Matyu 5:12 - Krio Fɔs Oli Baybul

¹² Una fɔ gladi bad, bikɔs Gɔd kip gud tin fɔ una na ɛvin. Na so pipul bin mek dɛn prɔfɛt we bin de bifo una, sɔfa.

Matyu 5:12 Referans Kwoze

Lyuk 6:23

Una fɔ gladi wɛn dat bi, una fɔ dans ɛn jomp bikɔs una go gɛt big pe we Gɔd dɔn kip fɔ una na ɛvin! Dɛn pipul we de du una dɛn tin ya, na so dɛn grampapa papa dɛn bin du di prɔfɛt dɛn.

Jems 1:2

Mi Kristiɛn pipul dɛn, una fɔ gladi wɛn ɛni waala mit una,

Lɛta Fɔ Kɔlɔse 3:24

Una fɔ mɛmba se di Masta go gi una di gud tin we i dɔn prɔmis in pipul dɛn. Krays na di tru Masta we una de wok fɔ.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Lɛta Fɔ Rom 5:3

Nɔto dat nɔmɔ, bɔt wi gladi sɛf fɔ sɔfa lɛkɛ aw wi de sɔfa, bikɔs wi no se di sɔfa we wi de sɔfa de mek wi gɛt maynd fɔ bia,

Ruth 2:12

I pre mek PAPA GƆD blɛs am ɛn mek PAPA GƆD we nain i abop pan fɔ kɔba am, gi am ɔl di gud tin we i fɔ gɛt fɔ dat.

Di Sam Dɛm 58:11

Dat tɛm de ɔlman go se “fɔ tru PAPA GƆD na PAPA GƆD we de du tin tret wan, ɛn i de jɔj fia wan.”

Ayzaya 3:10

Tɛl dɛn wan we de waka tret se ɔltin go fayn fɔ dɛn, bikɔs dɛn go it wetin dɛn plant

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Di Ibru Pipul Dɛn 11:6

If pɔsin nɔ biliv Gɔd, i nɔ go ebul pliz am. Pɔsin lɛkɛ dat nɔ go kam klos Gɔd pas i biliv se Gɔd de ɛn i de du gud to dɛn pipul we de pre to am ɔltɛm.

Fɔs Lɛta Fɔ Tɛsalonayka 2:15

Na dɛn sem Ju pipul ya kil di prɔfɛt dɛn, ɛn mek dɛn kil Masta Jizɔs ɛn mek wi sɔfa. Dɛn dɔn mek Gɔd vɛks pan dɛn bad wan! Dɛn wikɛd to ɔlman!

Lɛta Fɔ Filipay 2:17

If dɛn gɛt fɔ kil mi sɛf ɛn di day we a day go tan lɛk sakrifays ɛn wit unasɛf yon sakrifays we una de mek to Gɔd dat na di biliv we una biliv pan Krays, a gladi ɛn a de mek una no se a gladi; so dat unasɛf go gladi wit mi.

1 Kiŋ 18:13

I aks Ilayja if i nɔ yɛri se wɛn Jɛzibɛl bin de kil PAPA GƆD in prɔfɛt dɛn, nain go ayd wan ɔndrɛd na tu kev; fifti, fifti, ɛn in bin de sɔplay dɛn it ɛn wata;

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

1 Kɔrint 3:8

Nɔbɔdi nɔ bɛtɛ pas in kɔmpin, di wan we plant ɔ di wan we wata; ɔlman go gɛt di pe fɔ di wok we i du.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Apɔsul Dɛn Wok 16:25

Pɔl ɛn Saylas bin de pre ɛn siŋ to Gɔd; na bin midul nɛt. Di pipul dɛn we bin de na dɛn ɔda sɛl bin de yɛri we Pɔl ɛn Saylas de pre ɛn siŋ to Gɔd.

