔd in fes, ɛn in nem go de pan dɛn fɔrɛd.

Jɛnɛsis 32:30

Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day.

Di Sam Dɛm 51:6

Yu lɛk pɔsin we nɔ de mek ipokrit, ɛn yu go ebul fɔ tich am mɔ we go mek i gɛt mɔ sɛns.

2 Samiɛl 22:27

Udat du gud, yu gud to am bɔt udat wan sho se in gɛt sɛns pas yu, go brakɛt yu.