Matyu 5:3 - Krio Fɔs Oli Baybul

³ “Dɛn wan we abop pan Gɔd, gɛt blɛsin, bikɔs Gɔd de rul dɛn!

Matyu 5:3 Referans Kwoze

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Prɔvabs 29:23

Pɔsin we de kak, dɛn go brok in fɛda dɔŋ; bɔt udat put insɛf dɔŋ, dɛn go gi am rɛspɛkt.

Di Sam Dɛm 34:18

PAPA GƆD de nia ɔl udat fil se i dɔn dɔn fɔ am ɛn de ɛp udat fil se bɛtɛ nɔ de fɔ am igen

Prɔvabs 16:19

I bɛtɛ fɔ ɔmbul yusɛf ɛn lɛf po wan pas fɔ de kak wit tif prɔpati.

Lyuk 18:14

A de tɛl una se, bifo dis man we de gɛda taks go bak nain os, Gɔd padin am; bɔt Gɔd nɔ padin di Faresi. Ɛnibɔdi we put insɛf ɔp, Gɔd go put am dɔŋ, bɔt pɔsin we put insɛf dɔŋ, Gɔd go es am ɔp.”

2 Kronikuls 7:14

if mi pipul dɛm we gɛt mi nem, put dɛnsɛf dɔŋ ɛn pre ɛn ripɛnt, ɛn lɛf dɛn wikɛd we, datɛnde, a go yɛri na ɛvin, ɛn a go fɔgiv dɛn sin, ɛn il dɛn land.

Di Sam Dɛm 51:17

Yu lɛk we wi gɛt rayt atityud fɔ sho se wi na natin bifo yu. PAPA GƆD yu go gladi fɔ ɛnibɔdi we nɔ de es insɛf ɔp, bɔt we de sɔri fɔ in sin ɛn beg yu fɔ fɔgiv am.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

2 Kronikuls 34:27

fɔseka we yu at sɔri ɛn yu ɔmbul yusɛf bifo PAPA GƆD we yu yɛri di wɔd dɛm fɔ disples ɛn fɔ di wan dɛm we tap de, ɛn yu ɔmbul yusɛf bifo mi, ɛn chɛr yu klos ɛn pul wata kɔmɔt na yu yay, mi sɛf a dɔn yɛri yu, PAPA GƆD se,

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

Lyuk 11:28

Jizɔs se, “Yɛs, dat na tru, bɔt mɔ blɛsin de fɔ di pipul dɛn we yɛri Gɔd in wɔd ɛn du wetin Gɔd tɛl dɛn.”

Di Sam Dɛm 112:1

Una lɛ wi prez PAPA GƆD! I go fayn fɔ di pɔsin we de fred PAPA GƆD ɛn we gladi fɔ du wetin i se.

Di Sam Dɛm 1:1

I fayn fɔ di pɔsin we nɔ de fala wetin bad pipul se, we nɔ de kip bad kɔmpin ɛn du wetin dɛn de du, dɔn i nɔ de jɔyn bad gɛŋ fɔ mɔk PAPA GƆD.

Job 42:6

Dat mek a dɔn shem, so a de rɔb dɔst ɛn asis beg yu, lɛ yu sɔri fɔ mi.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Lyuk 4:18

“Gɔd in Spirit de wit mi, bikɔs Gɔd dɔn pik mi fɔ mek a tɛl dɛn po pipul di Gud Nyuz. I sɛn mi fɔ mek a tɛl dɛn slev se dɛn go fri ɛn dɛn blɛnyay pipul se dɛn go si. I sɛn mi fɔ fri dɛn wan we de lɛkɛ slev,

Mak 10:14

Bɔt wɛn Jizɔs si wetin di lanin bɔy dɛn de du, i vɛks pan dɛn, i se, “Una mek di pikin dɛn kam to mi, una nɔ tap dɛn; na pipul lɛkɛ dɛn pikin ya, go kam ɔnda Gɔd in rul.

