Matyu 5:16 - Krio Fɔs Oli Baybul

¹⁶ Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

Matyu 5:16 Referans Kwoze

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Jɔn 15:8

If una du plɛnti gud tin, una go sho pipul aw mi Papa wɔndaful; ɛn una go sho se una na mi lanin bɔy dɛn.

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Pita In Fɔs Lɛta 3:16

bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem.

Pita In Fɔs Lɛta 4:14

Una gɛt blɛsin wɛn pipul tɛl una tin we go at una bikɔs una biliv pan Krays, dat sho se Gɔd in Spirit, we gɛt pawa, de insay una.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Ayzaya 58:8

Na datɛnde yu layt go shayn lɛk ali mɔnin layt, ɛn yu wɛlbɔdi go kam wit spid; na di waka we yu de waka tret na PAPA GƆD in yay, ɔlman go no yu fɔ, ɛn na PAPA GƆD in glori go de gyad yu bak.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Di Ibru Pipul Dɛn 10:24

Una lɛ wi tink aw wi go ɛp wisɛf mek wi go lɛk wi kɔmpin dɛn ɛn du gud to dɛn.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Pita In Fɔs Lɛta 3:1

Semwe so, una dɛn mare du man fɔ de du ɔl wetin una man dɛn tɛl una fɔ du, so dat if ɛni wan pan dɛn de we nɔ biliv Gɔd in wɔd, una go mek dɛnsɛf kam biliv pan Gɔd bay aw una de du. Una nɔ go gɛt fɔ tɔk to dɛn bɔt Gɔd igen sɛf,

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Fɔs Lɛta To Timoti 5:25

Semwe so, ɔlman kin si ɛn no wok we gud, bɔt if dɛn nɔ si am wantɛm so sɛf, di gud wok nɔ go ayd te go.

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Fɔs Lɛta To Timoti 2:10

Bɔt dɛn fɔ de du dɛn gud wok we uman we kɔl insɛf Gɔd uman fɔ du.

Lɛta Fɔ Galeshya 1:24

So ɔl dɛn pipul ya prez Gɔd fɔ wetin i mek a du.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Taytɔs 3:4

Bɔt we Gɔd, we de sev pipul, want sho wi aw i gud ɛn aw i lɛk wi,

1 Kɔrint 14:25

Dɛn go no ɔl dɛn tin we ayd insay dɛn at, so dɛn go fɔdɔm na grɔn ɛn pre to Gɔd; dɛn go se, “Fɔ tru, Gɔd de wit una na ya!”

Lyuk 11:2

Jizɔs se, “Wɛn una want pre, una fɔ se: ‘Papa Gɔd, na yu wangren na Gɔd, mek ɔlman pre to yu ɛn ɔna yu. Wi de pre mek yu rul wi.

Matyu 9:8

Wɛn di pipul dɛn si wetin bi, dɛn fred ɛn prez Gɔd fɔ we i gi mɔtalman da pawa de.

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Matyu 23:9

Ɛn una nɔ fɔ kɔl una kɔmpin Kristiɛn ‘Papa’ na dis wɔl, bikɔs na wangren Papa una gɛt we de na ɛvin.

Matyu 6:9

Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

Ɛksodɔs 34:35

Na so dɛn kin de si Mozis in fes de shayn. Mozis kin put di vel bak nain fes te ɔda tɛm rich bak fɔ go tɔk to PAPA GƆD.