Matyu 5:5 - Krio Fɔs Oli Baybul

⁵ “Dɛn wan we put dɛn yay dɔŋ, gɛt blɛsin, bikɔs dɛn go gɛt wetin Gɔd prɔmis!

Matyu 5:5 Referans Kwoze

Di Sam Dɛm 37:11

Bɔt dɛn wan we nɔ tek dɛnsɛf mek natin go gɛt wetin PAPA GƆD prɔmis dɛn ɛn ɛnjɔy pis.

Ayzaya 29:19

Dɛn wan we put dɛn yay dɔŋ go gɛt frɛsh gladi gladi insay PAPA GƆD ɛn di po wan dɛn pan mɔtalman, go gladi insay di Oli Wan na Izrɛl.

Jems 3:13

Uswan pan una de we gɛt sɛns ɛn we ɔndastand plɛnti tin? Mek i waka tret ɛn du gud ɛn wɛn i de du gud, mek i nɔ prawd ɛn mek i du ɔltin wit sɛns; na dat go sho se in na pɔsin we gɛt sɛns ɛn i de ɔndastand.

Di Sam Dɛm 149:4

Bikɔs PAPA GƆD kin lɛk we in pipul gladi; so i de sev dɛn mek dɛn gladi mɔ.

Lɛta Fɔ Galeshya 5:23

i go mek pipul put dɛn yay dɔŋ ɛn i go mek dɛn nɔ jɛs de du wetin dɛn at gi dɛn fɔ du. Nɔ lɔ nɔ de we tɔk bɔt dɛn tin ya.

Jems 1:21

Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.

Di Sam Dɛm 25:9

Udat nɔ fil tu gud bɔt insɛf, i rɛdi fɔ tich am. I de gayd am aw fɔ du wetin rayt.

Di Nɔmba Dɛm 12:3

Mozis na bin man we nɔ gɛt prɔblɛm. Na bin pɔsin we put insɛf dɔŋ pas ɔlman we liv na di wɔl.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Pita In Fɔs Lɛta 3:15

Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan,

Zɛfinaya 2:3

Ɔl udat de du wetin PAPA GƆD want fɔ kɔntinyu fɔ du so, dɛn fɔ mek shɔ se dɛn de waka tret wan wit PAPA GƆD ɛn put dɛnsɛf dɔŋ fɔ du wetin i want, sɔntɛm we i de jɔj i go sɔri fɔ dɛn.

Taytɔs 3:2

Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Di Sam Dɛm 37:22

di wan dɛn we PAPA GƆD blɛs go gɛt di land we i prɔmis dɛn, bɔt di wan dɛn we i dɔn swɛ, go day.

Di Sam Dɛm 37:9

Di bad pɔsin go day insay in bad, bɔt udat put in op pan PAPA GƆD, go gɛt di land we i prɔmis.

Pita In Fɔs Lɛta 3:4

Bifo dat, ɔl una yon fayn fɔ de insay; una fɔ de tɔk ɛn du tin saful saful, una ed nɔ fɔ de wam, na dɛn kayn tin ya Gɔd luk se fayn, ɛn na dɛn kayn fayn de go de sote go.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Di Sam Dɛm 25:13

I go gɛt lɔŋ layf ɛn ɛnjɔy in jɛntri, dɔn in jɛnareshɔn sɛf go jɛntri ɛn go gɛt di land we i bin prɔmis dɛn.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Di Sam Dɛm 69:32

Lɛ di poman sɛf si wetin yu de du fɔ mi ɛn gladi; Yu we de fala PAPA GƆD, nɔ giv ɔp o!

Di Sam Dɛm 37:29

udat dɛn de du wetin rayt go gɛt di land, ɛn dɛn go de de sote go

Di Sam Dɛm 37:34

I go mek yu ed big we yu go go na di land; ɛn yu go si we i de dɔnawe wit di bad man.

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Lɛta Fɔ Rom 4:13

Gɔd prɔmis Ebraam se in ɛn in grampikin pikin dɛm go gɛt ɔl di wɔl; nɔto bikɔs i bin de du ɔl wetin rayt na di Lɔ, bɔt bikɔs i bin biliv Gɔd, ɛn fɔseka dat, Gɔd luk se na pɔsin we de waka tret.

Di Sam Dɛm 147:6

Na PAPA GƆD de ɛp udat de dɔŋ fɔ grap bɔt i go mek di bad man lɛf na grɔn.

Matyu 21:5

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Ayzaya 60:21

Yu pipul dɛn ɔl go waka tret na PAPA GƆD in yay; di land go blant dɛn sote go, di yɔŋ wan dɛn we bɔs pan di plant we plant, di tin dɛn we na misɛf du, mek a go gɛt glori.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Di Sam Dɛm 22:26

Ɔl udat nɔ gɛt fɔ it go kam ɛn dɛn go it; ɔl udat want fɔ prez yu, go prez yu. Lɛ wi ɔl gɛt lɔŋ layf ɛn ɛnjɔy wi layf!