Lyuk 13:34

“Jerusɛlɛm, Jerusɛlɛm; una dɔn kil dɛn prɔfɛt ɛn una dɔn ston dɛn wan we Gɔd sɛn to una! Ɔmɔs tɛm a dɔn want gɛda una pikin dɛn lɛkɛ aw kombra fɔl de gɛda in pikin dɛn ɔnda in fɛda dɛn, bɔt una nɔ gri mek a du dat!

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Di Sam Dɛm 19:11

Aw PAPA GƆD de kɔt kes de mek a lan ɛn wɛn a de du wetin i se, i de blɛs mi.

2 Kronikuls 16:10

Nain Esa vɛks pan di prɔfɛt ɛn chen am put na jel, bikɔs i bin vɛks pan am bad bad wan fɔ seka dat. Da sem tɛm de, Esa bin du kruɛl kruɛl tin to di pipul dɛn.

1 Kiŋ 18:4

Di tɛm we Jɛzibɛl bin de kil PAPA GƆD in prɔfɛt dɛn, Obadaya na wan man we bin ayd wan ɔndrɛd pan dɛn na kev. I mek dɛn de fifti, fifti na wan kev ɛn bin de gi dɛn it ɛn wata.

Jɛrimaya 26:8

Ɛn wɛn Jɛrimaya dɔn tɔk ɔl wetin PAPA GƆD kɔmand am fɔ tɛl ɔl di pipul dɛm, nain di man dɛm we de mek sakrifays fɔ pipul sin ɛn di prɔfɛt dɛm, ɛn ɔl di pipul dɛm gɛda am, de tɔk se, “yu go day!

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Di Ibru Pipul Dɛn 11:26

I gri se if i sɔfa fɔseka di Mɛsaya we Gɔd go sɛn kam na wɔl, dat bɛtɛ fɔ am, pas fɔ gɛt ɔl di jɛntri we de na Ijipt. I put in at pan di blɛsin we i go gɛt bambay.

2 Kiŋ 1:9

Dɛn di kiŋ sɛn wan ami kapten wit fifti sojaman dɛn fɔ go briŋ Ilayja kam. I go mit Ilayja sidɔm ɔp wan il ɛn tɛl am se, “Yu man ɔf PAPA GƆD, di kiŋ se lɛ yu kam dɔŋ.”

1 Kiŋ 19:2

Jɛzibɛl sɛn mɛsej to Ilayja se in swɛ to in gɔd dɛn lɛ in alaki if in nɔ dil wit am ɛn mek in layf tan lɛkɛ dɛn prɔfɛt dɛn we i kil, di nɛks de.

Jɛrimaya 37:14

Nain Jɛrimaya se, “Nɔto tru; Nɔto rɔnawe a de rɔnawe go to di Babilonian dɛm.” Bɔt Irijah nɔ lisin to am. I gɛda am ɛn briŋ am to di bigman dɛm.

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Di Ibru Pipul Dɛn 10:34

Una bin de sɔri fɔ dɛn pipul we de na jel, una nɔ bin de wɔri, bɔt una bin stil gladi ivin wɛn pipul siz una prɔpati, bikɔs una bin no se una gɛt sɔntin we bɛtɛ pas da prɔpati de, we go de sote go.

Di Ibru Pipul Dɛn 11:33

Na we dɛn bin biliv Gɔd mek dɛn bin fɛt wit sɔm ɔda kɔntri dɛn, ɛn dɛn bin ebul win di wa. Dɛn du dɛn tin we rayt na Gɔd in yay, so Gɔd gi dɛn wetin i bin dɔn prɔmis fɔ gi dɛn. Fɔseka di biliv we dɛn biliv Gɔd, i sɛt di layɔn dɛn mɔt mek dɛn nɔ it dɛn;

Jems 5:10

Mi kɔmpin Kristiɛn dɛn, una mɛmba dɛn prɔfɛt we bin de tɔk Gɔd in mɛsej, dɛn bin sɔfa plɛnti, bɔt dɛn bia; na so unasɛf fɔ bia.