Matyu 13:16

“Bɔt una gɛt blɛsin we una de si ɛn una de yɛri.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

Di Sam Dɛm 146:5

Di pɔsin, we gɛt di PAPA GƆD we Jekɔb bin de wɔship fɔ ɛp am gɛt blɛsin, i de abop pan PAPA GƆD, di waŋren PAPA GƆD, we nain i de wɔship,

2 Kronikuls 33:12

Ɛn wɛn I de insay trɔbul i beg PAPA GƆD fɔ fevɔ ɛn ɔmbul insɛf Siriɔs wan bifo in papa dɛn Gɔd.

Di Sam Dɛm 41:1

Pɔsin we de sɔri fɔ udat nɔ ebul insɛf go go gɛt blɛsin. PAPA GƆD go pul in ed kɔmɔt pan trɔbul.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

2 Kronikuls 33:23

Ɛn i nɔ ɔmbul insɛf bifo PAPA GƆD lɛk aw Manasɛ in dadi bin ɔmbul insɛf, bɔt dis Amɔn bin jɔs de pak mɔ ɛn mɔ tin dɛn pan insɛf we mek am gilti.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Jɔn 20:29

Jizɔs aks am se, “Yu dɔn biliv pan mi bikɔs yu dɔn si mi? Gɔd go blɛs dɛn wan we biliv pan ɔl we dɛn nɔ si mi.”

Matyu 24:46

Di bɔy go gɛt blɛsin if in masta kam mit am de du di rayt tin.

Di Sam Dɛm 84:12

PAPA GƆD, PAPA GƆD Ɔlmayti, pɔsin we put in trɔs pan yu gladi ɛn gɛt blɛsin.

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Jems 1:10

Mek di Kristiɛn we jɛntri gladi bikɔs Gɔd nɔ tek in jɛntri mek natin, bikɔs di jɛntri man go day lɛkɛ dɛn fayn flawa we wi kin si tide, tumara dɛn dɔn lɔs.

Prɔvabs 8:32

“Naw, una dɛn yɔŋ pipul, una lisin to mi, i go fayn fɔ udat du wetin a se.

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Rɛvɛleshɔn 19:9

Di enjɛl tɔk to mi, i se, “Rayt dis tin ya: Blɛsin de pan dɛn wan we dɛn kɔl fɔ go it na di Ship in mared.” I tɛl mi se, “Dɛn wɔd ya na di tru wɔd dɛn we Gɔd tɔk.”

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Di Sam Dɛm 128:1

I fayn fɔ di pɔsin we de fred ɛn rɛspɛkt PAPA GƆD, we de du wetin i want.

Matyu 11:6

Dɛn wan we nɔ de dawt mi gɛt blɛsin.”

Matyu 8:11

A de tɛl una se, plɛnti pipul go kɔmɔt ɔlɔbɔt na wɔl ɛn sidɔm wit Ebraam, Ayzak ɛn Jekɔb na di ples we Gɔd de rul na ɛvin.

Matyu 3:2

“Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos!”

Matyu 19:14

Jizɔs se, “Una lɛf di pikin dɛn fɔ kam to mi; una nɔ tap dɛn, na pipul lɛkɛ dɛn pikin ya go kam ɔnda Gɔd in rul.”

Lyuk 22:29

Lɛkɛ aw mi Papa dɔn gi mi pawa fɔ rul, na so misɛf gi una pawa fɔ rul.

Lyuk 22:30

Una go it ɛn drink wit mi na di say we a de rul, ɛn we una de rul una go jɔj di twɛlv neshɔn dɛn we de na Izrɛl.

Rɛvɛleshɔn 3:17

Una de tɔk se una jɛntri, di tin dɛn we una gɛt, dɔn plɛnti, ɛn natin nɔ de we una fɔ gɛt we una nɔ gɛt. Bɔt una nɔ kechɔp se una po, ɛn pipul de sɔri fɔ una, una de nekɛd ɛn una yay blɛn.