Matyu 5:4 - Krio Fɔs Oli Baybul

⁴ “Dɛn wan we de kray, gɛt blɛsin, bikɔs Gɔd go mek dɛn gladi!

Matyu 5:4 Referans Kwoze

Rɛvɛleshɔn 21:4

I go mek dɛn nɔ kray igen; dɛn nɔ go day igen; ebi at ɛn waala nɔ go de igen; nɔbɔdi nɔ go kray igen, bikɔs dɛn tin we bin de fɔs nɔ go de igen.”

Ayzaya 57:18

A dɔn no aw i de biev, bɔt a go mɛn am; a go lid am ɛn pe am bak wit kɔnfɔt, de mek di wan dɛn we de sɔri fɔ am gɛt di pemɛnt fɔ wetin de kɔmɔt na mɔt.

Lyuk 6:21

“Una gɛt blɛsin, una we aŋri naw, bikɔs una go gɛt ɔl wetin una fɔ gɛt! “Una gɛt blɛsin, una we de kray naw, bikɔs wande una go laf!

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Ayzaya 25:8

I go swɛla day sote go, ɛn Papa Gɔd we na Gɔd go wep wata kɔmɔt na ɔlman yay, ɛn i go pul di tin dɛn we de mek pipul dɛn disgres kɔmɔt na di wɔl; bikɔs na PAPA GƆD dɔn tɔk am.

Ayzaya 66:10

“Una gladi wit Jerusɛlɛm ɛn una gladi fɔ am, una ɔl we lɛk am; gladi wit am fɔr in jɔy, una ɔl we de sɔri fɔ am;

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Ayzaya 30:19

Yɛs, pipul dɛn na Zayɔn we tap na Jerusɛlɛm; una nɔ go kray igen: I go mɔs sho una gres we i yɛri una vɔys we una de kray; wɛn i yɛri am, i go ansa una.

Lyuk 16:25

“Bɔt Ebraam tɛl am se, ‘Mi pikin, mɛmba se yu bin jɛntri ɛn yu ɛnjɔy yusɛf di tɛm we yu bin de na wɔl ɛn da tɛm de Lazarɔs bin po ɛn i bin de sɔfa. Bɔt naw Gɔd de blɛs Lazarɔs bɔt yu de sɔfa.

Izikɛl 7:16

If ɛnibɔdi ɛskep i nɔ bin day, dɛn go de na di mawnten dɛm, lɛk dɔv dɛm we de na di vali dɛm, dɛn ɔl de pini, dɛn ɔl, fɔ in wikɛdnɛs.

Lyuk 6:25

“Waala go kam pan una we gɛt ɔl wetin una want naw, bikɔs tɛm de kam we una go aŋri! “Waala go kam pan una we de laf naw, bikɔs tɛm de kam we una go kray bita wan!

Ayzaya 12:1

Una go tɔk da de de se: “A go tɛl yu tɛnki PAPA GƆD, ɔldo yu bin vɛks pan mi yu at dɔn kol, ɛn yu bin koks mi.

Lyuk 7:50

Jizɔs se, “Uman, bikɔs yu biliv pan mi, Gɔd dɔn sev yu. Saful ya, go wit kol at!”

Lyuk 7:38

Di uman go butu klos Jizɔs in fut ɛn bigin kray bita wan saful saful. Di wata we kɔmɔt nain yay sok Jizɔs in fut. I tek in ia wep Jizɔs in fut, dɔn i kis Jizɔs in fut fɔ sho se in rɛspɛkt am, dɔn i tek di sɛnt na di bɔtul ɛn rɔb ɔl na Jizɔs in fut.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.