Matyu 5:7 - Krio Fɔs Oli Baybul

⁷ “Dɛn wan we de sɔri fɔ ɔda pipul, gɛt blɛsin, bikɔs Gɔd insɛf go sɔri fɔ dɛn di de we i go jɔj mɔtalman!

Matyu 5:7 Referans Kwoze

Lɛta Fɔ Ɛfisɔs 4:32

Bɔt una fɔ de du gud ɛn gɛt sɔri at fɔ una kɔmpin. Una fɔ de padin una kɔmpin lɛkɛ aw Gɔd dɔn padin una bikɔs una na Krays yon pipul.

2 Samiɛl 22:26

Yu nɔ de lɛf udat de fala yu ɔltɛm ɛn udat de du wetin yu want.

Di Sam Dɛm 18:25

Yu nɔ de lɛf udat de fala yu ɔltɛm ɛn udat de du wetin yu want.

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

Prɔvabs 19:17

If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Daniɛl 4:27

Ɛn so, duya kiŋ, nɔ vɛks fɔ di advays we a de kam gi yu; lɛf fɔ sin ɛn waka tret wit PAPA GƆD, ɛn tap di wikɛd tin dɛn we yu de du bay aw yu de sɔri fɔ di wan dɛn we dɛn de du bad, bay dat, sɔntɛnde, yu go ɛnjɔy mɔ lɔŋ layf wit kol at.”

Di Ibru Pipul Dɛn 4:16

Fɔseka dat, wi nɔ fɔ fred. Lɛ wi kam bifo Gɔd we go sho wi aw i lɛk wi, ɛn we go sɔri fɔ wi, ɛn ɛp wi di rayt tɛm.

Prɔvabs 11:17

Yu du gud i du am fɔ insɛf, yu du bad i du am fɔ insɛf.

Pita In Fɔs Lɛta 2:10

Tɛm bin de we una nɔto bin Gɔd yon pipul dɛn, bɔt una dɔn bi in pipul dɛn naw; tɛm bin de we una nɔ bin no aw Gɔd gud, bɔt naw una dɔn no aw i gud we i dɔn sɔri fɔ una.

Mak 11:25

Ɛnitɛm we una de pre to Gɔd, una fɔ padin ɛnibɔdi we du una bad, so dat una Papa Gɔd we de na ɛvin go padin una fɔ di bad tin dɛn we una du. [

Prɔvabs 14:21

Udat de fil se i bɛtɛ pas in kɔmpin de sin, bɔt i fayn fɔ dɛn wan we de du gud to poman.

Ozie 2:1

So kɔl yu kɔmpin Izrɛlayt dɛn “Mi pɔsin,” ɛn di uman dɛn, kɔl dɛn “A go sɔri fɔ am.”

Di Sam Dɛm 112:9

I bin dɔn sheb sheb ɔl wetin i gɛt, gi poman. Da gud at de go de wit am te go; dɔn PAPA GƆD go gi am mɔ pawa ɛn fem.

Di Sam Dɛm 112:4

Ivin we di ples dak, layt mɔs de to udat de du gud ɔltɛm bikɔs PAPA GƆD gud ɛn i gɛt sɔri-at so i de du wetin rayt.

Di Sam Dɛm 37:26

Ɔltɛm dɛn de ɛp ɔda pipul; so dɛn pikin dɛn mɔs rip di blɛsin.

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

1 Kɔrint 7:25

Naw, na dɛn wan we nɔ mared a de tɔk bɔt: Gɔd nɔ tɛl mi wetin a fɔ tɛl dɛn fɔ du, na mi yon advays a de gi dɛn. A fil se Gɔd we gud to mi dɔn gi mi sɛns, so dat wɛn a de tɔk, pipul kin biliv wetin a de tɛl dɛn.

Fɔs Lɛta To Timoti 1:16

Bɔt we Gɔd sɔri fɔ mi, i bin want fɔ sho aw Jizɔs Krays go bia wit mi fɔ mek ɔda pipul si se, if i ebul bia wit mi we dɔn sin pas ɔlman, i go ebul bia wit ɔda pipul we go kam biliv pan am fɔseka dat ɛn gɛt layf we go de sote go.

Ozie 2:23

A go sho am wetin i min fɔ mek a lɛk di land. A go sɔri fɔ “a nɔ de sɔri fɔ am”; ɛn lɛ “nɔto mi pɔsin” no se in na mi pɔsin, dɔn insɛf go se, “Yu na mi Gɔd.”

Ozie 1:6

Goma gɛt ɔda bɛlɛ bak bɔn titi dis tɛm. PAPA GƆD tɛl Ozie fɔ gi di pikin nem “a nɔ de sɔri fɔ am,” bikɔs in nɔ go sɔri fɔ Izrɛl igen ɛn i nɔ go fɔgiv dɛn wankɔpɔ.

Ayzaya 57:1

Pɔsin we de waka tret na PAPA GƆD in yay kin day, ɛn nɔbɔdi nɔ de put am nain at; oli pipul dɛn we de sav Gɔd de go, we nɔbɔdi nɔ de ɔndastand. Bikɔs dɛn kin pul di man we de waka tret na PAPA GƆD in yay, kɔmɔt pan waala,

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

Lɛta Fɔ Rom 11:30

Fɔs tɛm una we nɔto Ju nɔ bin de du wetin Gɔd tɛl una fɔ du, bɔt naw Gɔd dɔn sɔri fɔ una bikɔs di Ju dɛn nɔ du wetin i tɛl dɛn fɔ du.

2 Samiɛl 17:28

kɛr bedshit, bol ɛn tin dɛn we dɛn tek kle mek go gi am. Dɛn kɛr wit ɛn bali, flawa ɛn ros sid, difrɛn kayn binch,

Prɔvabs 11:25

Udat nɔ de skyad fɔ du gud de payl jɛntri fɔ insɛf; ɛn yu de gi in kɔmpin fɔ drink, dɛn go gi insɛf bak fɔ drink.