Matyu 5:6 - Krio Fɔs Oli Baybul

⁶ “Dɛn wan we want fɔ du ɔl wetin Gɔd want pas ɛni ɔda tin, gɛt blɛsin, bikɔs Gɔd go mek dɛn ebul du dat!

Matyu 5:6 Referans Kwoze

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Di Sam Dɛm 107:9

bikɔs i de gi wata to udat tɔsti ɛn gi gud it to udat aŋri.

Jɔn 6:27

Una nɔ fɔ wok fɔ di it we go pwɛl, bɔt una fɔ wok fɔ di it we de gi layf we go de sote go. Na di it dat we Mɔtalman Pikin go gi una fɔ it, bikɔs na Mɔtalman Pikin, Gɔd we na di Papa dɔn sho se in gri fɔ.”

Di Sam Dɛm 145:19

I nɔ de gi dɛn wan we gɛt fred ɛn rɛspɛkt fɔ am, wetin dɛn fɔ gɛt; i de ansa dɛn prea ɛn sev dɛn.

Jɔn 7:37

Di las de pan di ɔlide we impɔtant pas ɔl di ɔda de dɛn, Jizɔs tinap ɛn tɔk lawd wan se, “If ɛnibɔdi tɔsti mek i kam to mi, kam drink.

Rɛvɛleshɔn 7:16

Aŋri nɔ go kech dɛn igen, dɛn nɔ go tɔsti igen, ɔt ɔt san nɔ go bɔn dɛn igen ɛn i nɔ go mek dɛn sɔfa pen,

Lyuk 6:21

“Una gɛt blɛsin, una we aŋri naw, bikɔs una go gɛt ɔl wetin una fɔ gɛt! “Una gɛt blɛsin, una we de kray naw, bikɔs wande una go laf!

Ayzaya 44:3

Bikɔs a go tɔn wata na di land we tɔsti, 2 ɛn mek watasay dɛm na di dray grɔn; A go put mi Spirit pan yu pikin dɛn, ɛn mi blɛsin pan di wan dɛn we yu bɔn.

Lyuk 1:53

I dɔn gi dɛn po pipul plɛnti tin we go mek dɛn satisfay, bɔt i dɔn sɛn dɛn jɛntri wan go, i nɔ gi dɛn natin.

Ayzaya 65:13

Fɔseka dat, na dis Papa Gɔd we na Gɔd se: “A de tɛl una, mi wokman dɛn go it, bɔt una go de aŋri wan; biliv mi, mi wokman dɛm go gɛt tin fɔ drink, bɔt una go tɔsti; mi wokman dɛn go de gladi, bɔt dɛn go mek una shem;

Di Sam Dɛm 65:4

I fayn fɔ di wan dɛn we yu pik fɔ de nia yu; Wi go gɛt ɔl di swit we de insay yu os, usay wi de wɔship yu.

Ayzaya 25:6

Na pantap dis mawnten PAPA GƆD Ɔlmayti go mek big pati fɔ ɔlman wit fat tin dɛn, wit wayn we gɛt kɛtɛkɛmu, fat tin dɛn we gɛt bif midul di bon ɛn wayn we gɛt kɛtɛkɛmu we dɛn tek tɛm pul, lɛ i nɔ miks.

Di Sam Dɛm 84:2

A so de, magomago fɔ de usay PAPA GƆD de. A go gladi ɛn wit ɔl mi at a go siŋ to PAPA GƆD we nain nɔmɔ de gi layf.

Lyuk 6:25

“Waala go kam pan una we gɛt ɔl wetin una want naw, bikɔs tɛm de kam we una go aŋri! “Waala go kam pan una we de laf naw, bikɔs tɛm de kam we una go kray bita wan!

Ayzaya 41:17

Wɛn po pipul ɛn dɛn wan we nɔ gɛt de fɛn wata, ɛn wata nɔ de, ɛn dɛn tɔŋ dɔn dray wit tɔsti, Mi we na PAPA GƆD go ansa dɛm, Mi we na di Gɔd na Izrɛl, nɔ go tɔn mi bak pan dɛn.

Di Sam Dɛm 63:5

A go tan lɛk we pɔsin satisfay afta i dɔn it gud it ɛn a go gladi fɔ siŋ prez to yu.

Di Sam Dɛm 17:15

Dɛn lɛ mi we nɔ gilti pan natin, gladi we a wek bikɔs a de usay yu want ɔltɛm, we na nia yu.

Sɔlɔmɔn In Siŋ Dɛm 5:1

A de kam insay mi gadin, mi sista, mi yawo, A de gɛda mi Ma wit mi spays, A de it mi ɔnikomb wit mi ɔni, A de drink mi wayn wit mi milk, It o padi dɛn ɛn drink; drink dip o, lɔva dɛn!

Ayzaya 66:11

so dat una go sɔk ɛn satisfay wit in bɔbi we de bayo bayo; so dat una drink gud wit ɛnjɔymɛnt kɔmɔt nain glori we i gɛt abɔmpa.”

Prɔvabs 10:24

Wetin bad pɔsin de fred pas ɔl nain go apin to am, bɔt wetin pɔsin we de waka tret na PAPA GƆD in yay want, PAPA GƆD go gi am.

Prɔvabs 21:21

Udat want fɔ du tin tret wan ɛn de du gud, go gɛt rɛspɛkt ɛn lɔŋ layf.

Jɛrimaya 31:25

Bikɔs a go satisfay di sol we dɔn taya, ɛn a go it to ɔl dɛn sol we fɛdɔp.”